Apocalipsis 1:9 - Bab dummad Jesucristoba igar mesisad garda

⁹ Ani Juan, be-gwenad, bemar-sunnaa wiledimogad, bemar-sunnaa Bab Dummad neg-dakmaidgi-dogarmogad, degine, bemar-sunnaa binnalegwaa Bab-Jesús-igargi alamaknaimogad-duled. An Bab-Dummad-gaya-burba-barsogdiid-ular, degine, Jesucristogi-sunmakdiid-ularbali, an Patmos-dupgi odurdaklesiid.

Kuna San Blas

⁹ Ani Juan bemar-gwenad, bemar-sunnaa wiledimogad. Bemar-sunnaa Bab-Dummad negdakmaidgi dogarmogad, degi, bemar-sunnaa binnalegwadgi Bab-Jesús-igargi alamaknaimogad-duled. An Bab-Dummad-gayaburba-barsogdiid-ular, degi, Jesucristoʼgi-sunmakdiid-ular, an Patmos-dupgi odurdaklesiid.

Apocalipsis 1:9 Iomraidhean Croise

Mateo 20:23

Jesús abin-sogde: —Ar bemar sunnamarsoggu, napira an bemarga soged, bemar anyob nue-dummad naibi-itomarmogoed. Ar dummaganga-nug-imakeddi, adi ani, an nug-saosulid, unnila Bab Dummad bato na-igar-mesisadba na e-nug saoed dulemar-dummaganga guoe.

Marcos 10:39

Degi Santiago, Juan-ebo, Jesús-abin sogdemalad: —Anmar sunnamala. Geb Jesús amarga sogded: —Eye, nabiri, an-nog-goboed sunna bemar gobmogoed, an-digi-oglegoedgi sunna bemar a-digi oglemarmogoed.

Juan 16:33

Ar we-ibmargi an bemarga sunmaksamalad, adi angi ulubgi bogidik-itoleged bemar itomalagar. We-napneggi bemar naibi itomaloed, degi-inigwele, be gandik imakmar, ar bato we-napneg-ibmar-iskanagi an nakwisad.”

Gusmalad 1:15

Deun gwenadgan-e-dulanergwasaar ambikunonimalad-abargi Pedro gwisgusgu, sogded:

Gusmalad 14:22

We-neggweburmargine, Pablo, Bernabé-ebo Bab-Jesúsba-nanaimalad gwage ogannodmalad, degi, nue unasmarbalid, Jesúsgi-bensulid-igargi. Amarga sogsamarbalid, “Bab-Dummad-neg-dakmaidse dogegala, anmar-idu beedse-igar-maiye, nue naibi-itoleged-igarye.”

Romanos 8:17

Degine, ar anmar Bab-Dummad-e-mimmigan gumarsoggu, eba anmar ibmar-gamogoed. Bab-Dummad-ibmar-nikad anmargadga gumogoed, degine, Cristoba-mesa anmar ibmar-nikumogoed, ar anmar Cristoba wilemalar, Cristo-nug-dunguoedbali, anmar-nug dungumogoed.

Romanos 8:25

Ar an ibmar-daksulid bensulidgi edarbedimalale, gwae-gwae-itogedgi an edarbedisurmalad, binnalle bensulidgi an edarbedimalad.

2 Corintios 1:7

Degine, anmar bemar-bensurmalad, anmar be-wismardo, igi bemar wiledimala, amba deyob bemar gwage-armakedgine anmarba gannalemogoed.

Filipenses 1:7

Weyob an bela-bemargi itoged, we ib-nuedid, ar ade an bemar-nue-sabed. An eskaryagi mellesii-dibe, an Bab-Dummad-gaya-burba-ular dummagan-asabin an sunmakgwis-dibe, Bab-Dummad-gaya-burba-nued gatik an bargindina-dibe, we-arbaed Bab Dummad nabir angi binsaedba anga uksadgi ar bemar bato an-bendaknai-daed.

Filipenses 4:14

Degi-inigwele, ar bemar nued imaksamarbardo, an-nunmakedyob na be anba itononimarmogu.

2 Tesalonicenses 3:5

Bitigi Bab-Jesús Bab-Dummad-sabguedsik bemar-gwage-semai-guena-gadin, degine, Cristo baisursunna ibmar-itoged-nikad-sik bemar semai-gubalina-gadin.

2 Timoteo 1:8

Degisoggu, anmar-Dummad-Jesúsgi-sunmakedgi mer be bingeguo, degi, mer bingegubalo, an Bab-Jesúsgi-sunmaked-ular eskaryagi-mellesiidgi. Suli, degisuli. Bur Bab-Dummad-gaya-burba-nuedgi sunmaked-ular naibi-itoleged an itodiyob-itoleged be sumo, Bab Dummad na e-gangued bega ukedbar.

Hebreos 10:36

Bur-gatik alamaknai bemar imaker-gebed, adi Bab-Dummad-sogedba ibmar be imaksad-sorba, Bab-Dummad-ibmar-ukoye-sogsad be abingamalagar.

1 Pedro 5:1

Bab-Jesúsba-nanaimalad-e-idumalad bemar-abargi-gudimaladse wilesakwaa an goled, degine, an amarba Bab-Jesúsba-nanaimalad-e-idumogadid. An-sunnad Cristo-wilesad an daksamogad, degine, yo Cristo-e-nug-ogannolealir, an eba nug-ogannolemogoed.

