Números 9:16 - Kuna San Blas

¹⁶ Gusgu mogir weyobi nai gusad: Neg-ibgine, mogir neg-birgi-naidaed. Mutikdi, mogir sooyobi we-neg-birgi-naidaed.

Números 9:16 Iomraidhean Croise

Nehemías 9:12

Ibgine, mogir-bubawaryob-gwichidba be semai-gusad. Mutikdi, soo-bubawaryob-gwichid-gwabunyemaidba be semai-gusad, adi, igar-namaloedba, ega neg-mee imakegar.

Nehemías 9:19

Bab-Dummad, ar be-sabgued bur-dummarbasoggu, nega-dulesulidgangi gwen be-dulamar be metesulid. ” ’Mogir-bubawaryob-gwichid igarba e-idumai-guega, ibginedba gwen egi aibachasulid, degine, mutikidba mogir-bubawaryob-gwabunne-gwichid gwen egi aibachasurbalid, adi, emar igar-namaloedba ega igar-mee imakegar.

Salmo 105:39

Bab-Jehová Israel-dulemarga mogir nasiksad, adi, a-urba ambikumalagar. Neg-mutik ega neg-mee imakega ega soo ogasad.

Salmo 78:14

Bab-Dummad, ibginedba mogirbali Israel-dulemar-idu-nadapi gusad, mutikidba soo-gaedbali idunadapi gusad.

Éxodo 40:34

Bab-Dummadse-goled-neg-sunna-selegedgi, dulemar-ambikuedgi mogir nagunonikid. Geb a-neggi bela-bela-ena Bab-Jehová-e-gangued-yeerdakleged aidenonikid.

Éxodo 40:38

Ar ade, Bab-Jehová-e-mogir neg-ibgine, ese-goled-neg-birgi naidaed, degine, neg-mutikdi, ese-goled-neg-birgi bubawaryob soo ganaidaed. Bela Israel-dulemar bubawaryob we-mogir dakedbidamalad. Weyobi, Israel-dulemar bangued-irba gusdaed.

1 Corintios 10:1

Gwenadgan, bemar nue insamalo, igi Bab-Dummad bela anmar-dadgan mogir-urba-semaigusa, degi, igi bela Demar-Ginnidye-nugad-abargi obaksamala, deun demar ega dinnaa imaksagusgu.

2 Corintios 5:19

Bab-Dummad Cristoʼgi dule-we-napneggi-bukmalad-ebo igar nabosad. Dule-e-isguedgi Bab-Dummad bar binsadasulid. Degine, Bab-Dummad dulemarbo-igar-nabogedgi-sunmakega anmarga igar uksad.

Deuteronomio 1:33

Ar Bab-Jehová, bemarga-neg-ambikued-amiega, bemar-idunadap gusad. Mutiki, bemarga-igar-oyogega bemar-idu soo-bubawar-oganadap gusad. Ibgindi, mogir-bubawarba bemar-idunadap gusad. Degi-inigwele, bemar Bab-Jehová-bengus gusmalad.”

Apocalipsis 21:3

Geb degi, nibneggi gayaburba binnasur gole an itosad. Weyob soged: “Emigindi, Bab-Dummad-meged-neg dulemar-abargi signonisunnad. Bab-Dummad dulemar-abargi gudigusunnoed. Dulemar Bab-Dummad-sordamarga gunonikoed. Bab-Dummad-sunnad we-dulemar-e-Bab-Dummadga gumogoed.