Números 16:5 - Kuna San Blas

⁵ Geb degidgine, Moisés Coréʼga, degi, Coréʼba-nanaimaladga sunmakded, amarga sogded: —Oibosale, Bab-Jehová sogoed, ede doa-susa, doa-egadi, doa sunna ese warmakoe. Ar Bab-Jehová na dule-suoedi, a-dulebi, Bab-Jehováʼga nabir-ibmar-uke guoed.

Números 16:5 Iomraidhean Croise

Salmo 105:26

Agine, Bab-Dummad, e-mai-Moisés-susagusadi, Aarón-susagusadi, Egipto-yarse barmiargusad.

Salmo 115:10

Aarón-wagan, dule-irwa-Bab-Dummadse-gormalad, ¡mer Bab-Jehováʼgi bengumala! Na e be-bendaked gued, be-sigu-abgaedga gued.

Salmo 65:4

Dule-wargwen be susale, we-dulegi nued binsalesad. We-dule, be-neggi-gudiguega, bese be senonidaed.

Éxodo 28:1

Bab-Jehová Moisésʼga sogdebalid: “Be-ia-Aarón, degi, e-machimala Nadab, Abiú, Eleazar, Itamar, amala bese warmaked be imako. Wemar, anga Israel-dulemar-abargi dule-irwa-anse-gormaladga gumaloed.

Éxodo 28:41

”We-mormar be imaksadi, be-ia-Aarónʼga, degine, e-masmalaga be yooed. Geb degine, gwallu-wawa amar-nonogi be eogoed. Geb degi, dule-irwa-anse-gormaladga-gumalaga be onugsaoed.

Éxodo 28:43

Aarón, degi, e-masmala, dulemar-anbo-ambikued-negse-dogdemalale, we-garson-bipi-yoi dogmaloed. Degine, anga-ibmar-ogumakar-ukleged-ailase nadmalale, amba we-garson-bipi-yoi dogbaloed. Adi, wemala melle isgumalagar. Ar isgumalale, wemala burgwemaloed. Aarónʼgala, degi, e-masmalagala, we-igar degisadegu-mai guoed.”

Jeremías 30:21

Bab-Jehová soged: “Bemar-abargi, bemar-iduged nodagoed, a-dulegine, bemarga-negseed danikoed. An-walikaa-guega an imakoed, anba gudii guoed. Degite, ¿doa an-walikaa anse-dagega guakwasunna?

Jeremías 49:19

”Achumigur Jordán-diwar-bulaganba, gagan-nuegan-naidse nodanidaedyobi, ukiagwale, an Edom-dulemargi gwichigudagoed. Edom-dulemargi an dule-nug-imaksadi dummadga an mesoed. Ar ade, ¿doa anyobsunna? ¿Doa angi obinosunna? ¿Biti-sibad-edarbed angi gwisguosunna? Dule angi obinosuli.

Jeremías 50:44

Achumigur Jordán-diwar-bulaganba, gagan-nuegan-naidse danidaeyobi, ukiagwale an Babilonia-dulemargi gwichigudagoed. Babilonia-dulemargi an dule-susadi an onugsaoed. ¿Ar doa anyobsunna? ¿Doa angi obinosunna? ¿Biti-sibad-edarbed angi gwisguosunna? Dule angi obinosuli.”

Ezequiel 40:46

Ar dad-nakwed-argan-sapiledsik-neg-argasiiddi, ibmar-ogumakar-ukleged-ailagi dule-irwa-Bab-Dummadse-gormalad ibmar-imakmaladgadid. Wemar, Sadoc-machimalad. Unnila wemarbi, Leví-e-wagan-abargi Bab-Jehováʼga ibmar-ogumakar-ukega sulesad.”

Ezequiel 43:19

Levitaʼmar-dule-irwa-Babse-gormalad-Sadoc-e-wagan, anga ibmar-imakega an-asabin nonidamaladga, moli-bebe-nikad-sapingwagwad be ukoed, adi, isgued-anar oburgwegar.’ Bab-Jehová-Bela-Gangued-Nikadi weyob soged.

Ezequiel 45:4

A-napa, dule-irwa-anse-gormaladgadga guoed. Wemar, anse-goled-neggi-arbamalad anga-ibmar-imakega ese warmakmaladid. A-napagi, wemar-e-negmar, degi, anse-goled-nega, sobmaloed.

Levítico 10:3

Geb Moisés, Aarónʼga sogded: “Bab-Jehová we, sogsa gusad. Deun sogsagusgu: ‘Dule anse warmakmaladga, an-islidik-gued an ega oyogoed. Bela dulemarga an-gangued-yeerdakleged an oyogoed.’ ” Agine, Aarón bar sunmaksasulid.

Levítico 8:2

“Aarón, degi, e-masmala beba be sedo. Dule-irwa-Bab-Dummadse-gormalad-e-mormar, degi, nugsalenaidgi-olivo-gwallu-ebuleged be sedbalo. Deginbali, isgued-ular moli-bebe-nikad-sapingwagwad-oburgwileged be sedo, sibad-wawaad-machered-warbo be sedbalo, degi, garba-bipigwadgi madu-inasulid be sedbalo.

