Números 23:8 - Kuna San Blas

⁸ ¿Ande ibiga, dulemar Bab-Dummadse-ukabsalessulid, ukabsadagoe? ¿Ande ibiga, dulemar Bab-Jehová-egi-ichakwa-binsassulidgi ichakwa-binsadagoe?

Números 23:8 Iomraidhean Croise

Proverbios 26:2

Igi-sikwigolo igarsuli gukudidae, igi-wirsob uu-suli gudidae, debayobi, yogasaar-ukabsalegedi, gwen igarga guosulid.

Isaías 44:25

”Ani an Bab-Dummad-gayaburba-barsogedyob-san-imakdamalad-e-ibmar-sogedi, ega guega an imakdasulid. Nergan an obingesadaed. Dule-binsaed-ibegana sikirmakega an imakdaed. E-binsaed-nikaa-daedi, gannar-gannar-ibmar-obaredga an imakdaed.

Números 22:12

Degi, Bab-Dummad Balaamʼga sogded: —Melle we-dulemarba be nao. Melle Israel-dulemar-ukabsanao. Ar ani an Israel-dulemargi ise-nued binsamaid.

Números 22:6

Degisoggu, Balaam, anse be dage, we-dulemar be anga ukabsadage. Ar ade, we-dulemar bur anmarba dutusulid. Abakalegi be anmarga-ukabsaoedba anmar we-dulemargi obinnalile. Degiir, geb anmar we-dulemar-anmar-yargi-bukwad onioed. Ar an wisid, ar doagi nued be sunmaksale, we-dulega ibmar nuedbi naddaed. Ar doa-dule be ukabsasale, a-dule iwigusdaed.”

Números 23:20

Bab-Jehová anga soged: ‘Israel-dulemargi ise-nued be sunmakoye.’ Degisoggu, ise-nued an egi sunmakergebed, geg an sogsuli gued, sogergebed.

Números 23:23

Ar ade, Jacob-wagan-ukabsaye be sogele, geg be bayoged, Israel-dulemargi sunnasuli-sunmakye be sogele, geg be oakaloged. Ar Jacobʼgi, Israelʼgi soglegoed: ‘¡Bab-Dummad-ega-ibmar-imaksad be dake!’

Números 23:7

Geb Balaam, Bab-Jehová-ega-ibmar-sogsadba sunmakded: “Dad-Ibeler-nakwiardaed-yalagansiki, Aram-yar-akar, Moab-dulemar-e-rey-Balac an-sealid. Ese dagye anga sogsad. Ega Jacob-wagan ukabsadaye, degi, Israel-dulemar ega iwisadaye, anga sogsad.