Proverbios 26:3 - Kuna San Blas

³ Moli-bibyoged-duba, moli-bibyogega gued. Moli-gaya-bargaedi, moli-uayasuid-gaya-bargaega gued. Suardi, dule-binsaedsulidaed-bibyogega gumogad.

Proverbios 26:3 Iomraidhean Croise

Salmo 32:9

Igi moli, degi, moli-uayasuid, ibmar-akusunna itodamala, deyob melle be dao. Ar wemardi, bese warmakmalaga, e-dukargi, dub-nasiklegergebed, e-gayagi, e-gaya-bargaed nasiklegergebed. Degisulile, bese warmakosurmalad.”

Proverbios 10:13

Dule-itoakwaa-gudiid-e-sunmakedgine, binsaed-nikagued amileged. Dule-binsaedsulidaeddina, e-yargan-gordii gued.

Proverbios 17:10

Dule-itoakwaa-binsaedga sabsur-ibmar-soglegele, irgwen-itogaled. Dule-binsaedsulidaeddina, molidubgi ila-dulataledse (100) bibyolenaidibe, amba itosulid.

Proverbios 19:25

Dule-binsaedsulidaedi, unnila sabsur-odurdakedgi ibmar-durdaked. Dule-binsaed-nikagueddi, na ibmar-durdakega irgwen-ounaed abeged.

Proverbios 19:29

Dule-emargi-dododimaladga sabsur-odurdakleged-igar guagwar maid. Dule-binsaedsulidaedga bibyoleged-igar guagwar maimogad.

Proverbios 27:22

Dule-binsaedsulid be nagele, amba uki be nagbalile, degi, ibmar-gwagyob be osarwele, amba e-binsaed-sateddi, e-ibe be osulogosurguoed.

1 Corintios 4:21

Degite, ¿ibi be abemarsunna? An bemar-omosale, ¿sabsur-bemar-odurdakbi be an-abemala? ¿Sabedgi binnalee bemarga sunmakbi be an-abemala? Be-itolegedmardo.

2 Corintios 10:6

Deginbali, bemar bela Bab-Dummad-sogedba be ibmar-imaksamalale, dule-Babba-ibsadisurmalad-sabsur-odurdakega an guagwar gudimalad.

2 Corintios 13:2

Igi iduar irbogi an bemarse atakapidgine an bemarga sogsagusa, emigindi, an bemar-abargi-gudisulidgi an bemarse garda narmaked. Bemar-iduar-isgusmaladga, degine, bela-bemarga gannar an sogbardo, an bemarse modapile, sabsur bemarga an ibmar sogdapoye.