Apocalipsis 18:3 - Bab dummad Jesucristoba igar mesisad garda

³ Ar ade bela dulemar-yar-baid-baidgi-bukmalad galagwensuli we-Babilonia-iskuedgi eba iskusmarmogad, inna-gobsadgi mungusmaladyob, degine, reymar-we-napnegginmalad a-omeba neg-sichigi nanadii-gusmalad, degine, dulemar-we-napneggine-ibmar-ukedgine-arbadimaladi mani-ibedga gusmalad we-ome geg na san barga gudigusadgi.

Kuna San Blas

³ Ar bela dulemar-yar-baid-baidgi-bukmalad, galagwensuli we-Babilonia-isguedgi eba isgusmarmogad. Reymar-we-napnegginmalad, a-omeba negsichigi nanadii gusmalad. Dule-we-napneggi-ibmar-ukedgi-arbadimaladi, we-ome-geg-na-san-barga-gudigusadgi mani-ibedga gusmalad.”

Apocalipsis 18:3 Iomraidhean Croise

Lucas 7:25

“Degite, ¿ar ibi dakega bemar arbisunna? ¿Bemar dule-wargwen-mor-nued-yoi-gudiid dakega arbimala? Suli. Ar dulemar mor-nued-yoi gudimaladdi, wergudimalad, amardi reymar-neg-yagi gudidimalad.

1 Timoteo 5:11

Omegan-ei-sui-burgwismalad nuchukwagwar mer adi e-nug be nasikoed. Ar gannar sui-nikubi-gualid-ular, Cristo-igargi-arbaedgi aibatoed, sui-nikuegar.

Apocalipsis 14:8

A-sorba-anger-baid nonikid, binnasur sogded: “Babilonia, we-neggwebur-dummad bergunoni, ar ade na-e-innagi ogobsadyob we-neggwebur bela dulemar yar-baid-baidgi-bukmalad egwachad, e-iskudiidyob neg-sichigi-abirgunagwarsuli bela-bela yolegega imaksad.”

Apocalipsis 17:2

We-omeba we-napneggi-reymarga-mamaid galagwensuli neg-sichigi eba yoledii-gusmalad, degine, dulemar-we-napneggi-bukmalad we-omeba bela-bela galagwensuli neg-sichigi nanadii-gusmalad, vinogi mungusmaladyob.”

Apocalipsis 18:19

Degine, we-dulemar neg-gummakmaid-dakbukmalad na e-nonogi ukub mismalad, oyogegar, emarde nue-bukib-binsamarye. Wemar binnasur gotemalad, ise-boar, ise-bukib-binsaar sogdemalad: We-neggwebur-nue-nug-nikadgi-dulemar-bukwad bela-bela nue-dummad wilemaloed. Babilonia, be mani-nue-nikadba bela dulemar-ur-demargi-nikamalad mani-ibedga be imaksad. ¡Emigindi, unnila wachi-irgwengi bela ibmar bato sate be gusmalad!

Apocalipsis 18:23

Gwallumar bar begi gwen gaosulid, dule-ome-nikunaid-e-sunmaked degine, ome-sui-nikunaid-e-sunmaked bar begi gwen itolegosulid. Ar begi-mani-onomaladi, amar we-napneggi dule-dummagan guenad, ar be binsa dule yardakar-ibmar-saedba, bela dulemar-yar-baid-baidgi-bukmalad bese yardaklesmalad.

Apocalipsis 18:7

Na dukin na e-nug ogannodii-gusad, na yeer itodii-gusad, ayob gangu be odurdakmoga, deyob be-obomosun. Ar ade Babilonia na e-gwagegi soged: “Ani an rey-omeyobi an siid, ani sui-burgwis-sulid, degine, gwen an boosulid.”

Apocalipsis 18:9

Degine, we-napneggi-reyga-mamaid we-omeba galagwensuli neg-sichigi nanadigusad, we-omeba yeer-itodigusad, bomaloed, we-omeba wile-itomaloed, Babilonia-neg-gummakmaidba waa bupurmakmai dakarmalar.