Números 2:2 - Kuna San Blas

² “Israel-dulemala dulemar-anbo-ambikued-neg-ebilis ambikumaloed, na egad-egad, e-dadgan-e-dadgan-e-bander-urba bukwa gumaloed.

Números 2:2 Iomraidhean Croise

Salmo 74:4

Bab-Dummad, be-isdarmalad be-onmakedneggi oimakbukwad, nakwis-itomaladba e-bandermar digsamalad.

Salmo 76:11

Be-Bab-Dummad-Jehováʼba, ise-ibmar-sogar be imakmar, ega sogedba be ibmar imakmarbalo. Bela yarmar-anmar-neggwebur-dikarba-bukwadi, Bab-Dummad-gandikidga ibmar-ukleged sedamalo.

Isaías 12:6

Sión-yalagi-bukmalad, weligwaledba be namakmar, weligwaledba be gormakmar. Israel-dulemar-e-Bab-Dummad-Isligwaled, bemar-abargine Dule-Gandikidid.”

Isaías 18:3

”Bemar, bela we-napneggi-bukmalad, yar-imbaba bander-nakwiali be dakalile, degi, gar-trompeta-gollali be itoarmalale, asiki be atakbukwa imakmalo, Napneggi-bela-bukmalad, nue be dakmalo, nue be itomalo.”

Ezequiel 43:7

Anga sogded: “Dule-machi, we-neggi an-ologana siid, wegi an dummadga maid. Wegine, Israel-dulemar-abargi an degisadegu gudii guoed. Israel-dulemar, degi, e-reymar na e-galagwensurdamaladgi, na e-reymar-burgwisadse-gormaladgi, degi, bab-dummadyob-ibmar-imaklemalad-e-nug-odummogedgi bar an-nug-oichodii guosurmalad.

Zacarías 9:16

A-ibagine, e-Bab-Dummad-Jehová, na e-sordamar sibad-wawaadyobi bendaknonikoed. E-sordamar Bab-Jehová-e-yargine, ologurgingi-akwa-nuegan-bukwadyob dakarmakdemaloed.

Números 1:50

Be, Levita-dulemar Dulemar-Anbo-Igar-Mesisad-E-Neg-dakega be imakoed. Degine, a-neggi-ibmar-ebulemalad, degi, bela a-negga-ibmar-ebulemalad-dakega, be imakbaloed. Levita-dulemala, anse-goled-neg-sunna-seleged, degine, bela e-ibmarmar-agi-ebulemalad semaloed. Degine, Levita-dulemarbi agi arbamaloed. Degine, a-neg-dikar-ebilis megmaloed. A-ular, Leví-e-wagan be ebisosulid.”

Números 10:14

Judá-wagan-inse, igar-uklesadba e-sorda-e-sordamarba, danar-danar-bukwamaladba e-bander-senadapi gusmalad. E-dummadgala, Aminadab-machi-Naasón nadapi gusad.

Números 10:18

Geb a-sorba, Rubén-wagan igar-uklesadba e-sorda-e-sordamarba danar-danar-bukwamaladba e-bander-senadapi gusmalad. E-dummadgala, Sedeur-machi-Elisur nadapi gusad.

Números 10:22

Geb degidgine, Efraín-wagan igar-uklesadba e-sorda-e-sordamarba danar-danar-bukwamaladba e-bander-senadapi gusmalad. E-dummadgala, Amiud-machi-Elisama nadapi gusad.

Números 10:25

Geb degine, bela dulemar-baigan-solaba Dan-wagan ega igar-uklesadba e-sorda-e-sordamarba danar-danar-bukwamaladba e-bander-senadapi gusmalad. E-dummadgala, Amisadai-machi-Ahiezer nadapi gusad.

Números 2:1

Bab-Jehová Moisésʼga, degi, Aarónʼga sunmakded, amarga sogded:

Números 2:10

”Rubén-wagan, na-e-bander-urba, e-sordamarba dulemar-anbo-ambikued-neg-siid-dad-nakwed-argan-nuedsik ambikumaloed. Rubén-wagan-e-dummad Elisurʼye nugad. Elisurʼde Sedeur-e-machid.

Números 2:3

”Wemala, dulemar-anbo-ambikued-neg-siid-dad-nakwedsik ambikumaloed: Gebedgi, Judá-wagan, na e-bander-urba e-sordamarba ambikumaloed. Judá-wagan-e-dummad Naasónʼye nugad. Naasónʼde Aminadab-e-machid.

Números 24:2

Balaam Israel-dulemar-bukwad-dakdegu, dakded, Israel-dulemar na e-dadgan-e-dadganba danar-danar bukwamala. Agine, Bab-Dummad-Burba Balaamʼgi aidenonikid.

1 Corintios 14:33

Ar Bab-Dummad yogasaar-ibmar-imaked-dulesulid. Bab-Dummad ibmar-innikii-saed-duled. Anmar Jesucristoʼgi-akananaimalad danar-ambikunonikile,

1 Corintios 14:40

Bela igar-nikaa, nuekwaa be ibmar imakmalo.

Filipenses 1:27

Degisoggu, unnila Cristo-gayaburba-nued-soglemaidba be damarsun. Ar an bemarse ataknaddibe, an bemarse nadsurdibe, unnila an itobied, bemarde na wargwennayobi danakwaa gudimarye, degi, Bab-Dummad-gayaburba-barsogega na danakwaa arbananaimarye.

Colosenses 2:19

Amardi, Cristoʼgi gwen akanaisurmalad. Ar Cristoʼdi na e-ibmar-imakedbali, bela egi-akananaimalad, san-dubamar-mamaidba-nasgumaiyob, nasgumai imaked, degi, Bab-Dummad-igar-mesisadba, bela-dulemar-egi-akananaimalad oatoed.

Josué 3:4

Deyobi bemar wisguoed, bia be namaloe. Ar ade, iduar bemar we-igarba nanadisurmalad. Degi-inigwele, bemar Ulu-selemaidgi dali-dulataled-ilatale (500) bangue-wilub, egi nadapi-gumaloed. Uluse melle warmakmalo.”