Apocalipsis 13:16 - Bab dummad Jesucristoba igar mesisad garda

¹⁶ Degine, ibdula-bebe-warbo-nikad wilub-nasikegala imaknonibalid, bela dulemar-burwigana, degi, dummagan, mani-ibmala, degi, wilegana, dule-maiga-gudimalad, degi, maiga-gudisurmalad, a-wilub dule-argan-nuedgi nasiked, igi, dule-bebegi nasiko-dibe.

Kuna San Blas

¹⁶ Ibdula-bebe-warbogwad, deyobi, bela dulemar-burwigana, dummagan, mani-ibmala, wilegana, dule-maiga-gudimalad, maiga-gudisurmalad, wemar-e-argan-nuedgindibe, e-bebegindibe, wilub-nasikega imaknonibalid.

Apocalipsis 13:16 Iomraidhean Croise

Gusmalad 26:22

Bab Dummad an-bendaksad-ular, amba emi-ibagi an dula bemar-abargi an gwichisunnad. Dule-dummaganga, degi, dule-yaiganaga Jesucristo-igargi an sunmakdisunnad. Igar-baigangindi gwen an sunmakdisulid, unnila Moisés, degi, Bab-Dummad-gaya-burba-berbemalad igi igargan guoye sogsadginbi an sunmakdiid.

1 Corintios 12:13

Ar anmar bela unnila Bab-Dummad-Burba-Nued-wargwennaa-guedgi oglesmalad, agi anmar bela san-wargwennaa gunonikid, igi, Judio-dibe, igi, Judiosur-dibe, igi, mai-dibe, igi, maisur-dibe, bela anmargi Bab Dummad Burba Nued ubosadbimalad.

Gálatas 3:28

Ar emigindi, a-ular dulemar bar akar-akar-deeye soglesulid: Judiomar Griegomar-ebo bar akarsulid, maigan, e-itoleged-gudidimalad-ebo bar akarsurmogad, machergan omegan-ebo bar akarsurmarmogad, ar ade bemar belagwapa soggwennaa Cristo-Jesúsgi gunonimalad.

Gálatas 6:17

Ar an Bab-Jesús-e-wilub an-sangi an sediid-ular, emigindi mer dule bar angi yolemalo.

Efesios 6:8

Ar na bemar nue wismalad, na be gwenna-gwenna ibmar-nued imaksa-dibe, Bab-Jesús bemar-bennukoed, ar be maiga gudigus-dibe, igi, maiga gudigussurbar-dibe.

Colosenses 3:11

Bemar Cristoba-nagusadba geg bemar akar-akar dulemar-daked. Geg be sogmalad wedi Griego-dule, wedina Judio-dule, wedi abgan-duku-sikaled, wedi abgan-duku-sikar-sulid, wedi dule-ainebalid, wedi dule-ibmar-gwen-wichurmalad, wedi dule-maiga-gudimalad, degine, wedi dule-maiga-gudisurmalad. Bela wemar gwen akar-akarsulid, ar bela anmar Cristogi emarbiid, degine, Cristo bergwapa anmargi maidbimalad.

2 Timoteo 3:8

Ar igi Janes, Jambres-ebogwa, Moisés-abin-gwisgusmala, abayobi amarde igar-napiragwadgi gwisgudimarmogad. We-dulemar-e-binsaed nue iskus-gudimalad, Jesúsgi-bensulid-igar, igar-iskanaga imaksamarsunnad.

Apocalipsis 11:18

Geb degi yar-baid-baidgi-bukmalad sae-itodmalad. Be emar-sabsur-odurdakoed e-ibagan nonisunnad, degine, dule-burgwismaladga-igar-itogoed-ibagan warmaknonisunnad. Degine, be-maigan-Be-gaya-burba-berbemalad, begi-akananaimalad, degine, be-dobee-nanadimalad, dule-dummagan-dibe, dule-burwigana-dibe, amar-bennuked-ibagandi nonisunnad. Degine, dulemar-we-napnegginmalad-ichodimalad osuloged-ibagan nonibarsunnad.

Apocalipsis 15:2

An daksabalid, demar ispeyob dakleged, sooba-oburaled. Degine, dulemar ibdulagi, degine, e-wilub-sobaledgine obichamaladi, degine, e-wilub-naid, degine, e-ebised-naidgi obichamaladi, demar-ispebi-dakleged-birgi gwichimalad, gar-arpa Bab-Dummad-ega-uksad gani-gwichimalad.

Apocalipsis 19:18

Adi bemar reymar-san gunmalagar, captanmar-e-san gunmalagar, dulemar-gandikmalad-e-san gunmalagar, moli-san, degi, moli-birgi-sigmalad-e-san gunmalagar, bela ibmar-san gunmalagar, dulemar-maiga-gudimalad, dulemar-maiga-gudisurmalad, dule-dummagan, degi, dule-burwigana-e-sanmar gunmalagar.

Apocalipsis 19:20

Degine, ibdula-unid galenonikid, gakansaar-gaya-burba-berbeged eba galenonimogad. We-dulede ibdula-unid-asabin ibmar-wilubgan-dakledisulid-imakdigusadba dulemar-ibdula-unid-e-wilub-na-e-sangi-nasiksamalad yardaksad, degine, ese ulubgi nue binsaar ibdula-unid-wilub-sobaled-asabin-sigismalad yardaksad. Wemar-ebobela dula soo azufreba gwabunye-gwichidgi metemalad.

Apocalipsis 19:5

Degine, olo-gana-siidgi gaya-burba gollalid, sogded: Bela Bab-Dummad-maimar, Bab-Dummad-dobee-nanadimalad, dule-dummagan, degi, bipigana-ugakase, bela anmar-Bab-Dummad-nug ogannomarsun.

Apocalipsis 20:12

Geb degi dule-dummagan, degine, dule-burwigana-burgwismalad an dakarbalid, Bab-Dummad-asabin gwichimalad. Degine, gardamar argad an daksabalid. Deginbali, garda-baid argadbalid. We-gardadi garda-dulemar-dula-gudimaloedgi-e-nug-narmakar-naid. Dulemar-burgwismaladga igar-itolealid, gardagi ibmar-narmakar-naidba, na ibmar imaksamaladba.

Apocalipsis 20:4

Geb degi olo-ganamar-bukwa an daksad. Agi sigismalad, dulemar igar-nabomaloye ega igar-uklesmaladga. Geb degi dulemar-Bab-Jesús-nuggi-sunmakdigusmalad-ular, Bab-Dummad-gaya-burba-ular, dukar-sikar-oburgwilesmalad-e-burbagan an dakalid. We-dulemar ibdula-unid, degi, e-wilub-sobaledse bab-dummadyob gwen gochasurmalad, degine, dulemar-e-bebegine, deginbali, e-argangine ibdula-unid-e-wilub-nagussurmalad, amar-burgwismalad an dakalid. Amar durgunonimalad, degine, Cristoba amar birga-miliba neg-dakmai-gunonimalad.

Apocalipsis 6:15

Degine, bela reymar-we-napnegginmalad, dule-dummagan, mani-ibedmar, sorda-dummagan, dule-gandik-gudimalad, bela maigan, maiga-gudisurmalad, bela galu-yaba, degi, akwamar-yar-imbaba-bukmaladgi dukudmalad.

Apocalipsis 7:3

A-anger-wargwenad angermar-walabakegwadga sogded: “Melle napneg, demar, degi, sapimar be ichomargwer, bina anmar Bab-Dummadga-mailedimalad-e-bebegi Bab-Dummad-wilub bela nasiksadse.”