1 Juan 4:21 - Bab dummad Jesucristoba igar mesisad garda

²¹ Ar anmarga Bab Dummad weyob igar-uksad: Dule Bab-Dummad-sabele, e-gwenad-sabgubaloye.

Kuna San Blas

²¹ Ar Bab-Dummadi anmarga weyob igar-uksad: “Dule Bab-Dummad-sabele, e-gwenad sabgubaloye.”

1 Juan 4:21 Iomraidhean Croise

Mateo 5:43

Jesús sogdebar: “Ar bemar itosmalad epenne be-serganga soglesad: Be dule-baigan-sabgumar, dule-be-istaraddi istar be dakoed. Lv. 19:18

Lucas 10:37

Moisés-igar-maid-oduloged-nue-wisid Jesúsga sogded: —Ar dule bur-nue dule-nailikusad wile daksad, a-dule bur dule-baid nue sabgusdo. Geb degi Jesús ega sogded: —Samariagined dule-baid-bendaksadyob, deyob be imaknamosundo.

Juan 15:12

We an-igar an bemarga ukmar: Ar igi an bemar-sabgusmarmoga, deyob na be muchub-muchub sabgumarmosun.

Gálatas 5:14

Ar Moisés-igar-mesisad bela sunna irgwen-sogar weyob sogleged: Igi dukin na be-san-sabgue, deyob emar be sabgumogoed. Lv. 19:18

Gálatas 5:6

Ar Cristo-Jesúsgi-akanimalad, dule-abgan-duku-sikaled, degi, dule-abgan-duku-sikarsulid-ebo gwen akarsulid. Unnila dulemar Bab-Jesús-bensulidba sabedgi ibmar imaked, adi napiragwaddo.

1 Tesalonicenses 4:9

Na-gwenadgan-sabgumalad-igargindi an bemarse narmaked itolesulid, ar bemar-sunnad Bab Dummadgi be durdaksamalad, na be muchub-muchub sabgumarye.

1 Pedro 3:8

Deginbali, napi an bemarga sogsun, bela na be emarbi binsabukwa-gumar, wile na be-dakmaladba na be muchub-muchub bendakbukwa-gumar, gwenatigwar na be nue sabgumar, wile na be dakmar, na ai-nuegan na be nanamar.

1 Pedro 4:8

A-ukine, bela bur-bule na be muchub-muchub sabgumar. Ar dule be sabele, bukidar e-iskudiidgi begi nossuliyob be dakoed.

1 Juan 2:7

Gwenadgan, igar-binid an bemarse narmaksurmalad, an bemarse narmakedi, igar-epennegwad, gebesailaun bato bemar nika-gudigusad. We-igar-epennegwad, gaya-burba-gebesailaun-bemar-itosadid.

1 Juan 3:11

Ar we-gaya-burba gebesailaunni bemar itosmalad: Na anmar muchub-muchub sabgumarye.

1 Juan 3:14

Anmar wismalad, anmar burgwar gudii, dula gunonikid. ¿Ibiga anmar deyob wismar be insae? Ar anmar gwenadgan-sabmaladbar. Ar dule na e-gwenad-sabsulile, we-dule amba burgwar gudiid.

1 Juan 3:18

Mimmigan, melle unnila gayaginbi be sogmalo, dulemar an sabye. Anmar ibmar-saedgi oyogoed, anmar napiragwad dulemar-sabed.

1 Juan 3:23

We, Bab-Dummad-igalad: E-Machi-Jesucristo-nuggi be bensuli-gumar, degine, bemar na muchub-muchub sabgumar, ar igi Cristo anmarga bato sogsa-gusadyob.

1 Juan 4:11

Gwenadgan-na-sabemalad, ar Bab Dummad weyob anmar-sabgusate, degisoggu, anmar na muchub-muchub na sabgue-wilubmarmodo.