Rut 2:6 - Kuna San Blas

⁶ Arbamalad-dummad abin-sogded: —We-bunagwa, Moabʼginedid, Noemíʼba Moab-akar danikid.

Rut 2:6 Iomraidhean Croise

Génesis 15:2

Abram Bab-Jehová-abin sogded: —Bab-Jehová-Bela-Negsemaid, ar be wisid, an mimmigan-sated, degite, ibmar-dummad be anga ukoye sogedi, ¿ar wede ibi-nuedga anga guosunna? Degisoggu, bela-an-ibmar-nikadi, we-anga-neg-daked-Damasco-dule-Eliezer, an-sorba bela ibmar gaoed.

Génesis 24:2

Ibagwengine, Abraham e-mai-bur-undargus-arbadiidse gochad. We-mai bela ega ibmar-dakega gudiid. Abraham a-maiga sogded: —Be anga ise-sogar-ibmar-sogegala, an-dua-urba be-argan be mese.

Génesis 39:4

Degisoggu, e-dummad José-yeer-dake gunonisunnad. Potifar José e-bendakega onugsanonikid, degine, e-neggi ega-ibmar-daked-dummadga onugsasbalid. Degisoggu, Potifar bela e-ibmar-nikadi, José bela ega ibmar-dakega nugsasad.

Mateo 20:8

”Neg-mutikgudgu, nainu-ibed ega-neg-dakedga sogded: ‘Arbamaladse be gole, ibagwen-arbasad-wilub be bennuk. Napisolaba-modapmalad-inse be bennuko. Geb degi, wakudarad-akar-arbananaid napisolaba be bennuko.’

Mateo 24:45

Jesús egisdesunnad: “Ar degite, ¿doa-mai-nuedi, binsaed-nikadaed, e-dummad-sogedba gudii? Mai-deyobdaedi, e-dummad, e-neguya-akwega onugsaed. Adi, mai-baiganga wachi-sekalaa mas-dakegar.

Rut 1:16

Rut ega sogded: —¡Mer be anga soge, an be-mete naye, be angi banguye! Ar bia be nadesogele, an beba naoed, ar bia be megidapoe, agi an megidapmogoed. Ar be-dulemar, an-dulemarga gumogoed. Ar be-Bab-Dummad, an-Bab-Dummadga gumogoed.

Rut 1:19

Degine, geb Noemí, Rutʼbogwa nadmarsunnad, geb deyob Belén-neggweburse nonimalad. Belén-neggweburse nonimargua, bela dulemar-aginmalad geger dakdemalad, geb sogdemalad: —¿Wede, Noemíʼsursi?

Rut 1:22

Deyob Noemí, e-bala-Rutʼmala Moab-akale, Belén-neggweburse nonimalad. Deunni, orosgisaar-dakleged-cebada gebe-weleded, a-ibagangi nonimalad.

Rut 2:5

Booz, ega-arbamalad-dummadse, Rut-egichided: —¿We, doa-bunagwa?

Rut 2:7

We-bunagwa wilesagwa wegii anga sogsagusad: ‘An bese wilesagwa egisye, wis be cebada-sar-sargwen-babatismamaid-weega an-imakena gadinye, be-sordamar-sorba an weenai guegarye.’ Geb agi arbadsundo. Emide, bunagwa wakdar-akar gunaid, neg-bipise unnila iche obunno danikid.