Números 9:8 - Kuna San Blas

⁸ Moisés we-dulemar-abin sogded: —Bemar an-edarbemargwelo. An itogweloed, igi Bab-Jehová bemargi anga igar-ukoe.

Números 9:8 Iomraidhean Croise

2 Crónicas 20:17

Bemardi, melle ese be achamalo. Bogi be ambikumalo. Be dakmaloed, ani, Bab-Jehová, igi an bemar-bendakoe. Judá-dulemar, degi, Jerusalén-dulemar, mer be dobgumalo, mer galakumalo. Banedse amar-abin be namalo, ar ade, ani, Bab-Jehová, an bemarba gudioed.’ ”

Salmo 25:14

Bab-Jehová dulemar-e-nug-odummodimaladbo walikaa gued, amarga e-igar-mesisad sogbalid.

Salmo 85:8

Bab-Dummad-Jehová-ibmar-soged an itogoed, ar e-dulamarga, ega-inniki-nanadimaladga, bogidikidgi sunmakoed, adi, melle bar gannar Bab-Dummadgi bangumalagar.

Éxodo 14:13

Moisésʼdi Israel-dulemar-abin sogded: —Melle be dobgumar. Gandik be imakmar. Bab-Jehová bemar-bendakega-ibmar-imakoed be nue dakmar. Ar ade, emi bemar Egipto-dulemar-dakedi, bipisaale gwen bar-dakosurmalad.

Éxodo 18:15

Moisés e-saka-abin sogded: —Ar ade, dulemar Bab-Dummadse igar-amimalaga anse nonidamalad.

Ezequiel 2:7

Ar we-dulemar beba ibsamalodibe, surbardibe, ar ade, dule-uayasatemaladid. Degi-inigwele, we-dulemarga an-gayaburba be barsogoed.

Ezequiel 3:17

“Dule-machi, Israel-dulemar-owisogega an be-nug-imaksad. Degisoggu, an bega ibmar-sokalile, an-nuggine be sunmakoed.

Levítico 24:12

Geb Bab-Jehová Israel-dulemarga we-dule-imaklegoed-sogedse, esgaryagi we-dule-metemargweled. We-dule-e-nande Selomitʼye nugad, Dibri-sisgwad. Dibriʼdi Dan-wagwad.

Números 15:34

Ar wissurmarsoggu, igi a-dule-imakmaloe, esgaryagi metemalad.

Números 27:5

Moisés, we-bunamala-ega-sogsadi, Bab-Jehováʼse idaknad gusad.

Números 9:7

—Anmar dule-mui ebusad, agala anmar swilidiksurmalad. ¿Ibiga geg anmar Israel-dule-baiganyobi Bab-Jehováʼga Iba-sekalaa ibmar-uke guosunna?

Números 9:9

Geb degine, Bab-Jehová Moisésʼga sogded:

Juan 17:8

Ar ade, be-gayaburba-be-anga-uksadi amarga an uksamogad. Amar, be-gayaburba abingasmalad. Degine, amar an-begi-danikid mag nue-itosmalad. Deginbali, bee be an-barmialid gwen bengussurmalad.

Juan 7:17

Ar dule Bab-Dummad-sogedba nanabiele, mag dakoed, an-ibmar-odurdakdiid Bab-Dummadgi danidibe, igidibe, an-ibmar-odurdakdiid an na dukin onosdibe.

Gusmalad 20:27

ar bemargi bipisaale Bab-Dummad-Igar-Nued-Maid an gwen odukussulid. Degisoggu, bemar igi-gualile, bemargindo, bar anginsurdo.

1 Corintios 11:23

Bab-Jesús-sunnad igi an-odurdaksa, deyobi, an bemar-odurdaksamarmogad: Dummad-Jesús, darba-uklegoed-mutik madu susagusad.

1 Corintios 4:4

An ulubgi na itogua, gwen ibmar-oakalodi an itolesulinad. Degi-inigwele, geg an soged, ibmar gwen an oakalodisurye. Ar unnila Bab-Dummadbi sogoed, an ibmar-nued-imaksadibe, ibmar-ichakwa an imaksadibe.