Números 28:3 - Kuna San Blas

³ Bab-Jehová, Moisésʼga sogdebalid: “Israel-dulemarga be sogbalo: ‘Weyob soogi anga ibmar ogumakar be ukmaloye: Bane-bane degisadegu sibad-wawaad-sapingwagwad-warbo birgagwen-nikamalad bonisulidi be anga ukoye.

Números 28:3 Iomraidhean Croise

1 Crónicas 16:40

Adi, wemar, Bab-Jehováʼse-gorleged-neggi, bane-bane wakdaradbali, degi, sedogidbali, ibmar-durgan-ogumakar Bab-Jehováʼga ukmalagar. Igi Bab-Jehová Israel-dulemarga gardagi-narmakar Igar-uksa, abali imakmalagar.

2 Crónicas 8:13

Salomón, Moisés-Igar-Maidba, ibmar ogumakar ukdaed: Itoged-ibamargi, nii-bini-gwisgued-ibamargi, birgagi irbaa iba-dummagan-onolegedgi ibmar ogumakar ukdaed. A-ibamar-dummagandi, wemalad: Madubur-Inasulid-Iba, Itoged-Irgwenad-E-Ibamar, degi, Neg-Matargana-Iba.

Esdras 3:5

A-ukinbali, gusgu ibmar-ogumakar-ukleged Bab-Jehováʼga ukdamalad, degi, nii-gwapid-yoleged-irba ibmar-ogumakar-ukleged uksamarbalid. Geb degine, Bab-Jehováʼga iba-dummagan-onolegedgi-ibmar-ukleged uksamarbalid. Degi, dule na-e-binsaedba, Bab-Jehováʼga ibmar-ukleged uksamarbalid.

Daniel 11:31

” ’We-rey-e-sordamar-bila-onomalad, Bab-Dummadse-goled-neg-oichonai, degi, Bab-Dummadse-goled-neggi neg-gandikidsiid-oichonai gumaloed. Deginbali, bane-bane Bab-Jehováʼga ibmar-ogumakar-uklemalad osulomarbaloed. Geb ibmar-ised Bab-Dummad-ibmar-abesulid ogwismaloed.

Daniel 12:11

” ’Bane-bane-ibmar-ogumakar-ukleged osulolenonikid-iba-akale, geb Bab-Dummadse-goled-neggi ibmar-ised Bab-Dummad-ibmar-abesulid-ogwismaloedse, ibagan miligwen dulataled-ilabo gaka dulabake-gakambe (1,290) naguoed.

Daniel 8:11

We-bebe-gar-senigwad niisgwamar-e-dummadbali bur bule na san-dummarbaa imaksabalid. We-bebe-gar-senigwad bane-bane ibmar-ogumakar-ukleged osulosad. Degi, Bab-Dummadse-goled-neg oichasbalid.

Daniel 8:13

”Geb degine, dule-islidikid-gwensak sunmake an itosad. Dule-islidikid-baid, dule-islidikid-sunmaknaidse egisded: ‘Bane-bane-ibmar-ogumakar-ukleged-ailagi, anmar-ibmar-daknaidi, ¿sanagwadse berguoe? Isgued-dummad-gunaidi, ¿sanagwadse berguoe? Bab-Dummadse-goled-neggi isgued-imaklenaidi, ¿sanagwadse berguoe? Bab-Dummad-e-sordagan sabsur-imaklenaid, ¿sanagwadse berguoe?’

Levítico 3:5

Geb degine, Aarón-masmala bela we-ibmarmala ibmar-ogumakar-ukleged-ailagi ogumakoed. We-ibmarmar, soo-gasiid-birgi ibmar-ogumakar-ukleged-bukwadmala ogumaklegoed. We, Bab-Jehováʼga soogi-ibmar-ukleged, Bab-Jehová yeer-yapanne itogedid.

Levítico 6:9

“Aarónʼga, degi, e-masmalaga be soge: ‘Ibmar-ogumakar-uklealir, weyob be imakmaloye: ” ’Ibdurgan-ogumakar-ukleged bela gummakegala, ibmar-ogumakar-ukleged-aila-birgi mutiki gamai oibodagoed. Ibmar-ogumakar-ukleged-aila-birgi soo-gasiid ginnosulid.

