Números 20:3 - Kuna San Blas

³ Bela dulemar Moisésʼgi oimakdemalad, sogdemalad: “Anmar-gwenadgan Bab-Jehová-asabin-burgwismargu, anmar burgwismarmogana gadindo.

Números 20:3 Iomraidhean Croise

Salmo 106:33

Moisés-surbinsa-itogega imaksamalad, abali, Moisés bar-nue-binsassuli ibmar-soge-soge sunmaknai gusad.

Salmo 78:19

Bab-Dummadgi sunmaksa gusmalad, sogsagusmalad: “¿Bab-Dummad, sunna anmarga nega-dulesulidganba mas-ukoe? Suli. Anmarga geg uke.

Éxodo 17:2

Degisoggu, Moisésʼse sabsur egisdemarsunnad, ega sogdemalad: —¡Anmarga gobega be dii udage! Moisés dulemar-abin sogded: —¿Ibiga sabsur be anse dii egise? ¿Ibiga Bab-Jehová-wilubdakye be sogmala?

Lamentaciones 4:9

Dulemar-es-suidgi-burgwismalad bur nuedid, dulemar-ukudba-burgwismaladba. Ar wemala, napaneg ega ibmar-gwag-osanmaksasulid-ulale, binna-binna ukudba burgwemamai gusmalad.

Números 11:1

Ibagwengine, Israel-dulemar igar-bulegan-itonaidgi sae-itoarmalad. Bab-Jehová deyob daksagua, nue-uluded. Agine, Bab-Jehová e-soo barmialid, dulemar-bukwad-dikarba odesad.

Números 14:3

Egipto-yalagi anmar burgwismalana, bur gadinad. We-nega-dulesulidgangi anmar burgwebalina, bur gadindo. ¿Anmar gannar Egipto-yarse bur naer nuedirsursi? A bur nuediled.”

Números 16:49

We-boni-dummadgi dulemar miliambe-gakabake gaka dulataled-ilagugle-mergu (14,700) burgwismalad. Coré-e-sordamar Moisésʼgi-yolesmaladba-burgwismaladi, adi, obarlesulid.