Rut 3:7 - Kuna San Blas

⁷ Booz gobsagua, degi, mas-guchabargua, yeer-itonaded. Degine, geb cebada-bukwad-daksik gabnaded. A-sorba, Rut Booz-maidsik binnasdikii danigusad. Degi, Rut Booz-e-nag-atualed egasad, geb e-nag-dukuba megisad.

Rut 3:7 Iomraidhean Croise

Génesis 43:34

José e-mesegi-mas-bukwad e-iamarga uksad. Benjamínʼgardi bur bule ilatar-mergu uksad. José, e-gwenadganmala gobsamalad, weligwar itosmalad.

2 Samuel 13:28

Absalón e-maimarga sogsa gusad: “Bemar nue Amnón-dako, nue-mumgudele, an bese gotemaloed: ‘Emisgi Amnón-oburgwemarye.’ Geb bemar Amnón-oburgwemaloed. Mer dobgumalo, ani an be-barminanaid. Gandik-samalo, niga-ogannomalo.”

1 Reyes 21:7

E-ome-Jezabel abin-sogdemogad: —¿Ar be Israel-e-reysursi? ¿Doa-sogedba negselemaisunna? Ar be-sogedba negselemaid. Gwisgue, mas-gunne, mer-bukib-itoge. Nabot-e-nainu begadga guega, an igar amioed.

Ester 1:10

Ibaguglegus (7) iba-nonaidgine, Rey-Asuero vino-gobedba bela-bela weligwar itoded. Geb degine, dulemar-walagugle-e-walik-arbamaladse (7) gochad: Mehumánʼse, Biztaʼse, Harbonaʼse, Bigtaʼse, Abagtaʼse, Zetarʼse, degi, Carcasʼse gochad.

Salmo 104:15

Vino-weligwar-emar-saed-amiega, olivo-gwallu-wagar-daarmakar-imaked-amiega, mas-burba-dula-uked-amiega be imakbalid.

Eclesiastés 10:19

Wergulegegala, masgulleged-iba onoleged, yeer-itolegegala, vino goblebalid. We-ibmar-imakegala, mani abeleged.

Eclesiastés 2:24

Degisoggu, unnila masgunnedgi-yeer-itogedi, gobedgi-yeer-itogedi, degi, e-arbaedgi-yeer-itogedi, dulega bur-nued gued. An daksabalid, we-ibmala Bab-Dummadgi danibali.

Eclesiastés 8:15

Degisoggu, an soged: Wergudii gumarsun. Ar anmar we-napneggi-gudiidgi Bab-Dummad-anmarga-ibmar-uksadbali, bur mas-gundii gumarsun, gobdii gumarbarsun, wergudii gumarbarsun. Ar galitodiid-sorba, we-ibmarbi wis anmarga besad. Ar we-ibmar-birgi ibmar-baid sulid.

Eclesiastés 9:7

¡Weligwaledgi mas be gunne! ¡Yeer-itogedgi vino be gobbali! Ar Bab-Dummad be-ibmar-imaksadi, yeer be-ibe daksad.

1 Corintios 10:31

Degisoggu, be mas gundibe, be gobdibe, ibu be imakdibe, bela Bab-Dummad-nug-odummogega be imake.

Efesios 5:18

Degine, melle be mumgumar. Ar mumguedi, galagwensuli dule-onanae imaked. Bur bela-bela Bab-Dummad-Burba-Isligwaledse-seledii na be imakmar.

Jueces 16:25

Filistea-dulemar na yeer-itobukmaladgi, sogdemalad: “Anmarga be Sansón-sedage, anmar egi dodogegar.” Geb Sansón-esgaryagi-siid onosmalad. Ibmar-dodolegedyob egi dodosmalad. Geb degi, neg-buarmar-gwichid-imbagi ogwichismalad.

Jueces 19:22

Na wergu-bukwamaladgi, dule-isganamar-a-neggweburginmalad, neg-ebilis ambikunonimalad. Yawagak sarsononimargu, dule-isganamar dador-neg-ibedga sogdemalad: —Dule be-negyaba-siid be onoge. Anmar e-sangi dodogoe.

Jueces 19:6

Degi, na gobsamalad, degi, na ebo mas-guchamarbalid. Geb a-sorbali, e-sak ega sokalid: “Napi-ibagwen be an-walik gabe. Nueganbi be oibodagoed.”

Jueces 19:9

Degi, na mas-guchad-sorbali, Levita-dule, e-ome-dikarbalidmala-naega, degi, ega-arbaedmala-naega gwichigualid. Degi-inigwele, e-saka ega sogded: “Mer bar be nae, bato neg-sedosad, emiskwaa mutikgudoed. Napi-ibagwen be an-walik gabe. Nueganbi be oibodagoed. Geb oibosar wakudaryalaba, be-negse be naoed.”

Rut 3:6

Geb agi Rut, sapurba cebada-omukuleged-neg-siidse nadegusad. E-saka-ega-bela-ibmar-sogsad imaksad.

Rut 3:8

Neg-gabigwengusgua, Booz ataas-naded. Aibitegua, ome e-nag-dukusik-mai dakalid.