Apocalipsis 15:4 - Bab dummad Jesucristoba igar mesisad garda

⁴ Degisoggu, Bab Dummad, ¿doa be dobguosuli, degine, doa be-nug ogannogosur be itoge? Ar bebi unnila gwage-swilidikidid. Degisoggu, bela dulemar-yar-baid-baidgi-bukmalad bese nonimaloed, degine, amar Bab Dummad be-dakedba be-nug-ogannomaloed, ar ade be igar-inikigwad-imaked be oyononikid.

Kuna San Blas

⁴ Bab-Dummad, ¿doa be-dobguosuli? ¿Doa be-nug ogannogosuli? Ar bebi unnila dule-isligwaledid. Bela dule-yar-baid-baidgi-bukmalad bese nonimaloed. Amar, Bab-Dummad-be-dakedba, be-nug ogannomaloed. Ar be igar-innikigwad-imaked be oyononikid.”

Apocalipsis 15:4 Iomraidhean Croise

Romanos 15:9

Degine, Cristo nonibalid, Bab Dummad Judiosurmalad-wilesakwaa-daked-ular, Judiosurmalad Bab-Dummad-nug ogannogegar, ar igi Bab-Dummad-Gardagi narmakar nai: Degisoggu, Judiosurmalad-abargi an be-ogannogoed, degine, an be-nug odummogega an namakbaloed. 2 S. 22:50; Sal. 18:49

1 Pedro 1:16

Ar Bab Dummad na E-Gardagi sognaid: Gwage-swilidik be nanamar, ar igi an gwage-swilidik nikmoga. Lv. 11:44-45

Apocalipsis 11:15

Anger-gugled gala-trompeta ogotegu, nibneggi gaya-burbamar-bukidar gole an itosad, sogmar: We-napneggi-neg-semamaid bela anmar-Bab-Dummadgadga gunonikid, degi, Cristogadga gunonibalid. Degisoggu, a neg-dakmai degi-sadegu guoed.

Apocalipsis 14:7

Anger-gukudiid binnasur sogdiid: “Bab-Dummad-dobee be nanamar, e-nug be ogannomar, ar ade na e-igar-nabogoed-e-ibagan omosad. Degine, Bab Dummad we-nibneg-nasiksad, we-napneg-nasiksad, demar-nasiksad, degine, dii-gammumar-mesisad, a-Bab-Dummad-nug odummomarsun.”

Apocalipsis 16:5

Degine, anger dii-ganikid soge an itosad: “Bab Dummad, be gwage-swilidikidid. Be gudiid, be gudigusad, degine, be gudigubaloed. Be inikii ibmar-imaked. Weyob be igar imaksadba nabir be igar imaksad.

Apocalipsis 16:7

Anger-baid, Bab-Dummadga-ibmar-gummakar-ukleged-galu-akar soge an itosbalid: “Napiragwad, Bab-Dummad-Bur-Dummadid, be igargan-nabogedi igar-napiragwad, degi, igar-inikigwadbi be imaked.”

Apocalipsis 19:2

Ar na dulemar-sabsur-odurdaked napiragwadba, degine, inikigwadba imaked. We-ome gamba-nuchu-dummad-neg-sichigi-nanadiidba, we-napneggi-dulemar-ichodigusadi sabsur odurdaksad. Degine, we-ome, Bab-Dummad-e-maimar-oburgwisadba, Bab Dummad sabsur we-ome-odurdaksamosunnad.

Apocalipsis 19:8

Degine, a-omega igar-uklenonikid, mola-nued yoed, mola-gutusulid, mola-dakar-dakarmakar yoed. Ar adega mola-nued, Jesucristogi-akananaimalad-inikii-ibmar-imakmalad-e-wilubganad.

Apocalipsis 3:7

“Filadelfiagi Bab-Jesúsba-nanaimalad-danar-ambikunoni-damalad-e-angerse garda narmak: ‘Dule-gwage-swilidikid, dule-napiragwadid, David-yabi-ganikid. A-dule sunna yawagak egaed. Ar egasale, geg dule edied, ar edisar, geg dule-baid egabalid. A-dule weyob bemarga soged:

Apocalipsis 4:8

Wemar-ibdula-walabakegwadi bela sakan-nergwa nikadbimalad. A-dikarba, degine, yaba, bela ibyagibi dakleged. Gwen bogilenaisurmalad, mutikidbali, degine, neg-ibginedbali sognaigumalad: Bab Dummad, gwage-swilidikid, Bab Dummad, gwage-swilidikid, Bab Dummad, gwage-swilidikid, Bab-Bur-Dummadid, Bab Dummad bur-gangued-nika gudigusad, Bab Dummad bur-gangued-nika gudiid, degine, Bab Dummad bur-gangued-nika gudigubaloed.

Apocalipsis 6:10

Amar binnasur gorbukwa an itosad, sogbukwa: “¿Dummad, be gwage-swilidikidid, be napiragwadid, wede sana we-napnegginmalad-dulemarga be igar itogoe, anmar-oburgwismalad-ular we-dulemar be sabsur-odurdakegar?”