Números 23:13 - Kuna San Blas

¹³ Geb degine, Balac, Balaamʼga sogded: —An bese wilesakwaa egis, baidsik be anba dage, adi, agi Israel-dulemar-bukwad be dakbaloed. Ar amar bela be dakosulid. Unnila abala be dakoed. Agi-gwichi be anga a-dulemar ukabsaoed.

Números 23:13 Iomraidhean Croise

1 Reyes 20:23

Degine, Siria-sorda-idudimalad e-reyga sogdemalad: “Ar Israel-sordamar-e-bab-dummagan yalagan-e-bab-dummadid. Agala, Israel-sordamar anmarba dutusurmalad. Anmar, amarbogwa nebagi bila-onodibe, inniki an bega soged, anmar egi nakwisaled.

1 Reyes 20:28

Degidgine, Bab-Dummad-e-dule, Israel-rey-asabin gwisgunonikid, ega sogded: “Weyob Bab-Jehová soged: ‘Siria-sordamar an-annik soged, ande, Bab-Jehová-guedi, unnila yalagan-e-bab-dummadye, nebagan-e-Bab-Dummadsurye. Degisoggu, an bega we-dulemar urmakoed, adi, be wisgumalaga, anbi unnila Bab-Jehová gue.’ ”

Salmo 109:17

Ar aimar-ukabsaed yeer itodasoggu, dulemar-baigan e-ukabsamosun. Ar egi nued-binsaed abessursoggu, melle egi nued binsamarsun.

Miqueas 6:5

An-dulamar, be-ebinsamala, Moab-dulemar-e-rey-Balac bemar-wiogega bemar-idu igar amisgusanad. Beor-machi-Balaam, igi Balac-abin sogsagusa, a be nue-ebinsamala. Deginbali, Sitimʼye-neg-nugad-akale, Gilgal-neg-nugadse-be-nonigusmaladi, be ebinsabali. Magar be an-dakmala, ani an, Bab-Jehová bemar-onosadid.”

Números 22:41

A-bangine, Balac, Bamot-Baal-yarse Balaam-sesad. A-yargi-gwichi, Balaam Israel-dulemar-danar-danar-bukwad abar-daksad.

Números 22:6

Degisoggu, Balaam, anse be dage, we-dulemar be anga ukabsadage. Ar ade, we-dulemar bur anmarba dutusulid. Abakalegi be anmarga-ukabsaoedba anmar we-dulemargi obinnalile. Degiir, geb anmar we-dulemar-anmar-yargi-bukwad onioed. Ar an wisid, ar doagi nued be sunmaksale, we-dulega ibmar nuedbi naddaed. Ar doa-dule be ukabsasale, a-dule iwigusdaed.”

Números 23:12

Balaam, Balac-abin sogded: —Unnila Bab-Jehová-anga-ibmar-sogedbarbi an sunmakergebed.

Números 23:14

Balac, Pisga-yala-dukuse, Zofim-nainuse Balaam-sesad. Agine, ibmar-ogumakar-ukleged-aila gwagugle (7) sobsad. Geb ibmar-ogumakar-ukleged-aila-irba moli-bebe-nikad-wargwen, degine, sibad-wawaad-machered-wargwen ogumakar uksad.

Josué 24:9

Moab-e-rey-Zipor-machi-Balac, bemargi bila-onodasokargua, bemar-ukabsaega an-gayaburba-barsoged-Beor-machi-Balaamʼse gocha gusad.