Proverbios 10:2 - Kuna San Blas

² Ibmar-isganagi-mani-amilegedi, ibnuedga gusulid. Ibmar-inniki-imaklegeddina, burgwedgi-san-onogega emar-imaked.

Proverbios 10:2 Iomraidhean Croise

Proverbios 11:4

Igar-naboleged-ibagan-nonikile, be-ibmar-bukidar-nikadi be-bendakosurguoed. Ibmar-inniki-imaklegedgindina, burgwed-igar amilesulid.

Proverbios 12:28

Ibmar-inniki-imakleged-igargi undar-dula-gudiid amileged, we-igargine burgwed-igar amilesulid.

Proverbios 13:11

Mani-yogasaar-amileged baisursunna-berguddaed. Dule-mani-saboged-wisiddina, binnasdikii ibmar-nikumaidaed.

Proverbios 21:6

Gakansaedgi ibmar-nuegan-ichesur-nikuedi, booyob berguddaed, dule-oburgwega gubalid.

Ezequiel 7:19

Igarba e-mani midmaloed, ibmar-isganayob, ordi dakdemaloed. Bab-Jehová-urwed-ibagi e-mani, degi, e-or gwen e-bendakega guosulid. We-ibmar-nuegan e-ukud-itoged ega obelogosulid, immerba-imakega guosurbalid. Ar olo, emar-isguega imaksad.

Daniel 4:27

Degisoggu, dummad-rey, an bega binsaed-ukoedba, be ibmar-imakoena gadin: Be-isgued be indake, innikigwadba be ibmar-imake. Be-ibmar-isgana-imaked be indake, dule-wiledimalad be bendake. Dummad-rey, weyob be ibmar-imakedba, abakale be bogidik, degi, weligwar-gudii gualile.”

Sofonías 1:18

Bab-Jehová-urwed-ibagi, e-mani gwen e-bendakosulid, e-or gwen e-bendakosurbalid. Bab-Jehová-e-sae-itogedbali, bela napneg-naid berguoed. Bela-dulemar-napneggi-gudidimalad, ilagwen-obelolegar ese imaklemaloed.

Romanos 2:5

Ar be Bab-Dummadba-dabisulidbali, degi, be-isgued-mibisulidbali, Bab-Dummad-dulemar-sabsur-odurdakoed-ibagan-nonikoedga, na be dukin odurdakleged-dummad aminaid. A-ibagi, Bab-Dummad na e-igar-naboged-innikigwadi oyononikoed.

Romanos 5:21

Ar isgued, burgwed-igar nasiknonikid. Bab-Dummad-bela-bela-e-sabeddi, dulagudigued nasiknonimogad. Agala, Bab-Dummad dule-isgussuliyob anmar-daknonikid. Degine, anmar-Dummad-Jesucristoʼba anmar burba-geg-bergued nikunonikid.

Filipenses 3:9

Deginbali, Bab-Dummad Cristoʼgi-nue-akanai an-dakbaligar. Moisés-Igar-Mesisadba an-isgussuliyob-dakleye-sogleged an abesulid. Ar unnila Cristoʼgi-bensur-gunonikidba isgussuliyob-dakleged an abeged. Dule-isgussuliyob-dakleged Bab-Dummadgi danikid. We-igar, dule Cristoʼgi-bensuliguedba nikued.