Apocalipsis 1:3 - Bab dummad Jesucristoba igar mesisad garda

³ Dulemar we-garda absomaloed, degine, yo-ibmar-guoed itomarbaloed, deginbali, bela narmakar-naidba eba damaloed, amarga ib-nuedga gunonido, ar ade we-ibagan emiskwaa deyob gunonikoed.

Kuna San Blas

³ Dule-we-garda-absomaladga, yoo-ibmar-guoed-itomarbalidga, degine, bela narmakar-naidba-eba-damaladga ibnuedga gued. Ar we-ibmar-guoed-ibagan emiskwaa deyob gunonikoed.

Apocalipsis 1:3 Iomraidhean Croise

Mateo 24:15

Jesús sogdebar: “Bab-Dummad-gaya-burba-berbeged-Daniel, wegi-narmaksa, sogsado: Bab Dummad ibmar-istar-dakedi, Bab-Dummadse-goled-neg-islidikidse dognonikogu, Neg-nued neg-iskanaga imakoed, Ar ade a-negse dogedsulinad. Dn. 9:27; 11:31 Ani Jesús, an bemarga sogdo: Bemar deyob neg dakalile, we-Daniel Bab-Dummad-gaya-burba-berbeged-sogsa-gusadba gunaido. Emi be nabir-garda-absodimalad mag ittos namaloed.

Lucas 11:28

Jesús, abin-sogded: —Ar dulemar bur-nued egi binsalesmaladdo, we-dulemar Bab-Dummad-gaya-burba itosmargu, a-sogedba nanadimalad.

Romanos 13:11

Degisoggu, na be sabgumar, ar anmar wisid ibagan-iskana-naid. Emigi wachi bato omossoggu, anmar gabmaid gwisgumarsun, ar emigindi anmar bela-abonolegoed-iba bur-nue walikgusad, anmar deun gebe-idu Jesúsgi bensuli-gunonikidba.

Romanos 13:12

Neg-mutikid bergudanikidyob, we-napneg bergudanimogad, degine, neg-ibgued bato warmakdanikidyob Jesús-gannar-danikid bato warmakdanimogad. Degisoggu, neg-sichidgi-ibmar-imakleged anmar mimarsun, sordamar urwed-mor-yoedyobi, neg-meegwadgi anmar Bab-Jesús-igargi nanamarsun.

1 Pedro 4:7

We-napneg-bergued-ibagandi oarmaksad. Degisoggu, nue-binsaed-nikaa be gudii-gusun, degine, nue be ataksun, Bab Dummadse gatik be gorsun.

2 Pedro 3:8

Gwenadgan-sabemalad, mer be wichuli gumalo, insamalo: Bab Dummadga we ibagwenad birga-miligwenadyobid, degine, birga-miligwenadi, we ibagwenadyobid.

Apocalipsis 22:10

Geb degi anger anga sogdebalid: “Ibmar-guoed we-gardagi gaya-burba-narmakar-naid mer be odukuo, ar ade ibmar-guoed-e-ibagan bato omosad.

Apocalipsis 22:12

Degi Bab-Jesús sogded: “Emiskwasaar an bemarse danikid omosad. An danikir, dulemar na e-ibmar-imaksamaladba-bennuklemaloed bennukoed an sedanikoed.

Apocalipsis 22:20

Ar Jesús we-ibmar-gunaid-soged, soged: “Napiragwad, emiskwaa an danikoed.” ¡Ar deyobdo! ¡Eye, Dummad-Jesús, be dage!

Apocalipsis 3:11

“‘Ar emigindi, emiskwasaar an bemarse danikoed. Na be an-igar-durdaksad, nue gatik agi alamaknai-guo, adi melle dule-baid bei-olo-gurgin suegar.