Rut 4:10 - Kuna San Blas

¹⁰ Deginbali, bemar an-barsogega-gumalad, Rut Moabʼgined, Mahlón-e-omega gusad an nikubaloed, adi, e-sui-burgwisad-e-nug, mer elilegegar, degine, e-nainumar mer e-gwenadgan-abargi, degi, neggweburgi yogguegar. Bemar we-igar-sogega gumarsunnad.

Rut 4:10 Iomraidhean Croise

Génesis 29:27

Degisoggu, igar-maidba Lea bebogwa itoged-irgwen gudii guodo. Geb a-sorbali, an bega Raquel-ukbaloed, ar be soger, Raquelʼbina birgagugle (7) an bega arbabaloye.

Génesis 38:9

Ar Onán wisid, e-mimmi-gwalulegoedi egadye soglegosulid. A-ulale, e-ia-omese-goled-irba napagi e-burba midaed, adi, melle e-ia eba mimmi-nikuegar.

Salmo 109:15

Bab-Jehová, melle e-isgued be iego. We-napneggi, dulemar we-dule-ieged be imake.

Salmo 34:16

Dule-ibmar-isgana-imakmaladgindina, egi yoleged. Bab-Jehová a-dulemargi yoleged, adi, we-napneggi mer bar egi binsalegegar.

Proverbios 18:22

Dule ome-nikunonikile, ibnued nikued. Bab-Jehová-egi-nued-binsaed ega oyoleged.

Proverbios 19:14

Nega, degi, ibmar-nuegan, babgan uked. Ome-binsaed-nikadaeddi, Bab-Jehová uked.

Isaías 48:19

Be-wagan ukub-naidyob-mergu guoenad, be-mimmigan ukub-merguedyob-mergu guoenad. E-nuga gwen-alliosulinad, an-asabinni, gwen weyob guosulinad.”

Oseas 12:12

Oseas weyob sogded: “Be-dad-Jacob, Aram-yarse wakite gusad, agi ome-nikuega sibad-wawaad-edarbedgi arbas gusad.

Oseas 3:2

Degisoggu, mani-sibugan-gwaambe-gakatar (15) an-ome-e-ai-nuedga-gudiid an bennuksad, degi, orosgisaar-dakleged-cebadaʼye-nugad galón-gwadulabake-gakabo (82) an ega uksabalid.

Zacarías 13:2

”A-ibagine, we-yargi ibmar-bab-dummadga-imaklediid-e-nugmar an elinonikoed. Bipisaale bar ese gorlenai guosulid.” Bab-Jehová-Bela-Gangued-Nikad weyob soged: “Deginbali, we-yargine, e-bab-dummagan-gayaburba-barsogmalad, degi, bela burba-isgana an obelogoed.

Malaquías 2:14

Degite, amba be egismalad: “¿Ibiga deyob gue?” Ar be na ome-sapingwaun-gasadgi-be-nosadi, Bab-Jehová be-barsogedga gued. Ar we-ome bebogwadinad, deginbali, ebo-be igar-mesisad-omebalinad.

Efesios 5:25

Ar igi Cristo na eba-nanaimalad-sabgusa, degine, Bab-Dummadgadga-imakega eba-nanaimaladbina-burgwisa, deyobi, machergan, be-ome na be sabgumar.

Deuteronomio 25:6

A-ome, e-aisubo gebe-susugwa-nikunonikile, e-gwenad-burgwisad-e-nugba onug-imakoed. Adi, melle Israel-yargi we-dule-burgwisad-e-nug surguegar.

Hebreos 13:4

Bela ome-nikued-igargi binsaed-nikaa nanamalo, degine, na abirgunagwar-nanaleged-igargi nue-nanadii imakmalo. Ar dulemar-neg-sichigi-yoledimaladi, abirgin-nika-dikarba-yolemaladi, Bab-Dummadse sabsur-odurdaklegoed.

Josué 7:9

Canaán-dulemar wisgudamaloed, degidbali, anmargi bila-onodamalagala dulemar-a-yargi-bukmaladse gormaloed. Geb bela anmar-ebiris bukunonimaloed, bela anmar-ogilomaloed. Be-nug-dummarba-gued-ulale, ¿ibu be imakosunna?

Rut 4:9

Degi, Booz dadormar-e-ambe (10) bukwadga, degi, dulemar-baigan-bukwadga sogded: —Bemar-bergwable-bukwad an-barsogega-gumarsunno. An Noemíʼse bela Elimelec-e-nainuga-gusad, Quelión-e-nainuga gusad, deginbali, Mahlón-e-nainuga gusad baksunnoed.