Números 2:3 - Kuna San Blas

³ ”Wemala, dulemar-anbo-ambikued-neg-siid-dad-nakwedsik ambikumaloed: Gebedgi, Judá-wagan, na e-bander-urba e-sordamarba ambikumaloed. Judá-wagan-e-dummad Naasónʼye nugad. Naasónʼde Aminadab-e-machid.

Números 2:3 Iomraidhean Croise

Génesis 35:22

Israel bato Migdal-Edarʼgi nue-mai, Rubén e-bab-ome-Bilha-maidse nade gusad. Agi, Rubén Bilhaʼse gochad. Jacob wisgusgu, Rubén Bilhaʼse gochaye, Jacob nue-sae itosgusad.

Génesis 35:23

Jacob masmala-warambe-gakabo (12) nikusad: Jacob-Leaʼbo-masmala-nikusadi, wemalad: Rubén, e-machi-sailagined, Simeón, Leví, Judá, Isacar, degi, Zabulón.

1 Crónicas 2:10

Ram, machi-Aminadab-nikusad. Aminadabʼdi, machi-Naasón-nikusmogad. We-Naasónʼde, Judá-dulemar-e-dummadid.

1 Crónicas 5:2

Ar Judá bur bule e-gwenadganba gandik-megis-inigwele, degine, e-gwenadgan-dummadga-gusbar-inigwele, degite, ibmar-Rubénʼgadga-guoenadi ega uklessulid. Aka Joséʼga, degi, José-e-waganga uklesad.

Éxodo 6:23

Aarónʼdi, Elisabet nikusad. Elisabetʼde Aminadab-e-sisgwad, Naasón-e-bunad. Geb Aarónʼga, degi, Elisabetʼga machimala-uklenonikid: Nadab, Abiú, Eleazar, Itamar.

Números 1:5

Bab-Jehová Moisésʼga sogdebalid: “We-dulemala, bemar-bendakmaloedid: Rubén-e-wagansik, Sedeur-machi-Elisur.

Números 1:7

Judá-e-wagansik, Aminadab-machi-Naasón.

Números 10:5

Gebegi gar-trompeta binnasur be ogotele, degi, dulemar-oimaknadapmalale, dulemar-e-dad-sailaganba dad-nakwedsik-danar-danar-bukmalad-inse namaloed.

Números 2:4

E-sordamar ebislesmaladba, mili-dulapaa-gakambe-gakabake gaka dulataled-ilanergwa (74,600) mergued.

Números 3:38

Moisés, Aarón, degi, a-e-masmala, Bab-Dummadse-goled-neg-sunna-seleged-asabin mamaigusmalad. A-sogleged, Bab-Dummad-dulemarbo-ambikued-neg-dad-nakwedsik mamaigusmarye. Aarón, degi, e-masmala, Israel-dulemar-nuggine, Bab-Dummadse-goled-neg-sunna-seleged dakega gumalad. Dule-baigan dule-irwa-Babse-goledsulile, Bab-Dummadse-goled-negse warmaksale, oburgwilegoed.

Números 7:12

Iba-gebe-onodedgine, Aminadab-machi-Naasón-inse Bab-Jehováʼga ibmar senonikid. We-Naasónʼde, e-dad-dummad-Judáʼgi danikid.

Números 7:17

Deginbali, gwenatigwar-guega, we-ibdurgan senonibalid: Moli-bebe-nikad-alugwasualed, warbo. Sibad-wawaad-machered, walatar. Sibad-machered, walatar. Degi, sibad-wawaad-sapingwagwad-birgagwen-nikad, walatar senonikid. We-ibmarmala, Aminadab-machi-Naasón, Bab-Jehováʼga senonikid.

Mateo 1:4

Aram-machidi, Aminadabʼye nugad, Aminadab-machidi, Naasónʼye nugad, Naasón-machidi, Salmónʼye nugad.

Rut 4:20

Aminadab, Naasón-e-babad. Naasón, Salmón-e-babad.