Apocalipsis 17:2 - Bab dummad Jesucristoba igar mesisad garda

² We-omeba we-napneggi-reymarga-mamaid galagwensuli neg-sichigi eba yoledii-gusmalad, degine, dulemar-we-napneggi-bukmalad we-omeba bela-bela galagwensuli neg-sichigi nanadii-gusmalad, vinogi mungusmaladyob.”

Kuna San Blas

² We-napneggi-reymarga-mamaid we-omeba galagwensuli negsichigi yoledii gusmalad. Degine, dulemar-we-napneggi-bukmalad, vinoʼgi-mumgusmaladyob, we-omeba bela-bela galagwensuli negsichigi nanadii gusmarmogad.”

Apocalipsis 17:2 Iomraidhean Croise

Juan 2:10

Iba-sailaga-gusiid ome-nikusiidga sogded: —Bela dulemar vino-nued-insa mimmi-damalad, geb bukidargus-gobmalad-sorba vino-akusaaled mimmid-damalad. Ar bedi vino-nued sabos, geb be mimmialid.

Apocalipsis 14:8

A-sorba-anger-baid nonikid, binnasur sogded: “Babilonia, we-neggwebur-dummad bergunoni, ar ade na-e-innagi ogobsadyob we-neggwebur bela dulemar yar-baid-baidgi-bukmalad egwachad, e-iskudiidyob neg-sichigi-abirgunagwarsuli bela-bela yolegega imaksad.”

Apocalipsis 17:13

Wemar bela na emarbi binsamalad, ibdula-unidga na e-gangued, degi, e-neg-dakmaid ega ukmaloed.

Apocalipsis 17:17

Bab Dummad na e-sogedba-imakegala reymar binsamalaga imaksad bela na emar-rey-gangumalad ibdula-unidga ukega, Bab Dummad ibmar-sogsad guedse.

Apocalipsis 17:5

Degine, e-bebegine dule-gwen-wichulid-nug-narmakar-naibalid: BABILONIA-NEGGWEBUR-NUE-NUG-NIKADID, GAMBA-NUCHU-IMAKMALAD-E-NANAD, DEGINE, BELA NAPNEGGI-GALAGWENSULI-ISKUDIMALAD-E-SAILABALID.

Apocalipsis 17:8

Ibdula-unid be daksadi, iduar dula gudigusad, emigindi bar dula gudisulid, degine, yaa-dummad-burba-iskana-ambikuedgi nodagoed, na e-neg-nue-bergunaoedse naegar. Dulemar-napneggi-bukmalad, gebesaila napneg-nagusad-akar garda-burba-dulad gudigumaloed e-nugmar-naisurmalad amar geger we-ibdula-unid-dula-gudigusad dakmaloed, emigindi bar dula gudisulid, degine, we-ibdula gannar dula-gudii gunonikoed.

Apocalipsis 18:23

Gwallumar bar begi gwen gaosulid, dule-ome-nikunaid-e-sunmaked degine, ome-sui-nikunaid-e-sunmaked bar begi gwen itolegosulid. Ar begi-mani-onomaladi, amar we-napneggi dule-dummagan guenad, ar be binsa dule yardakar-ibmar-saedba, bela dulemar-yar-baid-baidgi-bukmalad bese yardaklesmalad.

Apocalipsis 18:3

Ar ade bela dulemar-yar-baid-baidgi-bukmalad galagwensuli we-Babilonia-iskuedgi eba iskusmarmogad, inna-gobsadgi mungusmaladyob, degine, reymar-we-napnegginmalad a-omeba neg-sichigi nanadii-gusmalad, degine, dulemar-we-napneggine-ibmar-ukedgine-arbadimaladi mani-ibedga gusmalad we-ome geg na san barga gudigusadgi.

Apocalipsis 18:9

Degine, we-napneggi-reyga-mamaid we-omeba galagwensuli neg-sichigi nanadigusad, we-omeba yeer-itodigusad, bomaloed, we-omeba wile-itomaloed, Babilonia-neg-gummakmaidba waa bupurmakmai dakarmalar.

Apocalipsis 2:22

“‘Emi wegine, a-omegi ueleged-dummad an nasikoed, degine, neg-sichigi eba-galagwensuli-yoledimalad nunmaked-dummad an ega ukoed, ar we-ome-iskudiidgi bangubisurmalar.

Apocalipsis 3:10

Ar an-gaya-burbagi bemar nue galakussuli eba nanasmarsoggu, dulemar-we-napneggi-bukmalad-wilubdakega, ibagan-buled we-napneg-naidgi danikoedgi, an nue bemar-sabomogoed.

Apocalipsis 9:21

Degine, dulemar-we-bonimargi-burgwissurmalad dule-oburgwismaladgi gwen nunmak-itossurmalad, emargi ina-iskana saed, galagwensuli na abirgunagwarsuli neg-sichigi yoleged, degine, atursaedgi gwen na bangubi gussurmarbalid.