Números 24:10 - Kuna San Blas

¹⁰ Geb degidgine, Balac, Balaamʼse uluded. Sae-itogedba e-argan-sarsodgu, Balaamʼga sogded: —An-isdarmalad-ukabsaega an bese gochad. Emide, wese ilapaagus egi be ise-nued sunmakdanikid.

Números 24:10 Iomraidhean Croise

Nehemías 13:2

Ar ade, we-dulemar Israel-dulemar-Egipto-yar-akar-danimargua, gwen dii ega uksasurmalad, degi, mas ega uksasurmarbalid. Aka bur Balaam-bennuksamalad, adi, Balaam Israel-dulemar-ukabsaega. Ar anmar-Bab-Dummaddi we-ukabsalegedi, ibmar-nued-guega imaksad.”

Job 27:23

Weyobi, dulemar, dule-isgana-ibitonai-dakarmalale, yeer dakdamalad, ega argan ogotedamalad, ega sabsur-wigoddamalad.”

Ezequiel 21:14

”Dule-machi, ibmar-guoed iduakwaa be soge, argan be god-god sae, es-suidga be soge: ‘¡Dulemar-naibi-saye, be gannar naibisabarye!’ We-es-suid dule-oburgwedid, bela dulemar bela ese earwilegoed.

Ezequiel 21:17

”Argan an god-god imakmogoed, an-urwemaid bogilegoed. Ani an Bab-Jehová-guedi, soged.”

Ezequiel 22:13

” ’Be ibmar-isganagi mani-onosad-ular, degi, be-igarmarba ablis-aryosad-ular, an argan ogoloed.

Números 22:11

‘Dulemar-Egipto-yalagi-noalidi, yeer merguye. Anse be dagye, we-dulemar be anga ukabsadaye. Abakalegi be anmarga-ukabsaoedba anmar we-dulemargi obinnalirye. Degiir, geb anmar we-dulemar-anmar-yargi-bukwad onioye.’

Números 22:17

An bega ibmar-buged ukoed, degine, ibi be anse egisoe, be-sogedba an bega imakoed. Degisoggu, be anse dage, anga we-dulemar be ukabsadage.’

Números 22:6

Degisoggu, Balaam, anse be dage, we-dulemar be anga ukabsadage. Ar ade, we-dulemar bur anmarba dutusulid. Abakalegi be anmarga-ukabsaoedba anmar we-dulemargi obinnalile. Degiir, geb anmar we-dulemar-anmar-yargi-bukwad onioed. Ar an wisid, ar doagi nued be sunmaksale, we-dulega ibmar nuedbi naddaed. Ar doa-dule be ukabsasale, a-dule iwigusdaed.”

Números 23:11

Balac, deyob-soge Balaam-itosgu, ega sogded: —¿Ibiga weyob be sunmaknai? ¿An-isdarmalad-ukabsaega an be-searsursi? Emide, we-dulemargi ise-nued be sunmaknaid. ¿Ar wede be igidi?

Números 24:11

Emis-emis be-negse gannar be nae. An bega ibmar-nuegan ukoye sogsanad, ar Bab-Jehová ibmar-nikubisuli be-abesad.

Números 24:9

Israel-dulemar, achumigur-macheredyobi obunnomeged. Achumigur-omeyobi megisdaed. ¿Wede doa ese achaoe? Gege dule ese achae. ¡Dulemar-begi-ise-nued-sunmakmaladi egi nued sunmaklemogoed. Dulemar-be-ukabsamaladdi, ukabsalemogoed!”

Gusmalad 11:10

Weyob-gusadi, ilapaa gannar-gannar anga soglesad. A-sorbali, gannar bela we-ibmar niba seledgusad.

Deuteronomio 23:6

Degisoggu, degisadegu, Amón-dulemarbo, Moab-dulemarbo, bipisaale melle igar-nabomalo, degine, melle egi be nued binsamarbalo.