Apocalipsis 13:6 - Bab dummad Jesucristoba igar mesisad garda

⁶ Ibdula-unid sunmakdegu, Bab Dummadgi ise-sabsur gwisguar sunmakded, Bab-Dummad-nuggi sunnasur-sunmakded, Bab-Dummad-meged-neggi sunnasur-sunmakded, degine, nibneggi-bukmaladgi sunnasur-sunmakdebalid.

Kuna San Blas

⁶ Ibdula-unid sunmakdegu, Bab-Dummadgi ise-sabsur gwisguar sunmakded, Bab-Dummadgi sunnasur-sunmakded, Bab-Dummad-neggi sunnasur-sunmakded, degine, nibneggi-bukmaladgi sunnasur-sunmakdebalid.

Apocalipsis 13:6 Iomraidhean Croise

Mateo 12:34

“¡Ar bemar naibe-bulegan-e-mimmiganyob-gumalad! ¿Ar bemar iskana damarsoggu, degite, ar igi ibmar-nuegangi bemar sunmakosunna? Geg ibmar-nuegangi bemar sunmakmala. Ar ade dule gwagegi-binsaedba sunmak-daed.

Mateo 15:19

Ar dule-gwagegi binsaed-iskanamar ainiar-daed, na iblomalad, na ome-dikarba, degi, sui-dikarba yolemalad, na abirgunagwarsuli neg-sichigi nanamalad, ibmar-atursamalad, gakansaar aimar-barsoged, Bab-Dummad-nuggi dodomalad.

Juan 1:14

We-a-Gaya-Burba-Nued, anmargii sanale san-nika-gunonimogad, degine, anmar-abargi sanale gudigusmogad. Anmar e-gandik-gaed daksamalad, unnila Bab-Dummad-Machi-Wargwenna-Gued e-gandik-gaed. A-dule ibibayobi dulemar-sabgue-wilubsulinad, degite, nue dulemar-sabe nanadii-gusad, degine, igar-napiragwadgi nanadii-gusbalid.

Romanos 3:13

E-sunmaked neg-uan-argas-maiyob maid, E-sunmakedgi dulemar-yardakmalad. Sal. 5:9 Naibe-nued-e-gichi-boniyob e-sunmaked sedimalad. Sal. 140:3

Colosenses 1:19

Ar Bab Dummad na e-abegedbali bela Cristoga na Bab-Dummadga-gued uksamogad.

Colosenses 2:9

Ar igar-napiragwaddi Cristoginbi danikid. Ar bela Bab-Dummad-e-burba, degine, Bab-Dummad-binsaed, bela Cristo na e-sangi deyob nikmogad.

Hebreos 9:2

Ar weyob Bab-Dummadse-goled-dordo-neg gued: Gebe-dogdedgi Nega-Islidikidye-nugad-nega naid. Agi gwallumar-sied sibalid, degine, mesagi madu-Bab-Dummadga-ukleged maibalid.

Hebreos 9:24

Ar Cristo Bab-Dummadse-goled-negse dogsadi, dulemar-argangi neg-sobaledse dogsasulid. Dulemar-argangi-neg-sobaleddi unnila nibneggined-e-wilubgan gued. Cristo nibneg-sunnadse-dogsad, anmar-irwa emigindi Bab-Dummad-asabin gwisgu-dasunnad.

Apocalipsis 11:12

Geb degi nibneggi gaya-burba-gole itosmalad, wemar-warbogwadga soge: “Niba be nakwemar.” Wemar-warbogwad mogir-abalagi nibnegse nakwidmarsunnad. Degine, bela-e-istarmalad daksamalad wemar-warbogwad nibnegse nakwided.

Apocalipsis 12:12

Degisoggu, nibneggine be wergumar, bemar nibneggi-bukmalad, wergumarsun. ¡Napneggi-bemar-bukmaladdi, degi, demargi bemar-bukmaladdi be dule-wilesmar! Ar ade bemarse nia-saila nue-urwedigine aidenonikid, ar na wisid, e-ibagan ichee napi naid.

Apocalipsis 15:5

We-ibmarmar-gusad-sorba an atakdegu, an daksad, nibneggi Bab-Dummad-maid-neg-argade. We-negde Bab-Dummad-Israel-dulemar-na-ebo-igar-mesisad-negad.

Apocalipsis 18:20

Emigindi bemar nibneggi-bukmalad, bemar Jesucristogi-akananaimalad, Bab-Jesús-nuggi-barmilearmalad, degine, Bab-Dummad-gaya-burba-berbemalad, bemar wergumarsun, ar we-neggwebur bemar-imaksadyob Bab Dummad we-neggwebur imaksamogad.

Apocalipsis 21:3

Geb degi nibneggi gaya-burba binnasur gole an itosad, soge: “Emigindi Bab-Dummad-meged-neg dulemar-abargi signonisunnad, degine, Bab Dummad dulemar-abargi gudigusunnoed. Dulemar Bab-Dummad-sordamarga gunonikoed, degine, Bab-Dummad-sunnad we-dulemar-e-Bab-Dummadga gumogoed.

Apocalipsis 4:1

Degine, a-sorba an atakdebargu, an dakded, yawagak argaar nibneggi sii. Gebe-gaya-burba-sunmakalid, gar-goledyob anga sunmak an itoalid, anga soge: “Wese anse be nakweda, we-sorba-ibmarmar-guoed an bega oyogoed.”

Apocalipsis 4:4

We-olo-gana-dikarba, olo-gan-gwadulagwen-gakabake ebiris-bukwa an daksad. A-olo-gangi e-dulagwen-gakabake girmar-selegan egi simalad. A-girmar mola-sibudikidi-yoi bukmalad, degine, e-nonogi olo-gurgin-sii bukwamarbalid, oyogega wemarde dummaganye.

Apocalipsis 5:13

Degine, bela nibneggi-ibmar-obinniles-bukmalad, bela napneggi-bukmalad, napneg-urba-bukmalad, demargi-bukmalad, agi bela ibmar-bukmalad sogbukwa an itosad: Bab-Dummad-na-e-olo-ganagi-siid, degine, Sibad-Wawaad-Mimmi, amarga e-nug ogannomarsun, e-nug odummomarsun, e-wilubgan-gaed imakmarsun, degine, bela-gangued, degi-sadegu gusun.

Apocalipsis 7:15

A-ular wemar Bab-Dummad-olo-gan-asabin bukmalad, mutikidba, degi, ibginedba Bab-Dummad-maid-neggi ega ibmar-imaknaigu-gumalad. Bab-Dummad-na-e-olo-ganagi-siid na e-sunnad a-dulemar edarboed.

Apocalipsis 7:9

A-sorbali an dakded, dulemar bukidarsoggu, geg dule ebised, bela soga-ilaba dulemar-yar-baid-baidgi-bukmalad, bela soga-ilaba dulemar-abe-akar-akarmalad, bela soga-ilaba dulemar-baid-baid-danar-danar-bukmalad, degine, bela soga-ilaba dulemar-gaya-akar-akar-sunmakmalad, wemar olo-gana-asabin, degine, Sibad-Wawaad-Mimmi-asabin bukmalad, bela mola-sibu-yoyoi bukmalad, degine, e-argangine ogob-gagangiid-gagan gani bukmarbalid.