Apocalipsis 1:1

Bab Dummad Jesucristoga yoedse-ibmar-gumaloed oyosad. A-ibmar we-gardagi Jesucristo na e-maiganga emis ibmar-gumaloed oyosmogad. Degi-guegala, Jesucristo na e-anger na e-mai-Juanse barmialid.

Apocalipsis 1:2

We-Juan, na e-sunnad-daksadbali sognonikid, Bab Dummad bela ega sogsadba, degine, Jesucristo bela ega oyosbalidba.

Apocalipsis 1:4

Ani Juan, Bab-Jesúsba-nanaimalad-Asiagi-danar-ambikunoni-damalad-sogagugledse we-garda an narmaksiid. Bab Dummad, degine, Jesucristo, degine, burbamar-walagugle Bab-Dummad-olo-gana-asabin bukmalad, amar bitigi bemargi nued binsamalana-gadin, degine, ulubgi bogidik bemar-itogega imakbalina-yerban. Emi Bab Dummad gudiid, gudigusad, degine, gudigubaloed.

Apocalipsis 1:6

degine, anmar na E-Bab-Dummadga reyga guegala, degine, dule-irwa-Bab-Dummadse-gormaladga-guegala anmar-imaknonikid. A-Jesucristo-nug, degine, e-gangued degi-sadegu odummomarsun. Ar deyob guena-gadindo.

Apocalipsis 11:7

Ar wemar-warbogwad-sunmakdimalad e-ibagan bergunonikile, yaa-dummad-yaba burba-iskana-ambikuedgi ibdula-unid nodagoed, geb agi ebo na urwedamaloed. We-ibdula-unid nakoed, we-dule-warbogwad-oburgoed.

Apocalipsis 12:11

Ar anmar-gwenadgan Sibad-Wawaad-Mimmi-abegi nia-sailagi obichamalad, degine, gaya-burba-napiragwadgi-sunmakdi-gusmaladgi egi obichamarbalid. Anmar-gwenadgan naibi-itoged bai gwen itossurmalad. Ar burgweye soger guagwar gudigusmalad.

Apocalipsis 12:17

Geb degi achu-simudubaled omegi nue-sae-itoded. A-ular ome-e-mimmimar-baidse urwenadsunnad, dulemar-Bab-Dummad-igar-mamaidba-nanadimaladse, degine, Jesucristo-igar-sogsadba-nue-nanadimaladse.

Apocalipsis 13:10

Ar dule eskaryagi aimar-metele, eskaryagi melemogoed. Ar dule espunyargi aimar-oburgwisale, espunyargi oburgwileger-gebmogad. A-ulale dulemar-Jesucristogi-akananaimalad gwagegi bai-itosulid, degi, Jesúsgi nue-bensuli nanadimalad.

Apocalipsis 14:12

A-ular dulemar Jesucristogi-akananaimalad, amar Bab-Dummad-igar-maidba-nanadimalad, degine, Jesúsgi-bensuli-gudimalad gwen akubisuli abeleged.

Apocalipsis 19:10

Anger-nag-naba yokorgi sindigar an sigided, Bab Dummadyob e-nug-odummogegar. A-anger anga sogded: “Nue salakar. Mer yokorgi an-asabin sindigar be sige. Ar be-sunnaa, degine, gwenadgan-Bab-Jesúsba-nanaimalad gwen galakussurmaladyob, an Jesús-e-maimogad. Unnila Bab Dummadsebi be gole e-nug odummogegar.” Ar ade Bab-Dummad-gaya-burba-Bab-Dummad-abingasad-barsogmalad Jesúsgi iduakwaa sognoni-gusmalad, adi Jesúsgi ibmar napiragwad soglegegar.

Apocalipsis 20:4

Geb degi olo-ganamar-bukwa an daksad. Agi sigismalad, dulemar igar-nabomaloye ega igar-uklesmaladga. Geb degi dulemar-Bab-Jesús-nuggi-sunmakdigusmalad-ular, Bab-Dummad-gaya-burba-ular, dukar-sikar-oburgwilesmalad-e-burbagan an dakalid. We-dulemar ibdula-unid, degi, e-wilub-sobaledse bab-dummadyob gwen gochasurmalad, degine, dulemar-e-bebegine, deginbali, e-argangine ibdula-unid-e-wilub-nagussurmalad, amar-burgwismalad an dakalid. Amar durgunonimalad, degine, Cristoba amar birga-miliba neg-dakmai-gunonimalad.

Apocalipsis 3:10

Ar an-gaya-burbagi bemar nue galakussuli eba nanasmarsoggu, dulemar-we-napneggi-bukmalad-wilubdakega, ibagan-buled we-napneg-naidgi danikoedgi, an nue bemar-sabomogoed.

Apocalipsis 6:9

Sibad-Wawaad-Mimmi, gardagi-wilubgan-saidigar-naid-ataled bichisgu, an daksad, Bab-Dummadga-ibmar-gummakar-ukleged-e-galu-urba, dulemar-Bab-Dummad-gaya-burba-ular-burgwismalad, degine, Bab-Jesús-barsogedgine galakussurmalad-e-burbamar miled.

Apocalipsis 7:14

An ega sogded: “Dummad, be wisi, wemar doa-gumalad.” Geb degi anga sokar: “Wemar ise-nue-wilegagwar-gudigusmaladgi nosmalad-dulemalad. Wemar na-e-mor Sibad-Wawaad-Mimmi-e-abegi enuksamaladid, agi sibudik na e-mor imaksamalad-dulemalad.