Rut 1:5 - Kuna San Blas

⁵ Degisoggu, Noemí na e-bendaked-sate gunonisunnad, ei-sui burgwis, degi, ei-masmala burgwisbar.

Rut 1:5 Iomraidhean Croise

Isaías 49:21

Geb degi, be binsadoed: ‘¿Doa we-mimmigande anga baksasunna? An mimmi satenad, ar an geg mimmi bakenad. An ononnoles gudiinad, emarse-obanagwar an gudiinad. Ar we-mimmigande, ¿doa anga odummossunna? Ar an walagwen gudiinad, emide, ¿ar bia wemarde danimarsunna?’ ”

Jeremías 2:19

Ani an Bab-Dummad-Jehová-Bela-Gangued-Nikad an bemarga soged: Be-isguedgi na be dukin sabsur-odurdaklemaloed, be angi-yolenanaidgi na be dukin wilemaloed. Nue be binsamar, ‘dule Bab-Jehováʼgi-bangudele, Bab-Dummad-dobsuli-nanadele, we nuedsulid, Bab-Dummad-ieged yeer gangued.’

Lucas 7:12

Neggweburse-doged-yawagak-mosgu, dulemar neg-uanse dule-burgwisad-dignadapi gusmalad. A-burgwaled, ome-ei-sui-burgwisad-e-machi-wargwensakadid. Naín-neggweburginmalad bukidar a-omeba nadapi gusmarmogad.

Deuteronomio 32:39

”Ar emigindi, Israel-dulemar, be dakmardo. ‘Anbi unnila Bab-Dummad gued. Bab-Dummad-baid sated. Ani, an dulemar-odulogedid, ani, an dulemar-oburgwedid. Ani, an dulemar-naibisaedid, ani, an dulemar-nudakedid. Dule angi wakinnosur guoed.

Rut 1:2

A-dule, Elimelec nugad. E-omedi, Noemí. E-machi-wargwen Mahlón-nugad, baiddi Quelión-nugmogad. A-dulemar, Efrata-dulemalad, Belén-neggweburginmaladid. A-neggwebur Judá-yargi-siid. Wemar, Moab-yarse modapmargua, agi megidapmalad.

Rut 1:4

We-masmala-ebogwad Moabʼgined ome-nikunonimalad. Gwensak, Orfaʼye-nugad, baiddi Rut-nugmogad. Geb Mahlón, degi, Quelión birgambe (10) ome-nika-gudii gusmalad. Agi, burgwenonimarmogad.

Rut 1:6

Degine, Noemí wisgunonikid, Bab-Jehová e-dulemargi nued binsanoniye, ukud-dummad-naid bergusye, Bab-Jehová mas-bukib ukdeeye. Geb degidbali, Noemí e-balamarmala, Moab-yargi-mai armarsunnad.