Números 20:11 - Kuna San Blas

¹¹ Moisés e-sakwa-onakwidgu, ilabo akwa-dummad e-gaapoledgi bibyosad. Agi, dii binnasuli aryoalid, dule-bukidar-bukmalad, degi, ibdurgan a-dii gobsamalad.

Números 20:11 Iomraidhean Croise

1 Crónicas 15:13

Gebe-iduale, ar bemar, we-Ulu searsur gusad. Ar ade, anmar igar-maidba anmar-Bab-Dummad-Jehováʼse idaksasulid. Agala, Bab-Dummad, sabsur-anmargi yolesad.”

1 Crónicas 15:2

Degidgi, David sogded: “Bab-Dummad-Dadganbo-Igar-Mesisad-Ulu yogasaar seledosulid. Levita-dulemar, Bab-Dummad-Ulu semaloed. Ar Bab-Jehová, e-Ulu-semalaga, degi, ega degisadegu arbadii gumarbaliga, a-dulemar-nug-imaksa gusad.”

Salmo 105:41

Ega akwasaila egasgusad, agi dii aryoargusad. Nega-dulesulidganba ega dii aryomai imaksad.

Salmo 114:8

Ar Bab-Jehová akwasaila dii-siedga imaksad, akwasailagi dii-aryomai imaksad.

Salmo 74:15

Dii-sailagan-ariogega be imaksad, dianmar-megega be imaksad, diwar-dummagan-mamaid-dinguega be imaksabalid.

Salmo 78:15

Bab-Dummad, nega-dulesulidganba akwasaila marisad. A-akwagi dii-aryomai imaksad, geb a-dii-gobmalaga imaksad.

Salmo 78:16

Bab-Dummad, akwagi dii-aryogega imaksad, diwaryobi dii-aryomai imaksad.

Salmo 78:20

Ar napiragwa, Bab-Dummad akwasaila-sarsosgua, dii binnasuli aryoargusad. Ar anmarga-mas-ukegala, ¿deyob imakbalo be ebinsae? E-dulamarga, ¿sunna san ukbalo be ebinsae?”

Éxodo 17:6

Horeb-yargi, akwa-dummad-walik an be-asabin gwisguoed. Akwa-dummad be bibyosale, agi dii aryodagoed, adi, dulemar a-dii gobmalagar. Moisés, Israel-girmar-dummagan-e-dakbukwad-asabin deyob imaksad.

Isaías 43:19

Ibmar gwapidmar an imakoed. ¿Ar bato ibmar-imaklenaid aku be dakmarsi? Ar nega-dulesulidganba an igar mesnaid, neg-dinnaganba an diwarmar mesnaid.

Isaías 48:21

Nega-dulesulidganba-seargua, gwen ukud mechasurmalad. Bab-Jehová emargala, akwasailagi dii-aryogega imaksad. Akwa-marisgusadgi dii-binnasur ega aryogega imaksad.

Oseas 13:5

Ar ani an nega-dulesulidganba, napa-uedikidba be gudigu be-akwisad.

Levítico 10:1

Aarón-masmala Nadab, degi, Abiú, na egad-egad sianar susmalad. Geb sianargi soo ogasmalad, deginbali, sianargi ina-wawadikid urbismarbalid. Degi-inigwele, Bab-Jehová-ega-igar-uksadba imaksasurmalad.

Números 20:8

“Gaapoled be sue. Be, degi, be-ia-Aarón-bebogwa dulemar-danar be urbemalo. A-dulemar-asabin akwa-dummadga be sunmakmaloed. We-akwa-dummad bega dii ukoed. A-akwa-dummadgi dii ega be onogoed, adi, dulemar, degi, ibdurgan, a-dii gobmalagar.”

Mateo 28:20

An bemar-odurdaksadba bela eba nue-nanamaloye be amar-odurdako. Napira an bemarga soged, an emi bemarba we-napneg-berguedse, bane-bane an gudiguoed. Be itogua.

1 Corintios 10:4

Degine, bela amar gobed-burbaled emaladbi gobsadbimarbalid. Ar ade, akwa-burbaled eba nadapgusad, agi dii-ainied gobsamalad. Ar we-akwa Cristo gued.

Deuteronomio 8:15

Be-Bab-Dummad-Jehová nega-dulesulidgan-sunnasulid-dummadba bemar-semai gusad. Naibe-nuegan-abalagi, diormar-abalagi, bemar-semai gusad. Bemar yala-dii-satedgi uku-uku-itodimargua, Bab-Jehová bemarga akwa-dummadgi dii onosad.

Santiago 1:20

Ar dule-urwedi Bab-Dummad-asabin igar-innikigwad imaksulid.

Jueces 15:19

Degidgine, Bab-Dummad Lehiʼye-neg-nugadgi yaa-dummad-maidgi yaa egasad. Agi, dii aryoalid. Geb Sansón dii-gobsagu, na gannaleded. Aga, we-dian En-Hacoreʼye nuggusad. Emi, we-garda-narmaklenaidse Lehiʼye-neg-nugadgi a-dian amba maid.

1 Samuel 15:19

Ar degite, ¿ibiga Bab-Jehová-ibmar-sogsadba be gwen ibmar-imaksasuli? ¿Ar ibiga be ibmar susmala? ¿Ar ibiga be Bab-Jehová-ibmar-isdardaked be imaksabali?

1 Samuel 15:24

Saúl magar na itosadba sogded: —Samuel, napira be soged. Bab-Jehováʼgi nue an nosad. Anga igar-uksadba an ibmar-imaksasulid. Be anga ibmar-sogsadba an ibmar-imaksasurbalid. Ar an-sordamar angi aibinbiguarmaladba an ibmar-imaksad.