Números 30:2 - Kuna San Blas

² ‘Dule-gwensak Bab-Dummadga sogsadibe, sogedba an imakedseye, igi ise-sogar ebo igar-omesisdibe, bipisaale e-ibmar-sogsadi gwen gakansaosulid, sogsadba imakedsegad.

Números 30:2 Iomraidhean Croise

Job 22:27

Bab-Dummadse be gotele, be-itogoed. Bedi ega ibmar-imakoye-sogsad be imakedsegad.

Salmo 116:14

Unnila Bab-Jehováʼga an ibmar-imakoye ise-sogar-sogsadi, bela dulemar-asabin an imakoed.

Salmo 116:18

Bab-Jehováʼga an ibmar-imakoye ise-sogar-sogsadi, bela e-dulamar-asabin an imakoed.

Salmo 119:106

An bega ibmar-ise-sogar-sogsadi, an imakedsegad. Be-Igar-Mamaid-sogedba an nanadii guoed.

Salmo 15:3

Dule-baidgi-wissur-gakansaed, dule-aimar-naibi-imakdisulid, dule-emar-mesagwar-imakdisulid.

Salmo 22:25

Bab-Jehová, be-dulamar-onmaked-abargine, be-nug-odummogega be an-imaked. An bega ibmar-imakoye-sogsadi, dulemar-be-nug-odummodimalad-asabin an bega imakoed.

Salmo 50:14

Anga weligwaledgi dog-nuedye be sogdage. Anga, Bab-Dummad-Bur-Biriginedga be ibmar-imakoye-sogsad, be imakdage.

Salmo 55:20

Dule-isgana dule-ebo-nued-gudiidgi aibined, e-igar-mesisadgine annaed.

Salmo 56:12

Bab-Dummad, an be-asabinni ibmar-saoye-an-sogsadi, angi siid. Ibmar-uklegedi, an bega ukoed.

Salmo 76:11

Be-Bab-Dummad-Jehováʼba, ise-ibmar-sogar be imakmar, ega sogedba be ibmar imakmarbalo. Bela yarmar-anmar-neggwebur-dikarba-bukwadi, Bab-Dummad-gandikidga ibmar-ukleged sedamalo.

Éxodo 20:7

Melle be-Bab-Dummad-Jehová-nug yogasaar be obaro. Ar dule yogasaar Bab-Dummad-nug obarisale, a-dule, Bab-Dummad-Jehováʼse sabsur-odurdaklegedsegad.

Proverbios 20:25

Nue-binsassuli Bab-Dummadga-ibmar-imakoye-soged bonidar-dummadid. Geb sogsad-sorba, binsadele, an ibiga deyob sogsadibeye. Deyob-binsaedi, bonidar-dummadid.

Levítico 5:4

” ’Dule-gwensak, ibmar-nued-imakega, ibmar-isgana-imakegardibe, ibmar-ise-sogar-sogleged, nue-binsassuli sogsadibe, geb degine, sorba, magar itononikile, ede, deyob sogewilubsulinye, we-dule, nue-nosadga gunonikoed.

Nahúm 1:15

¡Be dakmala! Dule-gayaburba-nuegan-berbegedi, dule neg-bogidik-naguoedgi-sunmakedi, bato yalaganba danikid. Judá-dulemar, be-iba-onomaladgi, be wergumala, Bab-Jehováʼga be ibmar-ukoye-sogsad be uke. Ar dule-isganamar bar be-yarse ubogosurmalad, ar bela Bab-Jehováʼse giir gusmalad.

Números 21:2

Degidgine, Israel-dulemar Bab-Jehováʼse gotemalad, ise-sogar sogdemalad: “Bab-Jehováʼye, we-dulemargi-nakwega be anmar-imaksale, anmar we-dulemar-e-neggweburmar bela obelogoed.”

