Números 18:3 - Kuna San Blas

³ Wemala bemar-ibmar-imakedgi be-bendakmaloed, dulemar-anbo-ambikued-neg-akwega gumarbaloed. Degi-inigwele, ibmar-anga-uklesmaladse warmakosurmalad, degine, melle burgwemalaga anga-ibmar-ogumakar-ukleged-ailase warmakosurmarbalid.

Números 18:3 Iomraidhean Croise

Ezequiel 44:13

Dule-irwa-anse-gormaladyob anga ibmar imakosurmalad. An-ibmar-islidikidmaladse warmakosurmalad, deginbali, ibmar-bur-islidikidmaladse bur bule warmakosurmarbalid. E-ibmar-isgana-imaksad-ulale, bingegudii gumaloed.

Números 1:51

Bab-Dummad Moisésʼga sogdebalid: “Anse-goled-neg-sunna-seleged seledsokalile, Levita-dulemar a-neg earoed. A-neg gannar osisokarmalale, Levita-dulemar osimarbaloed. Dule-baid, Levita-dulesulid a-negse warmaksale, oburgwilegoed.

Números 1:53

Levita-dulemardi, Dulemar-Anbo-Igar-Mesisad-E-Neg-dikar-ebilis ambikumaloed, adi, melle an-urwed Israel-dulemargi yolegegar. Levitaʼmar, Dulemar-Anbo-Igar-Mesisad-E-Neg edarboed.”

Números 16:40

Esgoro-gordikid-sianar-matargwa-matargwa-imaklesadi, Bab-Dummadga-ibmar-ogumakar-ukleged-aila-birgi matak-matak-nasiklesadi, adi, Israel-dulemarga oyogegalad, degi, Aarón-e-wagansurmaladga oyogegalad, degine, dule-ega-igar-uklearsurmaladga oyogegalad melle Bab-Jehováʼga ina-wawadikid ukoye. Ar degisulile, Coré, degi, eba-nanaigusmarmogadyob gumarmogoed, ar igi Bab-Jehová bato iduakwaa Israel-dulemarga Moisésʼba sogsagusa, deyobi gumarmogoed.

Números 18:4

We-Leví-dulemala bemar-bendakedga gumaloed. Degine, we-Leví-dulemar dulemar-anbo-ambikued-neg dakmaloed, degine, bela agi-ibmar-imaklemalad imakmarbaloed. Degisoggu, agi bemar ibmar-imaknaigusale, Leví-dulemarbi bemarse warmakmaloed, dule-baigandi bemarse warmakosurmalad.

Números 18:7

Unnila be, degine, be-masmalabi dule-irwa-anse-gormaladga gumaloed. A sogleged, anga-ibmar-ogumakar-ukleged-aila, degine, mor-dummad-naid-yarganba-ibmar-bukwad unnila bemarbi dakoye. Ani an bemarga dule-irwa-anse-goled-e-arbaed an uknaid. Ar dule-baid a-ibmar imakye-sogele, adi, oburgwelegoed.”

Números 3:25

Gersón-wagan we-ibmar-imakmalaga gumalad: Bab-Dummad-dulemarbo-ambikued-neg-dakedga. Ibmar-ukamar Bab-Dummadse-goled-neg e-uasga-gunaid-dakedga. A-yawagak-dogedgi-mor-dummad-naid-dakedga.

Números 3:31

Coat-wagan we-ibmar-imakmalaga gumalad: Bab-Dummad-Israel-Dulemarbo-Igar-Mesisad-Ulu-dakedga. Mese-dakedga. Gwallumar-sied-dakedga. Ibmar-ogumakar-uklemalad-ailamar-dakedga. Bab-Dummadse-goled-neggi-ibmar-ebulemalad-dakedga. Mor-dummagan-dakedga. Degi, bela agi ibmarmar-ebulesiid dakedga gumalad.

Números 3:36

Merari-wagan we-ibmar-dakmalaga gumalad: Bab-Dummadse-goled-neg-sunna-seleged-e-urgomar-dakmaladga, e-suarmar-dakmaladga, e-buarmar-dakmaladga, e-sigmalad-dakmaladga, bela e-ibmarmar-dakmaladga, degine, bela ibmar-egi-ebulemalad-dakmaladga.

Números 31:30

”Baid-negabalad Israel-dulemarga-uklegoedi, anga be subaloed. Ibmarmar-dulabo-gakambegwad-iliba (50) war-wargwen be suoed: Dulemar-gales-selenonikid, moli-bebe-nikad, moli-uayasuid, sibad-wawaad, degi, sibad. Geb we-ibmarmala, Leví-wagan-anse-goled-neggi-arbamaladga be ukoed.”

Números 4:15

”Aarón, degi, e-masmala, bela anse-goled-neggi, degi, anse-goled-neggi-ibmar-ebulemalad-bukwad bela morgi anwisale, geb agi Israel-dulemar naega guakwagusale, Coat-wagan nonimaloed, a-ibmarmar sedmalagar. Degi-inigwele, ibmar-angadga-gusadi na e-argangi ebugosurmalad. Ar ebusmalale, burgwemaloed. Bela we-ibmarmar dulemarbo-an-ambikued-neggi-bukwadi, Coat-wagan sedmaloed.