Números 24:9 - Kuna San Blas

⁹ Israel-dulemar, achumigur-macheredyobi obunnomeged. Achumigur-omeyobi megisdaed. ¿Wede doa ese achaoe? Gege dule ese achae. ¡Dulemar-begi-ise-nued-sunmakmaladi egi nued sunmaklemogoed. Dulemar-be-ukabsamaladdi, ukabsalemogoed!”

Números 24:9 Iomraidhean Croise

Génesis 12:3

Dulemar-ise-nued-begi-binsamaladgi, an ise-nued egi binsamogoed. Dulemar-be-ukabsamaladgi, an ukabsaar sunmakmogoed. Be-nuggi, bela dula-we-napneggi-bukwamaladgi ise-nued an binsaoed.”

Génesis 27:29

Dulemar-yar-baid-baidgi-bukmaladi bukidar bega arbamalaga gumaloed, dulemar-akar-akar-soga-iliba be-asabin yokorgi-sindigar sigmaloed. Be-gwenadgan-e-iduedga be guoed. Be-nan-e-masmala be-asabin bela sindigar sigmaloed. Dulemar-be-ukabsamalale, amar ukabsalemogoed. Dulemar-ise-nued-begi-binsamalale, amargi ise-nued binsalemogoed.”

Génesis 49:9

Judá, be achumigur-sapingwagwadyob gued, Masgasa-gunnaid bergusale, obunnomegisdaed. ¿Doa ese achaoe? Dule geg ese achaed.

1 Reyes 10:20

Aginbali, arsan-welle-wellegedgi, achumigur-nono-wawaad war-wargwen osisad. Walanergwa (6) arsan-argan-nuedsik oambikusad, degi, walanergwa (6) arsan-argan-sapiledsik oambikusbalid. Deyob arsan-welle-wellegwad-nergwamaid-birgi (6) achumigur-nono-wawaad warambe-gakabo (12) bukusad. Weyobi, reymar-baigan-e-ganmar gwen sobledisulid.

2 Crónicas 9:18

Rey-gan-e-nag-onakwed or-sunnabi sobaled. We-rey-gan e-arsan-welle-wellegwad nergwa (6) nika imaksad. Degine, e-argan-mesed abinbela imaksabalid. A-rey-gan-e-argan-gwensak-dikarba achumigur-nono-wawaad-sobale osisad. Walanergwa (6) arsan-argan-nuedsik ambikusad, degi, walanergwa (6) arsan-argan-sapiledsik ambikusbalid.

Ester 6:13

Geb Amán e-ome-Zeresʼga, degi, e-aimarga bela we-ibmar-gusadi sogsa gusad. Geb Amánʼga dulemar-ega-binsaed-daked, degi, e-ome-Zeres sogdemalad: “Ar Mardoqueo-abin be-nug-bipi-gudedi, we-dule, Judío-dule-guele, mer egi be nakodeeye binsao. Aka bur bule ese be galakuoed.”

Job 41:10

We-ibdula-Leviatánʼse dule gege achaed. Degite, ¿doa an-abindi nabir gwisguosunna?

Salmo 122:6

Jerusalén-neggweburga anmar neg-bogidikid ega egise. Be-sabgudimaladga ibmar nasgumaigusun.

Salmo 2:12

Bab-Jehová-mer-urwega, E-Machi-urbalikwaa be nanamarsun. Ar Bab-Jehová bemarse-uludele, bemar sunna ese oburgwilemalad. ¡Bab-Jehová dule-egi-bensuli-nanamaladgi, nued binsadaed!

Éxodo 23:22

Ar nue a-sogedba be nanadimalale, an-bemarga-bela-ibmar-sogsadba be damalale, dule-be-isdardakmalad-e-isdaradga an gumogoed, degine, dule-begi-gwisgumaladgi an gwisgumogoed.

Isaías 31:4

Bab-Jehová weyob anga sogsad: “Igi achumigur-nono-wawaad sibad-wawaad-gasa-uurmaknaile, dule-sibad-edarbemalad ese urwed itodasuli, degi, igi-achumigur-nono-wawaad-senigwad mas-gasa-uurmaknaile, dulemar ogwayenaile, gwen dobdasuli, deyobi, ani an-Bela-Gangued-Nikadi, Sión-yalabina-urwega, e-yar-mulluganbina-urwega, an aidenonikoed.

Miqueas 5:8

Igi achumigur-nono-wawaad, ibdurgan-sapurbarmalad-imbagi gudidae, debayobi, Jacob-wagan-napi-besmaladi gumaloed. Igi achumigur-senigwad sibad-wawaad-bukwadgi-gudiidgi, sibad-wawaad-gasadae, gwen-odulodasuli, debayobi, Jacob-wagan neggwebur-bamalad-imbagine gudigumaloed.

Números 22:12

Degi, Bab-Dummad Balaamʼga sogded: —Melle we-dulemarba be nao. Melle Israel-dulemar-ukabsanao. Ar ani an Israel-dulemargi ise-nued binsamaid.

Números 22:6

Degisoggu, Balaam, anse be dage, we-dulemar be anga ukabsadage. Ar ade, we-dulemar bur anmarba dutusulid. Abakalegi be anmarga-ukabsaoedba anmar we-dulemargi obinnalile. Degiir, geb anmar we-dulemar-anmar-yargi-bukwad onioed. Ar an wisid, ar doagi nued be sunmaksale, we-dulega ibmar nuedbi naddaed. Ar doa-dule be ukabsasale, a-dule iwigusdaed.”

Números 23:24

Israel-dulemar, achumiguryob gwichiguardaed, achumiguryob yargan-baasmakardaed. We-achumigurde e-ibmar-oburgwisad-e-san-obelogedse, geb megdaed. E-ibmar-oburgwisad-e-abe gobedse, geb obunnomegdaed.”

Números 24:10

Geb degidgine, Balac, Balaamʼse uluded. Sae-itogedba e-argan-sarsodgu, Balaamʼga sogded: —An-isdarmalad-ukabsaega an bese gochad. Emide, wese ilapaagus egi be ise-nued sunmakdanikid.

Mateo 25:40

”Ani Rey, an abin-imakdoed: ‘Napira an bemarga soged, ar an-gwenadgan-binsarmaladse-bakar, deyob bemar bendaksasoggu, be deyob an-bendaksamalad.’

Mateo 25:45

”Geb degi, an wemar-abin-sogoed: ‘Napira an bemarga soged, ar an-gwenadgan-binsarmaladga deyob bemar imaksasursoggu, anga bemar imaksasulid.’

Gusmalad 9:5

Saulo abin-sogded: —Dummad, ¿be doasunna? Dule, abin-imakded: —Ani an Jesús, ar ani be an-balegindiid, ani an a-duled. [Ikogi be didii annaye sogele, na be dukin nunmaked amioed.]

Deuteronomio 30:7

”Deginbali, be-Bab-Dummad-Jehová, be-isdarmaladgi we-ibmar-sabsur-odurdaklemalad-yolegega imakoed, ar wemar nue-sae-itogedgi be-baregindii gusmalad.