Apocalipsis 14:5 - Bab dummad Jesucristoba igar mesisad garda

⁵ Degine, wemargi gwen gakansaed-nai amilessurmalad, ar ade Bab Dummad olo-gana-asabinni wemar gwen gutu-naisur-daklemalad.

Kuna San Blas

⁵ Degine, wemar gwen gakansadii gussurmalad. Ar Bab-Dummad-asabinni, isgued gwen egi-nai daklessurmalad.

Apocalipsis 14:5 Iomraidhean Croise

Mateo 12:34

“¡Ar bemar naibe-bulegan-e-mimmiganyob-gumalad! ¿Ar bemar iskana damarsoggu, degite, ar igi ibmar-nuegangi bemar sunmakosunna? Geg ibmar-nuegangi bemar sunmakmala. Ar ade dule gwagegi-binsaedba sunmak-daed.

Lucas 23:4

Degine, Pilato sogded, dule-irwa-Bab-Dummadse-gormalad-e-dummaganga, degi, dulemar-bukmaladga: —An dakgua, we-dule ibmar-gwen-oakalossur an daked.

Juan 1:47

Jesús, Natanael-ese-warmakdani dakargu, Natanaelgi sogded: —Wedi Israel-dule-sunnadid, dule-nuedid, we-dule gwagegi emar-yardaked gwen naisulid-duled.

Efesios 5:27

Adi Cristo na eba-nanaimalad-danar-ambikunoni-damalad bela gwage nue swilidikidgi, degi, bipisaar iskued naisulidgi na dukin ega na ukega, igi ome-sui-nikunaid bela yeer daklege, gwen gutu naisuli, bapi-bapidsuli, bela nued daklegedyob.

Colosenses 1:22

Deyob bemar gunonikid, ar Cristo na e-sangi nakrusgi burgwenai-gusad-ular. Cristo weyob imaksad, adi Bab-Dummad-asabin gwen gutu-naisuli, swilidiki, degine, ibmar-akalad sate, Bab Dummadga be-san na be ukmalagar.

Hebreos 9:14

ar Cristo-abe bursunna, ar a bur-bule gangued nikad. Cristo na Bab Dummadgala, Bab-Dummad-Burba-geg-berguedbali na-san-gutu-gwen-naisulidi na san uksa-gusad burgwegar. A-ular anmargi-ichakwa-binsaed-naid burgwedsik-anmar-semaid, Cristo-e-abe, sunna anmarga elied, adi Bab-Dummad-Dula-Maid, a-e-maiga anmar gumalagar.

1 Pedro 1:19

Bab Dummad bemar-baksad Cristo-abe-sunsoged nakrusgi aryosadgi. We-Cristo, sibad-wawaadyobid, gutu-gwen-nikasuli, degine, gwen akarsuli anmar-ular Bab Dummadga uklesad.

1 Pedro 2:22

Ar Bab-Dummad-Gardagi we-Cristogi sognaid: We-dule gwen iskussurgusye, degine, dulemarga gwen gakan-imaksasurbarye. Is. 53:9

1 Pedro 3:10

Ar ade Bab-Dummad-Gardagi sognaid: Na dule san-burba dulad na weligwar-gudii gubiele, degine, iba-nuegan dakbiele, na e-gwabin ibmar-iskana sunmakedsik bargaer-gebed, degine, e-gaya na gakangi sunmaksuli guer-gebed.

Judas 1:24

Ar Bab Dummad, iskuedgi-argwansuli sunna anmar-sedii imaked, degine, sunna gutusuli, weligwaledgi e-gangued-gaed-asabin anmar-ogwised.