Números 22:12 - Kuna San Blas

¹² Degi, Bab-Dummad Balaamʼga sogded: —Melle we-dulemarba be nao. Melle Israel-dulemar-ukabsanao. Ar ani an Israel-dulemargi ise-nued binsamaid.

Números 22:12 Iomraidhean Croise

Génesis 12:2

Begine, dulamar bukidar-mergue an imakoed. An begi ise-nued-binsaedgi, an bega ibmar imakoed. Dule-nue-nug-nikadga an be-imakoed. Degine, be-nuggi dulemargi ise-nued binsalemarmogoed.

2 Crónicas 31:10

Degi, Sadoc-e-wagwa, dule-irwa-Bab-Dummadse-goled-bur-dummad-Azarías, Ezequías-abin-sogded: “Dulemar Bab-Dummadse-goled-negse Bab-Jehováʼga ibmar-ukleged berbelealid-akar, anmar nue mas-gundimalad, anmar nue immeledimalad, degine, anmargi mas bukidar gwabgusbalid. Ar ade, Bab-Jehová e-dulemar nue-bendaksad. Degisoggu, we-ibmar ichesur gwabgusad.”

Salmo 144:15

Neggwebur we-ibmarmar bela nikale, egi-nued-binsalesdo. Neggwebur, Bab-Jehová e-Bab-Dummadga-imakdiile, egi-nued-binsalesdo.

Salmo 146:5

Dule Jacob-e-Bab-Dummadgi bendaklediile, we-dulegi nued-binsalesad. E-Bab-Dummad-Jehováʼginbi bensuli gudiid.

Isaías 61:9

Be-wagana, dulemar-yar-baid-baidgi-bukmalad-imbagi, nug-nika gumaloed. Be-mimmigan neggweburmar-imbagi nug-nika gumaloed. Dulemar dakarmalale, magar dakmaloed, sogmaloed: ‘We-dulemar, Bab-Jehová dulemargi-nued-binsasmalad e-waganad.’ ”

Miqueas 6:5

An-dulamar, be-ebinsamala, Moab-dulemar-e-rey-Balac bemar-wiogega bemar-idu igar amisgusanad. Beor-machi-Balaam, igi Balac-abin sogsagusa, a be nue-ebinsamala. Deginbali, Sitimʼye-neg-nugad-akale, Gilgal-neg-nugadse-be-nonigusmaladi, be ebinsabali. Magar be an-dakmala, ani an, Bab-Jehová bemar-onosadid.”

Números 22:11

‘Dulemar-Egipto-yalagi-noalidi, yeer merguye. Anse be dagye, we-dulemar be anga ukabsadaye. Abakalegi be anmarga-ukabsaoedba anmar we-dulemargi obinnalirye. Degiir, geb anmar we-dulemar-anmar-yargi-bukwad onioye.’

Números 22:13

Balaam oibosgu, wakudaryala gwisgusad. Geb Balacʼga-gayaburba-berbemaladga sogded: —Be-yarse be namar, Bab-Jehová bemarba nabisur an-abeged.

Números 22:6

Degisoggu, Balaam, anse be dage, we-dulemar be anga ukabsadage. Ar ade, we-dulemar bur anmarba dutusulid. Abakalegi be anmarga-ukabsaoedba anmar we-dulemargi obinnalile. Degiir, geb anmar we-dulemar-anmar-yargi-bukwad onioed. Ar an wisid, ar doagi nued be sunmaksale, we-dulega ibmar nuedbi naddaed. Ar doa-dule be ukabsasale, a-dule iwigusdaed.”

Números 23:23

Ar ade, Jacob-wagan-ukabsaye be sogele, geg be bayoged, Israel-dulemargi sunnasuli-sunmakye be sogele, geg be oakaloged. Ar Jacobʼgi, Israelʼgi soglegoed: ‘¡Bab-Dummad-ega-ibmar-imaksad be dake!’

Números 23:3

Degi, Balaam, Balacʼga sogded: “Na be-ibmar-ogumakar-uknaid-nagaba be gwisguo, andi nagwelo, abakalegi an Bab-Jehová abingualile. Anga-ibmar-sogoedi geb an bega sogmogoed.” Geb Balaam dulemarsulidse yar-mullu-siidse nadsunnad.

Números 23:8

¿Ande ibiga, dulemar Bab-Dummadse-ukabsalessulid, ukabsadagoe? ¿Ande ibiga, dulemar Bab-Jehová-egi-ichakwa-binsassulidgi ichakwa-binsadagoe?

Números 24:9

Israel-dulemar, achumigur-macheredyobi obunnomeged. Achumigur-omeyobi megisdaed. ¿Wede doa ese achaoe? Gege dule ese achae. ¡Dulemar-begi-ise-nued-sunmakmaladi egi nued sunmaklemogoed. Dulemar-be-ukabsamaladdi, ukabsalemogoed!”

Mateo 27:19

Pilato igar-naboged-gangi-sigu, e-ome ese gaya barmialid: “We-dule, dule-nuedid, dule-isgudisulidid. Mer egi be yolemogo. Emi an ichakwa-gabdakmai oibosad, an egi gabdaksadgi nue-nunmak an itodiid.”

Romanos 11:29

Ar Bab-Dummad-ibmar-ukedi dulemar-annik gannar bar susulid, degine, dulemar-susale, geg gannar bar meted.

Efesios 1:3

Bab-Dummad, anmar-Dummad-Jesucristo-e-Bab, a-e-nug anmar odummomarsun. Ar anmargi nued binsasad, bela ibmar-nuegan nibneggi-ibmar-burbarmalad-bukmalad Cristoʼgi anmarga uksad.

Deuteronomio 2:7

”Ar bemar-Bab-Dummad-Jehová bela bemar-ibmar-imakedgi ise-nued bemargi binsasad. Degine, we-neg-dulesulidgan-dummadba nued bemar-akwedii gusbalid. We-birga-dulabogwadgi (40), bemar-Bab-Dummad-Jehová, bemarba gudii gusad, degine, gwen ibmar-galakudii bemar-imaksasulid.

Deuteronomio 23:5

Ar be-Bab-Dummad-Jehová nue be-sabmarsoggua, Balaam-bemar-ukabsanaid itossulid. Be-Bab-Dummad-Jehová, Balaam-bemar-ukabsanaid bemarga bemargi-nued-binsalegega obinnisad.

Deuteronomio 28:6

Be-neguya nueganbi guoed. Degine, bia be nadesogele, be-negse be nueganbi dognonikoed.

Deuteronomio 33:29

¡Israel-dulemar, begi ise-nued binsalesad! ¿Ar doa bemaryobi gue? Bab-Jehová bemar-bendaksayobi dule-baid-bendaksasulid. Sigu-abgamaladyob, be-irwa gwisgudiid. Bab-Jehová be-es-suid-be-onakwedga gued. Degisoggu, be-isdarmalad bela bese galakumaloed, bese wilemaloed. Bela-bela bese bingegudii gumaloed.”

Deuteronomio 7:14

”Dulemar-baiganba bemargi bur bule ise-nued binsalegoed. Bemar-abargi-gudimalad, machereddibe, omedibe, anagan-nikusuli guosurmalad, bela anagan-nikadbi gumaloed, degine, amba be-ibdurganmoga, bela dula-nikuedbi gumarmogoed.