Números 23:9 - Kuna San Blas

⁹ Ar ade, akwasailagan-birgi-gwichid-akar an we-dulemar-dakgwichid, yar-mullugan-birgi-gwichid-akar an we-dulemar-argagwichid. We-dulemarde, bachiki bukwamalad, we-dulemarde, baigan-dulemarba akarsailad.

Números 23:9 Iomraidhean Croise

Esdras 9:2

”Ar Israel-dulemar, we-dulemar-baigan-omegan-nikudmalad. Deginbali, Israel-dulemar, e-masmalaga, dule-baigan-e-sisgan-ukdemalad. Bab-Dummad-na-e-dulemar-susadi, emide, dulemar-baiganbo ablis-apurudmalad. Dule-dummagan, dule-negsemamaid, a-inseba na we-isguedgi isgudmalad.”

Ester 3:8

Geb degine, Amán Rey-Asueroʼga sogded: —Bela be-yarmar-dakmaid-abargine, dulemar-soggwen mimiles-bukwad. Amardi, dulemar-bamaladba na igar akar nikamalad, deginbali, rey-igar-maidba ibsasurmarbalid. Degisoggu, dummad, ar be we-dulemar dula-gudii imakele, ibu-ibmar-nued egi be nikuosunna. Sate.

Éxodo 33:16

Ar be anmarba dagsulile, ¿ar igi-degite anmar wisguosunna, be anga ibmar-sogsadi nue-napiraye? ”Ar be anmarba gudiirdi, adi, anmar magar daklemaloed, anmardi emaryobsurye, dulemar-bamaladbo akarsailaye.”

Jeremías 46:28

Bab-Jehová soged: “Be an-dula-Jacob-wagan-gumaladi, melle be gwayemar. Be-bendakega an be-yalaba gudiid. Bia an be-oaisakismala, a-yalamar an bela-naitinagase obelogele, bemardi an be-obelogosulid. Unnila igar-innikigwadba an sabsur-bemar-odurdakoed, an bemar-odurdaksuli an guosulid, an bemar-odurdakedsegad.”

Jeremías 49:31

Bab-Jehová soged: “Dakebinne, we-neggwebur-san-dummarba-itogedgi be gwichigunamar, amar na dukin bensuli gudidimalad. We-dulemar dobe itosulid, baisur itomalad, bannabaa bachikii mamaimalad, amargi be gwichigunamar.”

Amós 9:9

“Igi ukub bugbugi egwalealile, napagi akwa-gwagwensaar argwansuli, deyobi, Israel-dulemar neggwebur-baigan-abargi, an egwaoed.”

Miqueas 7:14

Bab-Jehová, be-dulamar be nue ako, be-mimmigan walagwengi sapur-nuedgi-bukmalad be nue akwedii be guo. Epennegwadyobi be Basán-yalase, degi, Galaad-yalase be sede.

2 Corintios 6:17

A-ulale, Bab-Dummad-Bela-Gangued-Nikad weyob sogbalid: “Dulemar-an-wissurmalad-abargi-bemar-gudiid ainimar, egi bemar bangumarsun. Ibmar-isgana mer ebumalo, geb degiir, an be-abingamaloed.” Isaías 52:11

Deuteronomio 32:8

Bab-Dummad-Bur-Birigined, yar-baid-baidgi, degi, neggwebur-baid-baidgi, dulemar-urbenaigua, amarga sogedba e-yar-abingumalad nasiksad. Israel-dulemargindina, nued binsanai gusad.

Deuteronomio 33:28

Israel-dulemar dobsuli bukwagumaloed. Israel-dulemar bogidikidgi ambikumaloed. Ibmar-gwag-gulleged, degine, uvaʼmar, yaisuli be-nainumargi sanmakoed. Nibnega, yaisuli bega dii-bomimai saoed.

Tito 2:14

We-Jesucristoʼde isguedgi anmar-onogegala, anmar-anar na san-burba uksagusad, anmar-anar burgwisad. Adi, bela anmar-isgudiid eliega, egadga anmar-imakega swilidik anmar-imaksad. Adi, anmar ibmar-nueganbi imakdii guegar.

1 Pedro 2:9

Ar bemardi, dula-sulegaled gumalad. Bemar Bab-Dummad-e-negdakmaidgi, dule-irwa-Bab-Dummadse-gormaladga gumalad. Bemar dulamar-swilidikid gumalad. Degine, bemar Bab-Dummad-e-dulamar gumalad. Bab-Dummad deyob be-susmalad, adi, Bab-Dummad-ibmar-nued-imakedgi be dulemar-baiganga sunmakmalagar, sogmalagar, igi bemar negsichidgi-gudigu, Bab-Dummad be-onosmala, e-neg-meegwad-nuedse be-searmala.