Números 3:7 - Kuna San Blas

⁷ Amala, dulemar-anbo-ambikued-neggi Aarónʼga, degi, bela Israel-dulemarga arbananai gumaloed.

Números 3:7 Iomraidhean Croise

1 Crónicas 26:20

Levita-dulemar-baigan, Bab-Dummadse-goled-neggi ibmar-nuegan-gargermalad-bukwad-daked-Ahíasʼga sulesmalad, degi, ibmar-Bab-Dummadga-nugsalegaled-dakedga sulesmarbalid.

1 Crónicas 26:22

Zetam, degi, Joel. Wemar-warbogwad Bab-Jehováʼse-goled-neggi ibmar-nuegan-gargermalad-dakedga sulesmalad.

1 Crónicas 26:26

Selomit, degi, e-gwenadganmala, Bab-Jehováʼga ibmar-nuegan-nug-imaklegar-bukwad dakedmaladid. We-ibmar-nuegan-nug-imaklegar-bukwad, wemar uksad: Rey-David, Israel-e-gwenadgan-e-gwenadgan-e-dummagan, sorda-mili-milibalid-e-dummagan (1,000-1,000), sorda-dulataled-dulataled-e-dummagan (100-100), sorda-dummagan-baigan. Selomit, degi, e-gwenadganmala bela a-ibmar dakmaladid.

Levítico 8:35

Degisoggu, ibagugle (7) mutikidba, degi, ibginedba bemar Bab-Dummad-dulemarbo-ambikued-neg-yawagakgi bukumaloed, ar igi Bab-Jehová-bemarga-sogsagusa, adi, bemar melle burgwemalagar. Ar deyob Bab-Jehová anga sogsad.”

Números 1:50

Be, Levita-dulemar Dulemar-Anbo-Igar-Mesisad-E-Neg-dakega be imakoed. Degine, a-neggi-ibmar-ebulemalad, degi, bela a-negga-ibmar-ebulemalad-dakega, be imakbaloed. Levita-dulemala, anse-goled-neg-sunna-seleged, degine, bela e-ibmarmar-agi-ebulemalad semaloed. Degine, Levita-dulemarbi agi arbamaloed. Degine, a-neg-dikar-ebilis megmaloed. A-ular, Leví-e-wagan be ebisosulid.”

Números 1:53

Levita-dulemardi, Dulemar-Anbo-Igar-Mesisad-E-Neg-dikar-ebilis ambikumaloed, adi, melle an-urwed Israel-dulemargi yolegegar. Levitaʼmar, Dulemar-Anbo-Igar-Mesisad-E-Neg edarboed.”

Números 3:32

Leví-wagan-baigan-e-dummad Eleazarʼye nugad Aarón-e-machid. Aarónʼde dule-irwa-Bab-Dummadse-goledid. Eleazarʼde Bab-Dummadse-goled-neg-sunna-seleged-dakmalad-e-dummadid.

Números 3:8

We-Leví-wagan dulemar-anbo-ambikued-neggi bela ibmarmar-ebulemalad akwemaloed. Degine, anse-goled-neg-sunna-selegedgi Israel-dulemar-ular ibmar imakoed.

Números 31:30

”Baid-negabalad Israel-dulemarga-uklegoedi, anga be subaloed. Ibmarmar-dulabo-gakambegwad-iliba (50) war-wargwen be suoed: Dulemar-gales-selenonikid, moli-bebe-nikad, moli-uayasuid, sibad-wawaad, degi, sibad. Geb we-ibmarmala, Leví-wagan-anse-goled-neggi-arbamaladga be ukoed.”

Números 8:11

Geb degidgine, Aarón Israel-dulemar-nuggi a-Leví-wagan-baigan anga ibmar-bana-bana-ukledaedyobi, imakoed. Weyobi, Leví-wagan-baigan Bab-Jehováʼga-arbaega gudii gumaloed.

Números 8:15

”Geb degine, be, bela Leví-wagan-baigan-uruksad-sorbali, degine, anga-ibmar-bana-bana-imakledaedyobi, be anga imaksad-sorbali, geb wemar dulemar-anbo-ambikued-neggi arbanonimaloed.