Amós 4:4

“Betel-neggweburse be namar, ase be isgunamar. Gilgal-neggweburse be namar, bur bule ase isgudii be sanamar. Bane-bane wakudaryalaba ibmar-ukleged be uknamar. Ibapaagi ibmar-ambegi-gwensak-ukleged (10%) be uknamar.

Números 28:10

We-ibmar-ogumakar-uklegedi, obunnoged-ibagi uklegedid. Ukinbali, bane-bane ibmar-ogumakar-ukleged be ukbaloed, degine, vino egi-eolegega-ebuleged be ukmarbaloed.’ ”

Números 28:15

” ’Nii-iliba-ibmar-ukleged-ukinbali, bane-bane-ibmar-ogumakar-ukleged be ukbaloed, degi, e-nis-egi-eoleged be ukbaloed. A-ukinbali, be-Bab-Dummad, bemarga isgued-osulogega sibad-wargwen Bab-Jehováʼga ogumakar be ukbaloed.’ ”

Números 28:23

We-ibmarmala, bela be anga, wakdar-ibmar-ogumakar-ukleged-ukine ukoed.

Números 28:24

” ’A-ukine, bane-bane ibagugle (7) weyobi masi, degi, ibmar soogi-ogumakar be anga ukoed. Wede, anga ibmar-yeer-yapannedga guedid. Gusgu ibmar-bane-bane-anga-uklegedi, degi, egi-eoleged-uklegedi uklebaloed.

Números 28:31

” ’Bane-bane weyob be anga ukoed, vino-egi-eolemaloedse-bakar, be anga ukoed. Gusgu ibmar-bane-bane-anga-uklegedi, degi, egi-eoleged-uklegedi uklebaloed. Ibdurgan-be-anga-ukoedi, bonisulid be anga ukoed.’ ”

Números 28:4

Wakdar, we-sibad-wawaad-wargwen be oburgoed. Sedodi, baid be oburgwebaloed.

Números 29:11

Deginbali, gusgu ibmar-ogumakar-ukleged-ukine, gusgu ibmar-gwag-ukleged-ukine, gusgu vino-egi-eoleged-ukleged-ukine, isgued-nabogegala, sibad-machered-wargwen ogumakar be ukbaloed.’ ”

Números 29:16

Deginbali, gusgu ibmar-ogumakar-ukleged-ukine, gusgu ibmar-gwag-ukleged-ukine, gusgu vino-egi-eoleged-ukleged-ukine, isgued-nabogegala, sibad-machered-wargwen ogumakar be ukbaloed.

Números 29:6

Nii-irba gusgu ibmar-ogumakar-ukleged-ukine, eba-ibmar-gwag-gusgu-ukleged-ukine, degi, vino-egi-eolegega-ukleged-ukine, wemar Bab-Jehováʼga be ukoed. Gusgu-igar-uklesadba be imakoed. Bela we-ibmar-uklemalad soogi-ogumakar Bab-Jehováʼga be ukoed. Wede Bab-Jehová yeer-yapanne itodaed.’ ”

Juan 1:29

A-banedgine, Juan, Jesús-ese-dani-dakargua, sogded: “Be dakmalana, we-dule, Bab-Dummad-Sibad-Wawaad-E-Mimmid, bela dulemarga we-napneggi isgued-osulogedid.

Hebreos 9:6

Bab-Dummadse-goled-neg-sunna-selegedgi deyob ibmarmar bukwa gusad. Geb, dule-irwa-Babse-gormalad bane-bane Bab-Dummadga-ibmar-imakega Neg-Islidikidgi dogbukwadamalad.

Apocalipsis 13:8

Dule-bela-we-napneggi-bukwamalad, ibdula-unid-e-nug odummodmalad. We-dulemar-nug, Sibad-Wawaad-Mimmi-e-gardagi, naisulid. We-garda, dulemar-dula-gudiguoed-gardad. We-garda, sibad-wawaad-mimmi napneg-nasiklesad-akale-oburgwilesad-e-gardad.