1 Juan 2:14 - Bab dummad Jesucristoba igar mesisad garda

¹⁴ Babgan, bemar Cristo-gebesailad-mag-daksamalad-ular, an bemarse garda narmakmalad. Sapingana, bemar dutusurmalad-ular, degine, Bab-Dummad-gaya-burba bemargi-akanaid-ular, degine, nia-saila-birgi-nakwismalad-ular, an bemarse garda narmakmalad.

Kuna San Blas

¹⁴ Babgan, bemar Cristo-gebesailad-mag-daksamalad-ular, an bemarse garda narmakmalad. Sapingana, bemar dutusurmalad-ular, Bab-Dummad-Gayaburba bemargi-naid-ular, degi, nia-saila-birgi-nakwismalad-ular, an bemarse garda narmakmalad.

1 Juan 2:14 Iomraidhean Croise

Juan 15:7

“Ar bemar angi akanaile, degine, an-gaya-burba an-bemarga-sogsadba be damalale, ar bemar ibu Babse egisbimala, bela bemarga guoed.

Juan 5:38

Deginbali, Bab-gaya-burba bemargi gwen naisurbalid. Ar Bab na dule bemarse barmialidi, bemar a-dule-benmalad.

Juan 8:31

Jesús Judiomar-egi-bengussurmaladga sogded: —Ar bemar an-gaya-burba-sunmakedgi nue eba nanaele, nue bemar an-sapingan-sunnadga gumaloed.

Juan 8:37

An wisi bemar Abraham-wagan gumalad, degi-inigwele be an-oburgwebimalad, ar ade an-ibmar-sogsad be abingasurmalad.

Efesios 6:10

Emigindi gwenadgan, Bab-Jesúsgi gandik be akamar, e-gangued ganguedba be gangumar.

Filipenses 4:13

Ar Cristogi bela sunna an ibmar saed, e-gangued anga ukedba.

Colosenses 1:11

Anmar bemarga Bab Dummadse egisbalid, na e-gangued-gandikidbali be-ogannomarye, adi bemar ibmar-bulegan-abin baisur-itoge, degine, weligwaledba abin-gwisguegar.

Colosenses 3:16

Cristo-gaya-burba bemar-gwagegi bela nai be imakmarsun. Na be ibmar nue-wisidgi, na be muchub-muchub odurdakmar, degi, na be muchub-muchub ogannomarbar, degine, be weligwar-itogedgi Salmos namakmar, namaked-nuegan, degine, Babga-namaked, weligwaledgi be nuedye Babga sogedgi be namakmarsun.

2 Timoteo 2:1

Timoteo, be an-machi, Cristo-Jesús nabir anmargi binsae-wilubsulinad, degite, Cristo-Jesúsgi nabir anmargi binsasad, agi be gatik ganguo.

Hebreos 8:10

Bab Dummad sogbalid: “Degisoggu, a-ular weyob Israel-dulemar-ebo we-ibagan-sorba an igar-mesoed: An-igarmargi binsamalagala, an-dulemar an imakoed, degine, an-igarmarba nanamalagala, an imakbaloed. Ani an E-Bab-Dummadga guoed, degine, emar an-dulemarga gumogoed.

1 Juan 1:1

Gebe-negasailaunni, Gaya-Burba-Nued, Gaya-Burba-Dulad bato gudiid. A-Gaya-Burba-Nued anmar itosad, anmar-sunnad anmar-ibyanugi daksad. Anmar-sunnad daksa-gusad, degine, anmar-argan-sunnadgi ebusad.

1 Juan 1:10

Anmar sog-dibe, anmar iskussurmarye, Bab Dummad gakansaeyob an imakmardo, degisoggu, e-gaya-burba anmargi gwen naisurdo.

1 Juan 2:13

Babgan, bemar Cristo-gebesailad-mag-daksamalad-ular, an bemarse garda narmakmalad. Sapingana, bemar nia-saila-birgi nakwismalad-ular, an bemarse garda narmakmalad. Mimmigan, bemar Bab Dummad, Babga gumaid, a mag-daknoni-gusmalad-ular, an bemarse garda narmakmalad.

2 Juan 1:2

Anmargi igar-napiragwad-naid-ular, degine, anmarba we-igar napiragwad sadeguoed, a-ular anmar sabmarsunnad.

3 Juan 1:3

Ibibayobi weligwar an itosa, gwenadgan-nonikid anga sognonigu, be igar-napiragwad-wisid gwen oakalossurye, degine, be igar-napiragwadgi nue-nanadibarye.

Apocalipsis 2:3

Degine, an-nug-ular be nue-wiledi-inigwele, be bai-gwen-itosulid, degine, be ise-arbaar gudiidgi, be gwen galakussulid.

Apocalipsis 2:7

“‘Ar dule ibmar sunna itogele, nue itodo, Bab Dummad Burba Nued soged, Bab-Jesúsba-nanaimalad-danar-ambikunoni-damaladga. Dulemar-ibmar-iskana-birgi-nakwismaladga sapi-durba dula-dule-saed, Bab-Dummad-nainu-nued-abargi-gwichid ogunned an imakoed.’ ”