Apocalipsis 14:11 - Bab dummad Jesucristoba igar mesisad garda

¹¹ E-wilesiguoed-e-waa bupurmaksiid gwen bogilesi-guosulid, degi-sadeguoed. We-dulemar ibdula-unid, degi, e-wilubgan na-e-bab-dummadga imakmaladba, degine, a-ibdula-unid-e-nug-wilubgan-narmakar-naidba mutikidba, degine, ibginedba obunnoged gwen nikuosurmalad, degi-sadegu wilesii-gumaloed.”

Kuna San Blas

¹¹ ”E-wilesiguoed-e-waa-bupurmaksiid degisadeguoed, gwen bogilesii guosulid. ”We-dulemar-ibdula-unid-e-nug-odummomaladga, degi, a-ibdula-unid-e-nug-wilubgan-narmakar-naidga, obunnoged gwen nikuosulid. Bane-bane oibomai, degisadegu wilesii gumaloed.”

Apocalipsis 14:11 Iomraidhean Croise

Mateo 11:28

“Bela bemar-yegus-alamaknaimalad, degi, yegus-itodidimalad anse be dagmar, ani an bemarga obunnoged ukoed.

Mateo 25:41

“Geb degi dulemar an-argan-sapiledsik-bukmaladga an sogdagoed: ‘Angi be bangumar, bemar bato ukabsalesmalad, soo-saila-geg-berguedse be namar, nia-sailaga, degi, e-angermarga a-neg bato guagwar sigisadse.

Mateo 25:46

“Degisoggu, wemar-iskanamar, odurdakleged-neg-sadeguoedse barmiledmaloed. Dulemar-nuegandi, burba-geg-bergued-negse namaloed.”

Hebreos 1:8

Bab Dummad na E-Machi-nikdi soged: Bedi Baba, be-neg-dakmaid degi-na-sadegu guoed. Igar-napiragwadbarbi be neg-dakmaid.

Apocalipsis 11:15

Anger-gugled gala-trompeta ogotegu, nibneggi gaya-burbamar-bukidar gole an itosad, sogmar: We-napneggi-neg-semamaid bela anmar-Bab-Dummadgadga gunonikid, degi, Cristogadga gunonibalid. Degisoggu, a neg-dakmai degi-sadegu guoed.

Apocalipsis 13:12

Degine, we-ibdula, gebe-ibdula-unid-e-gangued-nikadba ibmar imakalid. Degine, ibdula-bebe-warbo-nikad, ibdula-nono-nue-naibigusad-nugusad bab-dummadyob dakega, we-napneg, degi, bela dulemar-we-napneggi-bukmalad imaksad.

Apocalipsis 13:15

Ibdula-bebe-warbo-nikad ibdula-gebed-e-wilubgan-soblesad sunna obunnoged imaksad, adi we-ibdula-wilubgan sunna sunmakegar, degine, bela dulemar-ese-gorsurmalad, bab-dummadyob-e-daksurmalad, amar-oburgwegar.

Apocalipsis 13:17

Degine, dule-we-wilub-naisulid gege ibmar-baked, degine, geg ibmar ukmarbalid, unnila ibdula-e-wilub-nanaid, igi, e-nug naid-dibe, igi, e-ebised-nug naid-dibe, amarbi sunna ibmar-baked, degine, manigi amarbi sunna ibmar ukmarbalid.

Apocalipsis 14:9

Geb degi anger-baid-warbaagwad, nonikid, binnasur sogdemogad: “Ar dule-wargwen we-ibdula-unid, degi, e-wilub-sobaled bab-dummadyob dakedba, ese golele, degine, e-bebegine e-wilub-nasiksale, igi, e-argangi e-wilub-nasikega imaksa-dibe,

Apocalipsis 18:18

Degine, neggwebur-gummakmaid-e-waa dakarmargua, binnasur gotemalad, sogdemalad: “¿Ibi neggwebur weyob nue-nug-nika gusbalinsunna? Suli, we neggweburyobid sate.”

Apocalipsis 18:9

Degine, we-napneggi-reyga-mamaid we-omeba galagwensuli neg-sichigi nanadigusad, we-omeba yeer-itodigusad, bomaloed, we-omeba wile-itomaloed, Babilonia-neg-gummakmaidba waa bupurmakmai dakarmalar.

Apocalipsis 19:3

Degine, bela gannar sogdemarbalid: ¡Bab-Dummad-nug odummomarsun! We-neggwebur-gummakmaid e-waa degi-sadegu niba nakwemai geg bergu-gusun.

Apocalipsis 20:10

Geb degi nia-saila-dulemar-yardakdiid matagi soo-dummad-gwabunye-gwichidgi, degi, azufreba-oburar-ganaidgi melleded, bia ibdula-unid, degi, gakansaar-gaya-burba-berbeged mellesiidgi, agi melledmogad. Degine, mutikidba, ibginedba, wemar odurdaklesii degi-sadeguoed.

Apocalipsis 22:5

Agine, mutikid bar naguosulid, degine, gwallu-ogaegala bar abelegosulid, degine, dad-ibeler amba abelegosurbalid, ar ade Bab Dummad anmar-Dummad-Bur-Dummadid, a-nega neg-mee saoed. Degine, e-maigana Bab Dummadba degi-sadegu neg-dakmai-guoed.

Apocalipsis 7:12

sogdemalad: ¡Ar deyobdo! Bab Dummad, be gusgu degi-sadegu be-nug ogannolesun, be yeer-dakle gusun, be binsaed-nue-nikad degi-sadegu gusun, begi dog-nuedye sogledii-gusun, be nug-nued-nikad degi-sadegu-gusun, be-gangued, degi be dutusulid degi-sadegu gusun. Bab Dummad bela weyob gusgu degi-sadegu be gusun. ¡Ar deyobdo!