Apocalipsis 11:18 - Bab dummad Jesucristoba igar mesisad garda

¹⁸ Geb degi yar-baid-baidgi-bukmalad sae-itodmalad. Be emar-sabsur-odurdakoed e-ibagan nonisunnad, degine, dule-burgwismaladga-igar-itogoed-ibagan warmaknonisunnad. Degine, be-maigan-Be-gaya-burba-berbemalad, begi-akananaimalad, degine, be-dobee-nanadimalad, dule-dummagan-dibe, dule-burwigana-dibe, amar-bennuked-ibagandi nonisunnad. Degine, dulemar-we-napnegginmalad-ichodimalad osuloged-ibagan nonibarsunnad.

Kuna San Blas

¹⁸ Geb degi, yar-baid-baidgi-bukmalad sae-itodmalad. Be-emar-sabsur-odurdakoed-e-ibagan nonisunnad. Be dule-burgwismaladga-igar-itogoed-ibagan warmaknonisunnad. Be-maigan-be-gayaburba-barsogmalad, begi-akananaimalad, degine, be-dobee-nanadimalad-bennuked-ibagandi nonisunnad. Wemar, dummagandibe, burwiganadibe, amar-bennuked-ibagandi nonisunnad. Degine, dule-we-napnegginmalad-ichodimalad-osuloged-ibagan nonibarsunnad.”

Apocalipsis 11:18 Iomraidhean Croise

Mateo 5:12

Bemar yeer itomar, wergumar, ar nibneggi bemarga ibmar-uklegoed dummarbad, ar ayobi Bab-Dummad-gaya-burba-berbemalad epenne bemar-idu baregillesmarmogad.”

Lucas 1:50

Ar Bab Dummad dulemar-e-dobee-nanadimalad wile daked, degine, a e-waganse-bakar, a-wile-daked eba sadegumogoed.

Hebreos 9:27

Ar dulemarga igar-maid, unnila irgwennaa burgwed, geb a-sorba Bab Dummad ega igar itogoed, we-dule na e-nanasad-igar.

Apocalipsis 10:7

anger-walagugled sunmakoedse. A-anger gar-trompeta ogotele, agi Bab Dummad na ibmar imakoye-sogsad, bela a-ibmar gunonisunnoed, ar iduardi a-igar odukuar mainad, ar deyob Bab Dummad na ega-arbamaladga, degi, E-gaya-burba-berbemaladga sogsa-gusad.”

Apocalipsis 11:2

Ar neg-imba-Bab-Dummadse-goled-neg-magaba-naiddi mer be wilubsao, ar ade adi Judiosurmaladga uklesad. A-dulemar nii-waladulabo-gakabo neggwebur-islidikidi egwirmakmaloed.

Apocalipsis 13:10

Ar dule eskaryagi aimar-metele, eskaryagi melemogoed. Ar dule espunyargi aimar-oburgwisale, espunyargi oburgwileger-gebmogad. A-ulale dulemar-Jesucristogi-akananaimalad gwagegi bai-itosulid, degi, Jesúsgi nue-bensuli nanadimalad.

Apocalipsis 13:16

Degine, ibdula-bebe-warbo-nikad wilub-nasikegala imaknonibalid, bela dulemar-burwigana, degi, dummagan, mani-ibmala, degi, wilegana, dule-maiga-gudimalad, degi, maiga-gudisurmalad, a-wilub dule-argan-nuedgi nasiked, igi, dule-bebegi nasiko-dibe.

Apocalipsis 14:10

we-dule Bab-Dummad-uluded itogoed inna-gaibid gobedyob. Bab Dummad uludedde bato guagwar siid, noggi bela-bela inna-gaibidbi eosadyob. Degisoggu, we-dule angermar-gwage-swilidikmalad-asabin, degi, Sibad-Wawaad-Mimmi-asabin, soo-yagi, degi, azufre-yagi bela-bela wilesii-guoed.

Apocalipsis 15:1

An daksabalid, nibneggi ibmar-wilubgan-dummarbad, degine, geger-dakleged: Angermar-walagugle boni-sogagugle napi sedimalad, ar ade Bab-Dummad-bela-bela-nue-urwed ase bergumaid.

Apocalipsis 15:7

Ibdula-walabakegwad-wargwen, angermar-walagugledga olo-noga-gwagugle uksad. We-olo-nogamar Bab-Dummad-gusgu-degi-sadegu-dula-gudiguad-e-urwed ena bukwad.

Apocalipsis 18:6

Igi Babilonia-dorgan dulemar-baigan-imaksa deyob ega be imakmo, degine, na ibmar-imaksad, a-ilabo-wilub be-bennuke. Gobed-noggi aimar-ogobsad, a-ilabo-wilub a-gobed ega be ukmo.

Apocalipsis 19:15

Dule-moli-sipu-birgi-siid-e-gaya-yaba espunyar-suid nugar-ibed nogwichid, adi agi dulemar-yar-baid-baidgi-bukmalad-danar-ambikunonimalad naibisaegar, degine, gandikidba eskoro-ganguedyobi neg-seoed. Uva-egured-neggi uva-egureyobi Bab-Dummad-bela-gangumaid-e-urwed dulemar-imakoed.

Apocalipsis 19:18

Adi bemar reymar-san gunmalagar, captanmar-e-san gunmalagar, dulemar-gandikmalad-e-san gunmalagar, moli-san, degi, moli-birgi-sigmalad-e-san gunmalagar, bela ibmar-san gunmalagar, dulemar-maiga-gudimalad, dulemar-maiga-gudisurmalad, dule-dummagan, degi, dule-burwigana-e-sanmar gunmalagar.

Apocalipsis 19:5

Degine, olo-gana-siidgi gaya-burba gollalid, sogded: Bela Bab-Dummad-maimar, Bab-Dummad-dobee-nanadimalad, dule-dummagan, degi, bipigana-ugakase, bela anmar-Bab-Dummad-nug ogannomarsun.

Apocalipsis 20:12

Geb degi dule-dummagan, degine, dule-burwigana-burgwismalad an dakarbalid, Bab-Dummad-asabin gwichimalad. Degine, gardamar argad an daksabalid. Deginbali, garda-baid argadbalid. We-gardadi garda-dulemar-dula-gudimaloedgi-e-nug-narmakar-naid. Dulemar-burgwismaladga igar-itolealid, gardagi ibmar-narmakar-naidba, na ibmar imaksamaladba.

Apocalipsis 20:15

Ar dule we-garda dulemar-dula-gudimaloedgi-e-nug-nai-suliddi melleded, matagi-soo-dummad-gwabunye-gwichidgi.

Apocalipsis 22:12

Degi Bab-Jesús sogded: “Emiskwasaar an bemarse danikid omosad. An danikir, dulemar na e-ibmar-imaksamaladba-bennuklemaloed bennukoed an sedanikoed.