Rut 2:8 - Kuna San Blas

⁸ Geb Booz Rutʼga sogded: —Bunagwa, nue an-itogo: An bega sogo, mer dule-baid-nainuse cebada-sar-sargwen-babatismamaid weenao. Mer bangubalo. Wegi anga-omegan-arbamalad-walik be gunai guo. Melle eba be beo.

Rut 2:8 Iomraidhean Croise

2 Reyes 5:13

Geb e-maimar ese nadmalad, ega sogdemalad: —Dummad, ar Bab-Dummad-e-dule ibmar-yeer-gangued imakoye bega sogsana, ¿bur be imakoen be-insae? A-bursunna be imaksasuliled. Ar emidi bega sognaid: ‘Dii-ulak be-dogoye, yog be nuguar-naoye.’

Levítico 19:9

Bab-Jehová Moisésʼga sogdebalid: “Israel-dulemarga be sogo: ‘Be-nainugi ibmar-gwag be wealile, melle be-nainugi bela ibmar-gwag be weo, deginbali, ibmar-gwag-napagi batisad, melle bar be subalo. Ar we-ibmar-gwag-argwachamalad dule-wileganaga, degi, Israel-dulesulidmarga be obegoed.

Mateo 9:2

Agi dule-wargwen, bela-abagan-burgwar-nikad ese dule-megedgi-mai senonimalad. Ar Jesús dule-senonimalad-egi-gwen-bensuli-dakdegu, dule-abagan-burgwaledga sogded: —An-ai, gandik na be imako. Be-isgued an bega elisun.

Mateo 9:22

Ar Jesús aibiris imaksagu, ome-gwichi dakalid. Geb ega sogded: —Omegwa, mer be dobgu. Ar be nue an-bengussursoggu, be nugussun. Agine, ome yog nuguar naded.

Filipenses 4:8

Napidgine, gwenadgan, bela ibmar-napiragwadgi, bela nug-nued-nikuedgi, bela igar-innikigwadgi, bela ibmar-swilidikidgi, bela sabguedgi, degi, bela ibmar-nued-egi-soglediidgi be binsamala. Degine, bela igar-nued-mamaidgi, degi, egi nabir-nug-odummolegedgi be binsamala.

Rut 2:7

We-bunagwa wilesagwa wegii anga sogsagusad: ‘An bese wilesagwa egisye, wis be cebada-sar-sargwen-babatismamaid-weega an-imakena gadinye, be-sordamar-sorba an weenai guegarye.’ Geb agi arbadsundo. Emide, bunagwa wakdar-akar gunaid, neg-bipise unnila iche obunno danikid.

Rut 2:9

Anga-machergan-arbamalad cebada-wenanaidba, nue be atako. Omeganba be namogo. Emisgindi, anga-arbamaladga an sogsad: ‘Mer we-bunagwase gole-gole damaloye.’ Uku-uku be itoalile, dii bormomargi-siidse be gobnao, anga-arbamalad-siisadse.

1 Samuel 3:16

Geb Elíʼdi, Samuelʼse gochasunnad: —¡Machi, Samuel! Samuel abin-sogded: —Soge.

1 Samuel 3:6

Degine, Bab-Jehová gannar Samuelʼse gornonikid: —¡Samuel! Geb Samuel gwichibinne-imaksad, Elí-maidse abarmakded. Ega sogdapid: —Naa, ¿ibiga be anse gole? Elí abin-sogded: —Machi, an bese gochasuli. Gannar be megnae.