Números 4:12 - Kuna San Blas

¹² ”Aarón, degi, e-masmala, bela ibmar-anse-goled-neggi-ebulemalad weemaloed. Geb mor-aradgi anwemaloed, degi, ibdurgan-uka-nuegangi anwemarbaloed. Geb degine, nabir-sedmalaga suar-wargwengi be nasikoed.

Números 4:12 Iomraidhean Croise

1 Crónicas 9:28

We-Levita-dulemar-gwen-gwen, Bab-Dummadse-goled-neggi-ibmar-ebulemalad-dakmarbalidid. We-dulemar, a-ibmar-ebulemalad-onilealir, abin ebisdamalad, degi, gannar-oubolealir, abin ebisdamarbalid.

1 Crónicas 9:29

Levita-dulemar-baigan, Bab-Dummadse-goled-neggi-ibmarmar-bukwad-dakega nug-imaklesmalad. We-ibmarmar-dakegar: Madubur, vino, olivo-gwallu, ina-wawadikid, gwallu-wawadmar, degi, bela-ibmar-ebulemalad.

2 Crónicas 4:11

Salomón bormomar sobsabalid, degi, buru-wemalad sobsabalid, degi, abe-mied-nog sobsabalid. Rey-Salomón igi Hiramʼga Bab-Dummadse-goled-neg soboye sogsa, deyopira, Hiram bela Bab-Dummadga-neg-sobnaid, ogusad.

2 Crónicas 4:16

A-uki, bormomar soblesbalid, degi, buru-wemalad soblesbalid, degi, wesar-ikomar-dummagan soblesbalid. We-ibmar-ebulemalad bela Hiram-Abi Bab-Jehováʼse-goled-negga Rey-Salomónʼga esgoro-gordikid-dakar-gaedgi sobsad.

2 Crónicas 4:19

Deginbali, Salomón ibmar-ebulemalad-baigan Bab-Dummadse-goled-negga-soblesbalid, weyob sobsabalid: Ina-wawadik-ogumakar-ukleged-aila, bela orbi sobsad. Degi, mesemar, madu-Bab-Dummadga-mesmalad bela orbi sobsabalid.

2 Crónicas 4:22

Amba dislamar-gwallu-gwillodub-siked soblesbalid, abe-mied-nogmar soblesbalid, wesarmar, degi, sianarmar soblesbalid. We-ibmarmar, bela amba or-sunnabi soblesad. Deginbali, Bab-Dummadse-goled-neg-doged, ber or-sunnabi soblesbalid: Neg-Ise-Islidikidgi-doged-e-yawagakmar, bela or-sunnabi sobles nanabalid. Degi, Bab-Dummadse-goled-negga-gusiid-e-yawagakmar, bela or-sunnabi sobarbalid.

Éxodo 25:5

sibad-wawaad-machered-e-ukamar-ginnidgi-odolegaled, ibdurgan-uka-nuegan, urgomar-acaciaʼye-nugad.

Éxodo 25:9

Ar igi bela an bega oyogoe, a-sunnagwad be dulemar-anse-goled-neg-sunna-seleged be soboed, degi, a-yagi bela ibmar-ebuleged a-sunnagwad be sobbaloed.”

Éxodo 31:10

Degine, we-mormar makmarbaloed: Aarón-mor-islidikmalad, degi, e-masmala-mor-anse-dulemar-irwa-gorsokalir-yodamalad.

Números 3:8

We-Leví-wagan dulemar-anbo-ambikued-neggi bela ibmarmar-ebulemalad akwemaloed. Degine, anse-goled-neg-sunna-selegedgi Israel-dulemar-ular ibmar imakoed.

Números 4:11

”Ibmar-ogumakar-ukleged-aila-olobiidi mor-aradgi anwemaloed, geb, ibdurgan-uka-nuegan e-birgi anwebaloed. Geb degine, nabir-sedmalaga e-suarmar egi yomarbaloed.

Números 4:13

”Ibmar-ogumakar-ukleged-ailagi buru-bukwad weemaloed. Geb a-aila mor-suir-akwagiidgi anwemarbaloed.

Números 4:6

A-birgine, ibdurgan-uka-nuegan oginmaloed. Geb agi, Aarón, degi, e-masmala, a-uka-birgi mor-aradbiid oginmarbaloed. Geb degine, Ulu-sedmalaga egi e-suarmar yomaloed.

Números 4:7

”Madu-anga-ukleged-mese-birgi mor-arad oginmaloed. Geb agi, batemar, wesarmar, nogmar, degi, bormo-dukwa-ibmar-eogega-ebuleged urbemaloed. Madude a-mesegi bukwagu guoed.

Números 4:9

”Geb degine, Aarón, degi, e-masmala mor-arad sumaloed. A-mor-aradgi gwallumar-sied anwemaloed, degi, e-gwallumar, gwallu-gwillodub-sikmalad-e-disla, e-bate-burwigana, degine, bela olivo-gwallu-simalad-e-nogmar agi anwemarbaloed.