Números 30:10

” ’Ome-sui-nikad, Bab-Dummadga sogsale, deyob an imakedseye, igi Bab-Dummadbo ibmarsik ise-sogar igar mesisale,

Números 32:24

Degirdi, bemar be-mimmiganga neggwebur-urbemar, degine, be-molimarga moli-galu be sobmar. Degine, na be ibmar-sogsamaladba ibmar imakmarbalo.”

Mateo 23:16

”¡Ar bemar duledar-wilesmar! ¡Bemar dule-idumalad-ibyasulidmaladid! ”Emide, be sogmalad: ‘Ar dule-wargwen ise-sogar-sogsadibeye, Bab-Dummadse-goled-neg-nuggi napira an bega sogye, an ibmar imakoye. Degisogsadba-ibmar-imaksulir, gwen akarsurye. Ar dule Bab-Dummadse-goled-neggi-or-siid-nuggi ise-sogar-imakoye-sogsardi, adi, degi-sogsadba imakergebye.’

Mateo 23:18

”Ar bemar sogmarbalid: ‘Dule-wargwen ise-sogar-sogsadibeye: Bab-Dummadga-ibmar-ogumakar-ukleged-aila-nuggi napira an bega sogye, an ibmar imakoye. Degisogsadba imaksasulir, gwen akarsurye. Ar dule Bab-Dummadga-ibmar-ukleged-nuggi ise-sogar-sogsardi, na degi-sogsadba eba saergebye.’

Gusmalad 23:12

A-banedgine, gwenna-gwenna Judíoʼmar Pablo-oburgwega igar amismalad. We-Judíoʼmarde ise-sogar sogsamalad, emarde, Pablo-oburgwedse geb mas gunmaloye, geb ase gobmarbaloye. Emisgindi, emarde mas gunnosurye, gobosurmarbarye sogsamalad. Ar deyob imaksulile, emarde sabsur-odurdakleged bur nabirye.

Gusmalad 23:14

Geb dule-irwa-Babse-gormalad-e-dummaganse, Judíoʼmar-girmar-dummaganse, nadmarsunnad. Amarga weyob sogdapmalad: “Anmar igar-geg-bar-osuloged mesismarye, anmar sogsamarye, Pablo-oburgwedse geb mas gunmaloye, geb ase gobmarbaloye. Emisgindi, anmar mas gunnosurye, gobosurmarbarye. Ar anmar deyob imaksulile, sabsur-odurdakleged bur nabirye, anmar sogsamalad.

Gusmalad 23:21

Mer be amar-itogo. Machergan-e-dulabo-gwena (40+) igarba dukuar edarbebukmaloed. Amar sogsamalad, Pablo-oburgwedse geb mas gunmaloye, geb ase gobmarbaloye. Emisgindi, emarde mas gunnosurye, gobosurmarbarye, sogsamalad. Ar deyob imaksulile, emarde sabsur-odurdakleged bur nabirye, sogsamalad. ”Emide, guakwaa bato bukwamalad. Unnila be-ibmar-sogoed edarbebukmalad.”

2 Corintios 1:23

Napira an bemarga soged, mer bemarse urwegala, Corintoʼse an nadsurgusad. Bab-Dummad nue-wisid weyob an-bemarga-sogedi, napiragwad.

Jueces 11:11

Geb Jefté, Galaad-sapin-dummaganba nadsunnad. Galaad-dulemar, e-dummadga Jefté-nug-imaksamalad, degi, sordamar-e-iduedga nug-imaksamarbalid. Degi, Jefté, Mizpaʼgi na e-ibmar-sogsadi gannar Bab-Jehová-asabin sogsabalid.

Jueces 11:39

Nii-warbo-gunonikidgine, bunagwa gannar e-babse nonikid. Degi, Jefté, Bab-Jehováʼga ibmar-ise-sogar-imaksadba ibmar-imaknonikid. Jefté-bunagwa bipisaale sui-nikussuli burgwisad.