Rut 2:12 - Kuna San Blas

¹² Bab-Jehová bega ibmar-buged ukena gadin. We-ibmar Israel-e-Bab-Dummad-Jehová-nuggine be abingaoed. A-Bab-Dummadgi be bendakleged amis gusad.

Rut 2:12 Iomraidhean Croise

Salmo 17:8

Ar dule-isganamar angi dummad-yolenanaisoggu, igi be-ibyagwag na be akwe, deyobi, be an-akwemoga.

Salmo 19:11

Be-Gayaburba anga iduakwaa ibmar-soged: “Nue salakarye.” Ar dule a-Gayaburbaba ibmar-imakele, bukidar ibmar-nuegan nikuoed.

Salmo 36:7

Bab-Dummad, ibibayobi bedi bela-belad wile dule-dakmai. Gannir e-mimmigan e-sakan-urba-odukueyob, dulemar begi bendakleged amied.

Salmo 57:1

Bab-Dummadye, wile be an-dake, Bab-Dummadye, wile be an-dake, ar begi an bensulid. Igi gannir e-sakan-urba na e-mimmigan odukue, deyobi, bonigan-berguedse, be an-odukue.

Salmo 58:11

Agine, dulemar sogdemaloed: “Napirado. Dule-inniki-gudimaladga ibmar-nued ega ukleged. Bab-Dummad nue-mai dakledo, ar we-napneggi bela dulemarga igar innikii nabomaid.”

Salmo 61:4

Bab-Dummad, be-dordoneggi degisadegu an gudii gubied, be an-edarbedigu an be-abeged.

Salmo 63:7

Ar be an-bendaksad, deyobi, be-an-bendaksadgi an yeer-itoged.

Salmo 91:4

Igi gannir e-sakan-urba e-mimmigan-odukue, deyobi Bab-Jehová be-edarbedga guoed. Bab-Jehováʼgi be dukued amioed. E-gayaburba be-sigu-abgaedyob guoed, be-edarbedga guoed.

Proverbios 11:18

Dule-isgana ibmar-isgana-imakedgi-ibmar-amied binsaledid. Dule-ibmar-inniki-imakedgi-ibmar-amied, ega ibnuedga gued.

Proverbios 23:18

Adi, yoedse bega ibmar nueganbi guoed, na be ibmar-edarbediid nikudapoed.

Jeremías 31:16

Weyob Bab-Jehová soged: “Raquel, melle bar be boe, be-boed be bargae, ganna be sae. Ar be-wile-itogedi, bega ibmar-nuedga guoed. Be-mimmigan, e-isdarmalad-yargi nonikoed.”

Mateo 23:37

Jesús sogdebalid: “Jerusalén-dulemar, Jerusalén-dulemar, Bab-Dummad-gayaburba-barsogmalad be oburgwedimalad. Bemarse-barmilearmalad aka be akwagi makdemalad. Ilabigwa bela be-mimmigan danar an na urbebi-gusana, ar igi gannir na e-sakan-urba e-mimmigan-urbedaedyob, an urbebi gusanad. Ar bemar abessurgusad.

Mateo 5:12

Bemar yeer itomar, wergumar, ar nibneggi bemarga ibmar-uklegoed dummarbad. Ar ayobi, Bab-Dummad-gayaburba-barsogmalad epenne bemar-idu baregillesmarmogad.”

Mateo 6:1

Jesús sogdebalid: “Mer yamo-be-dakmalaga dulemar-asabinbi igar-napiragwad-imaked be sao. Ar deyob be daele, be-Bab-nibneggi-maid bega-ibmar-ukoed bar bega ukosulid.

Lucas 6:35

”Degisoggu, be-isdarmalad be sabgumar, ibmar-nued ega be imakmar. Ibmar-bei-abeged ega be ukmar, mer gannar-bega-ibmar-uked edarbedii be gumalo. Ar bemarga ibmar-uklegoed bur-dummarba gued. Degine, Bab-Dummad-Bur-Birigined-e-mimmiga bemar gunonikoed. Ar Bab-Dummad bela dulemar-sunnasurdamalad, degi, dulemar-isganamar wiledakmaid.

