Rut 1:6 - Kuna San Blas

⁶ Degine, Noemí wisgunonikid, Bab-Jehová e-dulemargi nued binsanoniye, ukud-dummad-naid bergusye, Bab-Jehová mas-bukib ukdeeye. Geb degidbali, Noemí e-balamarmala, Moab-yargi-mai armarsunnad.

Rut 1:6 Iomraidhean Croise

Génesis 21:1

Bab-Jehová e-sogsadba Saraʼgi ise-nued binsasad. Saraʼga ise-sogar-imaksadba ega ibmar imaknonikid.

Génesis 28:20

Agi, Jacob weyob ise-sogar sogsad: “Ar Bab-Dummad anba gudiguale, an emi-nadapidgi an-edarbele, anga masgunned ukele, degi, anga mor-yoed ukbalile,

Génesis 48:15

Geb degine, Jacob Joséʼgi ise-nued-binsaedgi ega sogded: “Bab-Dummad-sogedba, an-dad-Abraham, degi, an-bab-Isaac, nanadii gusad. A-Bab-Dummad, an gwalulesad-akar an-edarbediguad.

Génesis 50:25

Geb degine, José Israel-dulemar ega ise-sogar-imakega imaksad, anmar bega deyob imakedseye. Geb degine, José ega sogded: “Ar nue-napiragwad, Bab-Dummad bemar-bendaknonikoed. Ar deyob gunonikile, bemar an-garmar wegi be sedmalo.”

Salmo 102:14

Anmar-be-maimar, Jerusalén-neggweburbina nue-sogmalad. E-negmar-ayarar-bukwadi, nunmaked-dummad anmarga uked.

Salmo 111:5

Bab-Dummad dulemar-e-nug-odummodimaladga mas uked, na Ebo-Igar-Mesisad degisadegu ebinsaed.

Salmo 132:15

E-mas gatik-obinebaka-merguega an imakoed, e-dule-wilegana masgi an oimmogoed.

Salmo 145:15

Bab-Jehová bela ibmarmala ega be mas ukega bese atakbubuk-naed. Ega be iba-sekalaa masgunned ukmaid.

Salmo 146:7

Bab-Jehová dule-sabsur-imakledimaladga sogedba ega igar naboged. Dule-ukud-itodimaladga masgunned uked. Dule-gales-bubukwad onobalid.

Salmo 147:14

Bab-Dummad be-yargi neg-bogidikid nasiked, orosgi-dakleged-trigo-bur-nuedgi immerba be-imaked.

Éxodo 3:16

Moisés be nae, Israel-girmar-dummagan-ebo be ambikuo, ega be sogo: ” ‘Bab-Jehová, be-dadgan Abraham, Isaac, degi, Jacob, amar-e-Bab-Dummad anse magarosad. A-Bab-Dummad anga sogsad, ede bemar-daksaye, degine, bemar-itosbarye, igi Egipto-yargi bemar-wiobukmala.’

Éxodo 4:31

Dulemar Aarón-ega-ibmar-sogsad bengussurmalad. Emar itoarmargu, Bab-Jehová nue e-itosmarye, degi, na e-wilebukmalad e-daksamarbarye, bela na e-nono napase dulluu imakdemalad, oyogega, Bab-Jehová-e-nug emarde odummomarye.

Proverbios 30:8

Igar-isganagi, gakan-igargi, be an-ollor-imake. Melle dule-wilegedga, dule-mani-ibedga be an-imakbalo. Unnila ibmar-nue-abelemaladi be anga ukmai imako.

Isaías 55:10

Ar dii-wiedi, degi, dambed-sibudikid-batedi, ibmar-imaksasuli geg gannar ainakwedaed. Bina we-ibmar imakgwelergebed: Napa-owardikuergebed, napagi-ibmar-oniergebed, ibmar-gwag-osanmakergebed, adi, dule-ibmar-digedga, ibmar-gwag-ukega, degine, dulega masgunned ukegarbar,

Jeremías 29:10

Ar weyob Bab-Jehová soged: “Bemar Babilonia-yargi-gudiid birga-dulapaa-gakambe-gunonikile (70), geb an bemarse ataknonikoed. An ibmar-imakoye-sogsadba an bemarga ibmar imakoed. Gannar Jerusalénʼse an bemar-sedagoed.”

Joel 2:19

Bab-Jehová e-dulamarga weyob sogded: “An bemarga ibmar-gwag ukoed, vinoʼmar, degi, olivo-gwallu ukbaloed. Bemar we-ibmarmargi immelemaloed. Dulemar-yar-baid-baidgi-bukmalad bemargi dodomalaga bar an imakosulid.

Sofonías 2:7

A-neg-naidi, Judá-dulemar-napi-besmaladgadga guoed, agi e-sibad-wawaadmar gagan-madii guoed. Mutikgusale, Ascalón-neggwebur-e-negmargi gabnonimaloed. E-Bab-Dummad-Jehová amar-bendakega ese nonikoed. E-dulemar-galesbukwad, gannar e-yarse dagega imakoed.

Mateo 6:11

Emi-ibagi mas unnitibali anmarga be udage.

Lucas 1:68

“Israel-dulemar-e-Bab-Dummad-nug odummomarsun, ar ade, e-dulamarse na ataknonikid, degine, isguedgine, e-dulamar-onononikid.

Lucas 19:44

Degi, geb napagi be-omukumaloed, be-dulamar-oburgwemaloed, degine, akwamar be-birgi-bubukwad bar be-birgi ambikuosurmalad. Bab-Dummad be-abonogega bese-atakleapid-iba aku be daksad-ular, deyob be guoed.”

1 Timoteo 6:8

Degisoggu, ar anmar masgunned nikadibe, degine, mor-yoed nikabardibe, anmar weligwar itogewilubbid.

1 Pedro 2:12

Gwenadgan, bemar dule-Bab-Dummad-wissurmalad-abargi nued-nanadii be imakmar. Adi, gakansaar-dule-isganaye-begi-sunmakdimaladi be ibmar-nuegan-imakedbali, a-dulemar, Bab-Dummad-bela-dulemarga-igar-nabodanikid-ibagi, Bab-Dummad-nug odummomalagar.

Rut 1:5

Degisoggu, Noemí na e-bendaked-sate gunonisunnad, ei-sui burgwis, degi, ei-masmala burgwisbar.

Rut 1:7

Degisoggu, Noemí, degi, e-balamarmala Moab-yargi-e-neggi noargusmalad. Na e-warbaa Judá-yarse nagab nadegusmalad.

1 Samuel 2:21

Ana, Bab-Jehová-egi-nued-binsasadbali, mimmigan nikunonikid. Samuel-sorba, machimala-walapaa nikusad, degi, bunamala-walabo nikusbalid. A-ibagangine, Samuelʼdi Bab-Jehováʼse-goled-neggi dungumai gusad.