Números 22:5 - Kuna San Blas

⁵ Geb Balac, Balaamʼbina gochad, ese dagoye. Balaamʼde Beor-e-machid, Petorʼye-neggwebur-nugadgi maid. We-neggweburde Petor-yalagi, Éufrates-diwar-gakaba siid. Rey-Balac weyob Balaamʼga gayaburba barmisad: “Dulemar-Egipto-yalagi-noalidi, yeer mergued. Emide, we-dulemar anmar-yargi ambikunonimalad.

Números 22:5 Iomraidhean Croise

Génesis 13:16

Ukubyob be-wagan yaisur-mergu, an imakoed. Ar igi ukub geg ebislege, deyobi, be-wagan geg ebisle gumogoed.

Salmo 105:24

Agine, Bab-Jehová, e-dulamar-bukidar-merguega imaksad, e-isdarmaladba bur-dutusuli imaksabalid.

Éxodo 10:15

Ar ade, sesmarde bela-bela mergusoggu, napa gwen magar daklessulid. Degine, dii-akwaga-binyaled gagan-obesad, degi, sapi-durbamar-sapigi-obesad, sesmar amar bela guchamalad. Egipto-yargi bipisaale nainu-e-gaganmar, sapi-e-gaganmar, gwen bessulid.

Miqueas 6:5

An-dulamar, be-ebinsamala, Moab-dulemar-e-rey-Balac bemar-wiogega bemar-idu igar amisgusanad. Beor-machi-Balaam, igi Balac-abin sogsagusa, a be nue-ebinsamala. Deginbali, Sitimʼye-neg-nugad-akale, Gilgal-neg-nugadse-be-nonigusmaladi, be ebinsabali. Magar be an-dakmala, ani an, Bab-Jehová bemar-onosadid.”

Números 23:7

Geb Balaam, Bab-Jehová-ega-ibmar-sogsadba sunmakded: “Dad-Ibeler-nakwiardaed-yalagansiki, Aram-yar-akar, Moab-dulemar-e-rey-Balac an-sealid. Ese dagye anga sogsad. Ega Jacob-wagan ukabsadaye, degi, Israel-dulemar ega iwisadaye, anga sogsad.

Números 31:8

Israel-sordamar wemar-ogilosad-ukine, es-suidgi Madián-e-reymar-walataled oburgwismarbalid. A-reymarde, wemalad: Evi, Requem, Zur, Hur, degi, Reba. Deginbali, es-suidgi Beor-machi-Balaam oburgwismarbalid.

Deuteronomio 23:4

Ar ade, Israel-dulemar, deunni, Egipto-yargi-noarmargu, Amón-dulemar, degi, Moab-dulemar Israel-dulemar-abindaksasurmalad, gwen ega dii uksasurmalad, gwen ega mas uksasurmarbalid. Deginbali, aka bur Israel-dulemar-ukabsaega Beor-machi-Balaamʼga mani-uksamalad. Balaamʼde Petor-neggweburginedid, Petorʼde Mesopotamia-yalagi siid.

Deuteronomio 23:5

Ar be-Bab-Dummad-Jehová nue be-sabmarsoggua, Balaam-bemar-ukabsanaid itossulid. Be-Bab-Dummad-Jehová, Balaam-bemar-ukabsanaid bemarga bemargi-nued-binsalegega obinnisad.

Josué 13:22

Israel-dulemar bila-onolesadgi dulemar-bukidar es-suidgi oburgwismalad. Beor-machi-ner-Balaamʼye-nugadse-bakale oburgwismalad.

Josué 24:9

Moab-e-rey-Zipor-machi-Balac, bemargi bila-onodasokargua, bemar-ukabsaega an-gayaburba-barsoged-Beor-machi-Balaamʼse gocha gusad.

Judas 1:11

¡We-dulemar, duledar-wilesmar! Ar Caín-igar-nanasadba nadmarmogad. Igi Balaam manibina yaisur-itosa, deyob we-dulemar gudmarmogad, degine, igi Coré Bab-Dummad-sogedba-ibmar-imaksasulidba na san bergusa, deyob wemar gudmarmogoed.

Apocalipsis 2:14

” ’Degi-inigwele, ibmar sog-soggwengi an bemargi gwisgued. Bemar-abargi gwenna-gwenna Balaam-igar-odurdaksadgi dule-odurdakdimalad gudidimalad. Bemar a-dulemar onobisurmalad. Ar Balaam, Israel-dulemar-gwage-ichogega Rey-Balac-odurdaksa gusad. Balaam bab-dummagan-imaklegedga san-ogumakar-ukleged-gunned-igargi, degi, abirgunagwarsuli-negsichigi-yoleged-igargi Israel-dulemar-gwage-ichogega Rey-Balac-odurdaksad.