Colosenses 2:18

Dulemar-na-yamo-san-bipi-imakdimalad, degi, baliwitur-nug-odummodimalad, mer Bab-neggi-be-ibmar-nued-maid begi sued be imako. Ar amardi, ibmar-daksasuli binsa gordiid, degi, na e-galagwensuli-binsaedba san-odummodimalad.

2 Timoteo 1:18

Bab-Jesús-danikoed-ibagi, Bab-Dummad, Onesíforo-nue-wile-daksun. Onesíforo Éfeso-neggweburgi-nue-anmar-bendaksagusad, be nue-wisimakarmogad.

2 Timoteo 4:8

Degisoggu, emigindi, dule-inniki-ibmar-imakmaladga ologurgin-nued-ukleged anga sabolesisunnad. Igar-naboged-napiragwad-Bab-Jesús e-gannar-danikoed-ibagangi, anga ologurgin ukoed. Unnila angarbi uklegosulid. Dulemar-sabedgi-Bab-Jesús-edarbedimarmogadga ologurgin uklemogoed.

Hebreos 11:26

Moisés sogsagusad, Egiptoʼginmalad bela-bela-ibmar-nuegan-nikadba bur Cristoʼga-wilegedi bur ibmar-nuedye. Ar ade, Bab-Dummad-ega-ibmar-ukoedgi bur ataknai gusad.

Hebreos 11:6

Ar dule Bab-Dummad-benele, geg Bab-Dummad-yeer-ito imaked. Ar dule Bab-Dummadse warmakbiele, nue-bensulirgebed, Bab-Dummad maiye. Degine, Bab-Dummad dulemar-e-amidimalad e-wisguega imakye.

Hebreos 6:10

Ar Bab-Dummad dule-innikidaedsoggu, ega-be-ibmar-imaksad geg ieged. Degi, be Jesucristoʼgi-akananaimaladga-ibmar-imaksagu, Bab-Dummad-nug-sabguedba-be-imaksadi, Bab-Dummad geg ieged.

Rut 1:16

Rut ega sogded: —¡Mer be anga soge, an be-mete naye, be angi banguye! Ar bia be nadesogele, an beba naoed, ar bia be megidapoe, agi an megidapmogoed. Ar be-dulemar, an-dulemarga gumogoed. Ar be-Bab-Dummad, an-Bab-Dummadga gumogoed.

Rut 2:11

Booz Rut-abin sogded: —An wisgusad, be-sui-burgwisad-sorba, igi be-saka-Noemíʼgi be nued gusa. Deginbali, be-babganse bar be nadsurbalid, be-yar-gwalulesadse. Aka be dulemar-gwapidse nonikid, gwen be dulemar-dakdisulidse.

Rut 2:13

Geb Rut, Boozʼga sogded: —Dummad, amba be nued an-dakdii-guena gadin. An be-maisur-inigwele, be-sabgued nue be anse oyosad. Be weligwar an-imaked, nue-ulubse be an-ebusdo.

Rut 4:15

We-mimmi weligwar-gudii be-imakoed, deginbali, be-sered-ugakgi be-bendakdii gubaloed, ar be-bala bela-bela-be-sabgued machi-nikusad. We-balade masmala-gugle (7) nikuedba bur bule bega ibnuedga gued.”

1 Samuel 24:19

¿Doa na e-isdarad-abingualile, gwen oburgwissulir be insae? ¡Ar emi be angi dogdar-nued binsasad-ulale, Bab-Jehová bega ibmar-nuegan ukoed!

1 Samuel 24:20

Emigindi, ar reyga-be-megoed, an magar itosunnad. Dummadga be maidgine Israel-yar nasgumai guoed.