Números 7:10 - Kuna San Blas

¹⁰ Ibmar-ogumakar-ukleged-aila Bab-Dummadga nugsalesgu, we-dummagan ibmar-ogumakar-ukleged-aila-asabin, Bab-Dummadga ibmarmar uksamalad.

Números 7:10 Iomraidhean Croise

1 Reyes 8:63

Salomón Bab-Jehováʼga dogdar-nuedye-sogleged-ibmar-ukleged uknai gualid. We-ibmarmar uksad: Moli-bebe-nikad, mili-dulagwen-gakabo (22,000) uksad. Sibad-wawaad, degi, sibadmar, mili-dulanergwa (120,000) uksabalid. Deyob, Salomón bela Israel-dulemarmala, Bab-Jehováʼga neg-soblesad nug-imaknai gusad.

2 Crónicas 7:5

Rey-Salomón Bab-Dummadga moli-bebe-nikad, mili-dulagwen-gakabo (22,000) uksad, degi, sibad-wawaad, mili-dulanergwa (120,000) uksabalid. Deyob rey, degi, bela dulemar Bab-Dummadse-goled-neg ega nug-imaksad.

2 Crónicas 7:9

Ar ibagugle (7) ibmar-ogumakar-ukleged-ailaga iba-onosmalad, degi, ibagugle (7) iba-dummad onosmarbarsoggu, ibabaabakgi (8) igar-dummad itosmalad.

Nehemías 12:27

Jerusalén-galu-matusulid-ogulesadi Bab-Dummadga nug-imaklesokargua, Levita-dulemar-banna-banna-mamaid bela amiapmalad. Geb Jerusalén-neggweburse amar-searmalad, adi, weligwaledba Bab-Dummadga galu-nug-imaklenaidgi werguegar, ega dog-nuedye namaklegedgi sogega, degi, garmar-címbaloʼba, salterioʼba, degine, cítaraʼba Bab-nug-odummogega.

Nehemías 12:43

A-ibagine, Bab-Dummadga ichesuli ibmar-ogumakar uksamalad. Degine, ar Bab-Dummad, nue-weligwale amar-imaksasoggu, nue wergusmalad. Omegan, degi, burwigana nue wergusmarmogad. Jerusalén-neggweburgi-wergubukmalad dikasuli itolesad.

Salmo 30:1

Bab-Jehová, an be-nug ogannoged, ar be an-bendaksad. An-isdarmalad mer angi wergumalaga be imaksad.

Números 7:1

Moisés Bab-Dummadse-goled-neg-seleged-sobsad-obelosgu, ina-wawadikid a-neggi bomi-bomi imaksad. Degine, bela agi ibmarmar-bukwad Bab-Dummadga nug-imaksad. Agi, we-neg Bab-Dummadgarbi-ebulegega nug-imaksasunnad. Geb ibmar-ogumakar-ukleged-ailagi ina-wawadikid egi bomi-bomi imaksabalid, degine, bela ailagi-ibmarmar-ebulemalad Bab-Dummadga nug-imaksabalid. Agi, we-ibmar bela Bab-Dummadgarbi-ebulegega nug-imaksad.

Números 7:11

Ar ade, Bab-Jehová, Moisésʼga sogsagusad: “Ibmar-ogumakleged-aila-anga-nugsalesadga-ibmar-ukegale, iba-ibagwengi dummagan-war-wargwen anga ibmar ukoed.”

Números 7:84

Weyobi, Israel-dulemar-e-dummagan Bab-Jehováʼga ibmar-ogumakar-ukleged-aila nug-imaknanaigusgu ibmarmar senonigusmalad: Mani-bate, gwaambe-gakabo (12), mani-nog-dummad, gwaambe-gakabo (12), or-wesar, warambe-gakabo (12) senonigusmalad.

Números 7:88

Gwenatigwar-guega, ibdurgan-senonimalad, weyob mergued: Molimar-bebe-nikad-alugwasuarmalad, waladulagwen-gakabake (24), sibad-wawaad-machered, waladulapaa (60), sibad-machered, waladulapaa (60), degine, sibad-wawaad-sapingwagwad-birgagwen-nikad, waladulapaa (60) mergued. We-ibmarmala ibmar-ogumakar-ukleged-aila-nug-imaklenaigusgu Bab-Jehováʼga uklesad.

Deuteronomio 20:5

”Geb degine, dummagan, sordamarga sunmakdoed, ega sogdoed: ‘Dule na neg-bini-sobsadgi-yoo-amba-mege-itogele, gannar na e-negse nabier, naodo. Ar abakalegi urwenaidgi, neg-binidgi-megissuli burgwialile. Ar burgwenonikile, dule-baid e-neg-binidgi megnonikoed.