Números 20:12 - Kuna San Blas

¹² Bab-Jehová, Moisésʼga, degi, Aarónʼga, sogded: “Ar ibmar-an-bega-sogsad be bengusmarsoggu, Israel-dulemar-asabin be an-nug-odummossurmarsoggu, we-dulemarga-yar-an-uknaidse we-dulemarba be dogosurmalad.”

Números 20:12 Iomraidhean Croise

2 Crónicas 20:20

A-banedgine, Judá-sordamar wakudaryala gwisgusmargua, Tecoa-nega-dulesulidganba nadmarsunnad. Degi, sordamar-irmakmaidgine, Josafat gwisgusad, sogded: “Judá-dulemar, Jerusalénʼginmalad, nue itomalo: Bonisuli be gudii gumalagala, mer be be-Bab-Dummad-Jehováʼgi bengumalo. Bab-Jehová-e-gayaburba-barsogmaladgi mer be bengumarbalo, adi, bega igar-nueganbi guegar.”

Salmo 106:32

Meriba-dii-naid-dikarba, Bab-Jehová-oulusmarbalid. We-dulemar-nukad Moisésʼga neg isgunonikid.

Salmo 99:8

Anmar-Bab-Dummad-Jehová, wemar-bese-gochagu, be abin-imaksagusad. Amba e-ibmar-isgana-imaksamalad-ular, be sabsur-odurdaksa-inigwele, bedi, wemargala, Bab-Dummad-dule-isgussuliyob-dakedga gusad.

Isaías 7:9

Samaria-neggweburbi Efraín-yala-e-nonoga wis-simogad, Remalías-machidi, Samaria-neggwebur-e-reyga wis-maimogad. Ar bemar angi benmalale, bemar wegi ambikuosurmalad.’ ”

Isaías 8:13

Unnila be ani Bab-Jehová-Bela-Gangued-Nikadbi dobguo, bur be anga islidik nanamalo. Unnila an-nugbi be odummomalo, unnila anbi be dobgumalo.

Ezequiel 20:41

Bemar yar-baid-baidgi-aisakis-bukwamaladgi, degi, neggweburmargi-aisakis-bukwamaladgi an be-onomaloed, geb an bela be-oatosmalale, we-dulemar-wagab an-isligwaled an bemarga oyogoed. Geb ina-wawad-yeer-yapannedyob an bemar-abingaoed.

Ezequiel 36:23

An-nug-islidikid-dummarba-gued an oyogoed, we-nug dulemar-yar-baid-baidgi-bukwamalad-abargi oicholesad. Bemar we-nug dule-bamalad-abargi oichosmalad. Bemar-abargi, an-isligwaled an oyosale, dulemar-yar-baid-baidgi-bukwamalad wisgumaloed, ani an Bab-Jehová gue. Ani an Bab-Jehová-Bela-Gangued-Nikadi weyob soged.

Ezequiel 38:10

”Bab-Jehová-Bela-Gangued-Nikadi weyob soged: ‘A-ibagine, ibmar-imaked be ilemakoed, geb igar-isgana be mesoed.

Levítico 10:3

Geb Moisés, Aarónʼga sogded: “Bab-Jehová we, sogsa gusad. Deun sogsagusgu: ‘Dule anse warmakmaladga, an-islidik-gued an ega oyogoed. Bela dulemarga an-gangued-yeerdakleged an oyogoed.’ ” Agine, Aarón bar sunmaksasulid.

Números 11:15

Ar weyob arbaed be anga ukele, bur be an-oburgwesunna. Be an-oburgwisar, bur nabirid, adi, nunmaked-dummad-itodii bar an guosulid.

Números 20:24

“Aarón burgwesokalid. Israel-dulemarga-yar-an-uksadse dogosulid, ar ade, Meriba-akwasaila-nugadgi diibina-oimakbukwagusmargu, an-ega-igar-uksadba ibmar-imaksasurgusad.

Números 27:14

Ar ade, bemar-bebogwadi Zin-nega-dulesulidganba an-igar-uksadba ibmar imaksasurmalad. Deunni, dulemar dii-abearmargu, binnasuli angi uurmakarmargu, bemar Israel-dulemar-asabin an-nug odummosurmalad.” We-dii-onolesadi, Zin-nega-dulesulidganba Cadesʼgi Meriba-akwasailagi-onolesadid.

Mateo 17:17

Jesús abin-sogded: —¡Be Babgi-bengumalad-dulemar! ¡Be Bab-igar-oakaloged-dulemar! ¿Ar bemarde an-suli geg be ibmar imakmarde? ¿Ar sana be ibmar durdakmaloe? Machigwa anga be sedamarsun.

Mateo 17:20

Jesús abin-sogded: —Ar bemar ulubgi amba angi benmarsoggu, a-ular, geg be niaburba ono gusmalad. Ar napira an bemarga soged, ar bemar mostaza-gwagyob, wis bipi be angi bensurmalale, sunna be we-yarga sogsamalaled: ‘Wegi-siid be weba ainir,’ ar yar ainirisaled. Ar ibmar bela be imakedbimardo.

Lucas 1:20

We-ibmar-an-bega-sogsad e-ibagan mosale, we deyob gunonikoed. Emide, be an-bengussoggu, geg bar sunmake be guoed. Be-mimmi-gwalulesad-sorba, geb be gannar sunna sunmake gunonibaloed.

Lucas 1:45

Be we-ibmar bengussulidba begi nued-binsalesad. Ar Bab-Dummad-bega-ibmar-sogsadba we-ibmar bela bega guoed.”

Juan 1:17

Ar Bab-Dummad Moisésʼba dulemarga igar mesisad, dulemar igi nanaergebe. Ar Bab-Dummad na e-nue-sabeddi, degi, e-igar-napiragwaddi, Jesucristoʼba anmarga uknonikid.

Romanos 4:20

Abraham ibmar-ega-uklegoye-soglesad, ega guosur-dakle-inigwele, degite, gwen bengussulid. Aka bur bule Bab-Dummad-bengusulidgi gannaledii gusad, Bab-Dummad-nug-ogannodii nanasad.

Deuteronomio 1:37

”Degine, ar bemar-ular, Bab-Jehová anse ulusgusmogad. Anga sogsagusad: ‘Bemoga, we-yarse be dogosurmogad.

Deuteronomio 34:4

Bab-Jehová, Moisésʼga sogded: “An Abrahamʼga, Isaacʼga, degi, Jacobʼga ise-sogar an sogsad: ‘We-yala an be-waganga ukedseye.’ Moisés, be-sunnad we-yar be-ibyagwar be daksad. Ar ese be dogoeddi be dogosulid.”

Deuteronomio 4:21

”Degi-inigwele, bemar-nukad Bab-Jehováʼdi anse ulusad, anga ise-sogar sogsad: ‘Jordán-diwar be obakosurye, be-Bab-Dummad-Jehová yar-nued bemargadga-guega-uksokalidse be dogosurye.’

Josué 1:2

“An-mai-Moisés burgwisad. Degisoggu, be, degi, bela wegi dulemar-bukwadi Jordán-diwar obakmalargebed, adi, an Israel-dulemarga-yar-uknaidse be namalagar.

1 Pedro 3:15

Bur be-gwagegi be sogmar, we-Cristoʼbi an-Dummadye. Ar dulemar bela bese egichialir, ibiga be Cristoʼgi-bensulidba degisadegu-dulagudigued be edarbedimarye. Amar-abinsaega be guagwar-gudii imakmar.