Apocalipsis 16:7 - Bab dummad Jesucristoba igar mesisad garda

⁷ Anger-baid, Bab-Dummadga-ibmar-gummakar-ukleged-galu-akar soge an itosbalid: “Napiragwad, Bab-Dummad-Bur-Dummadid, be igargan-nabogedi igar-napiragwad, degi, igar-inikigwadbi be imaked.”

Kuna San Blas

⁷ Baliwitur-baid, Bab-Dummadga-ibmar-ukleged-aila-akar soge an itosbalid: “Eye, Bab-Dummad-Bur-Birigined-Bela-Gangued-Nikad, be-igargan-nabogedi, igar-napiragwadid, igar-innikigwadbi be imaked.”

Apocalipsis 16:7 Iomraidhean Croise

Apocalipsis 1:8

Bab-Bur-Dummadid weyob soged: Ani an gebesailaginedid, degine, ani an napisoladbalid. Ani an gebe-iduedid, degine, anse bergunaibalid. Ani an bur-gangued-nika gudiid, ani an bur-gangued-nika gudigusad, ani an bur-gangued-nika gudigubaloed.

Apocalipsis 13:10

Ar dule eskaryagi aimar-metele, eskaryagi melemogoed. Ar dule espunyargi aimar-oburgwisale, espunyargi oburgwileger-gebmogad. A-ulale dulemar-Jesucristogi-akananaimalad gwagegi bai-itosulid, degi, Jesúsgi nue-bensuli nanadimalad.

Apocalipsis 14:10

we-dule Bab-Dummad-uluded itogoed inna-gaibid gobedyob. Bab Dummad uludedde bato guagwar siid, noggi bela-bela inna-gaibidbi eosadyob. Degisoggu, we-dule angermar-gwage-swilidikmalad-asabin, degi, Sibad-Wawaad-Mimmi-asabin, soo-yagi, degi, azufre-yagi bela-bela wilesii-guoed.

Apocalipsis 14:18

Bab-Dummadga-ibmar-gummakar-ukleged-e-galugi anger-baid noarbalid. A-anger soo-e-sailad. We-anger binnasur dule-esa-dopegwad-nugar-ibed-ganikidse goted, sogded: “Be esa-dopegwad-nugar-ibed napnegse odoge, degine, uvamar-napneggi-nanaid be wee, ar ade uvamar bato nue-gores nanaid.”

Apocalipsis 19:2

Ar na dulemar-sabsur-odurdaked napiragwadba, degine, inikigwadba imaked. We-ome gamba-nuchu-dummad-neg-sichigi-nanadiidba, we-napneggi-dulemar-ichodigusadi sabsur odurdaksad. Degine, we-ome, Bab-Dummad-e-maimar-oburgwisadba, Bab Dummad sabsur we-ome-odurdaksamosunnad.

Apocalipsis 6:9

Sibad-Wawaad-Mimmi, gardagi-wilubgan-saidigar-naid-ataled bichisgu, an daksad, Bab-Dummadga-ibmar-gummakar-ukleged-e-galu-urba, dulemar-Bab-Dummad-gaya-burba-ular-burgwismalad, degine, Bab-Jesús-barsogedgine galakussurmalad-e-burbamar miled.