Malaquías 3:18

Geb degine, bemar gannar magar-daknonimaloed, doa dule-nuedi, doa dule-isgana. Doa Bab-Dummad-nug odummoge, doa Bab-Dummad-nug odummosuli.

Números 16:3

We-dulemar bulakwa-ambikunonimargua, Moisésʼgi, degi, Aarónʼgi isdar-sunmakdemalad. Geb Moisésʼga, degi, Aarónʼga sogdemalad: —¡Bemar, wese be ugakmalo! Ar bela Israel-dulemar bato Bab-Jehováʼgadid, degite, ¿ibiga be binsamala, bemarde Bab-Jehová-sordamar-e-dummadye? Bemar a-sordamar-e-dummagansulid.

Números 16:6

Coré, be oibosale, degi, be-sordamar-beba-nanaimalad weyob bemar imakmalo: Bemar sianar sedmalo.

Números 17:5

Gaapoled-aramakoedi, an a-e-ibed an suoed. Adi, Israel-dulemar-begi-gwisguardamaladi, melle bar begi sunmakmalagar.’ ”

Números 17:8

Degidgine, Moisés banedgine Bab-Dummad-Israel-Dulemarbo-Igar-Mesisad-Ulu-siidse-dogdegu, dakalid, Leví-wagwa-Aarón-gaapoled aradik-mai, e-dutumar-nanai, e-madumar nagusnanai, degine, almendroʼmar sanmaksananai daksad.

Juan 15:16

”Bemar an-sussurmalad, ani an be-susmalad. An be-susmaladi, adi, bemar ibmar-nuegan imaknamalagar. Degine, bemar-ibmar-saedi, degisadegu guegar. Adi, ibu bela Babse an-nuggi be-egisbimardibe, Bab bemarga ukegar.

Gusmalad 1:2

degine, igi-Jesús nibnegse-nakwide gusbali, ase an narmaksado. Emisgindi, an bega sogbalodo, igi-Jesús yoo nibnegse-nakwed-iduale, e-sapingan-bur-dummagan-susadga, Bab-Dummad-Burba-Isligwaledbali sogsagusa, ibu imakmaloe.

Gusmalad 1:24

Dulemar-bukmalad Bab-Dummadse gotemargu, sogdemalad: “Bab-Dummadye, bedi bela anmar-binsaed mag daksoggu, anmarga be oyoge, we-ebogwadi, Judas-ular-dogega, biti bur be susadi.

Gusmalad 13:2

Wemar, ibagwengi mas-gunsuli Bab-Dummadse-gorbukmargu, Bab-Dummad-Burba-Isligwaled ega sognonikid: “Bernabé, Saulo-ebo anga nugsamalo, adi, an oarbabi-gunaidse barmidegar.”

Gusmalad 15:7

Undar na abin-abin imaksamalad-sorba, Pedro gwisgualid, sogded: “Gwenadgan, bemar nue wismalad, undargus Bab-Dummad we-gayaburba-nuedgi Judíoʼsurmaladga-sunmakega, adi, amar nabir abonolemogaga, bemar-abargi an-susad.

Gusmalad 22:14

”Ananías anga sogdebalid: ‘Anmar-dadgan-e-Bab-Dummad be-susad, adi, na e-ibmar-abemaid be wisguegar, degi, Bab-Dummad dule-napiragwad-barminonigusad mag be dakegar, degine, e-gayaburba sanar be nue itobaligar.

Efesios 2:13

Iduardi, bemar Bab-Dummadgi dikasur-bangus gudigusmalad. Emigindi, bemar Cristo-Jesúsʼgi-bengusurmaladba, Bab-Dummad Cristo-e-abegi e-walikaa bemar-imaknonikid.

2 Timoteo 2:19

Degi-inigwele, Bab-Dummad-Igar-Mesisaddi, geg gwaged. Ar weyob anmarga oyomaid: “Bab-Dummad na wisid, doamar e-sordamala.” Números 16:5 Degine, weyob oyomaibalid: “Bela dulemar-Cristoʼba-nanaimaladi, isguedgi banguergebed.”

Hebreos 12:14

Dulemar-baiganbo bela bogidik-nanaed be imakmar, degine, gwage-swilidik-nanadii be imakmarbar. Ar dule gwage-swilidiksulile, gege Bab-Dummad-daked.

Apocalipsis 1:6

E-Bab-Dummadga reymarga-guega anmar-imaksad, dule-irwa-Bab-Dummadse-gormaladga-guega anmar-imaknonikid. A-Jesucristo-nug odummolesun, e-gangued degisadegu odummomarsun. Ar deyob gusun.

1 Samuel 2:28

Bela Israel-dulemar-dadgan-baid-baid-bukwamalad-abargi, Aarón, dule-irwa-anse-goledga-guega an susad, adi, anga ibmar-ogumakar-ukleged-ailagi ibmar-ukega, ina-wawadik-yapanmalad ogumakega, degi, mor-sakwasulid yoegar. Deginbali, Israel-dulemar-anga-ibmar-ukmalad-gundii-gumalaga an Aarón-e-gwenadganga igar-uksabalid.