Números 15:9 - Kuna San Blas

⁹ We-moli-bebe-nikadbali madubur-bur-nued, nibiratar Bab-Jehováʼga be ukoed. We-be-ukoedi olivo-e-gwalluba galón-negabar eba oburar be omukuoed.

Números 15:9 Iomraidhean Croise

1 Crónicas 21:23

Degi, Ornán, Davidʼga sogded: —Dummad-rey, be-dakedba na be neg sue, an binsa bega uked. Bab-Dummadga-ogumakar-ukega an moli-bebe-nikad-machered-alugwasualed bega uko. Degi, trigo-naged-urgo sapanga-imakega an bega ukbalo. Deginbali, trigo-gwag an bega ukbalo. Bela we-ibmar maniginsuli an binsa bega uko.

Nehemías 10:33

”Adi, a-manigi: Bab-Dummadga bane-bane-madu-ukleged bakega, ega ibmar-gwag-ukleged, degine, bane-bane ibmar-durgan-ogumakar-ukleged bakegar. ”Degine, a-manigi obunnoged-ibagi Bab-Dummadga ibmar-ukleged, nii-binidgi ibmar-ukleged, degi, iba-dummagangi ibmar-ukleged, Bab-Dummadga ibmar-islidik-ukleged bakegarbar. Degine, Israel-dulemar-isgusad-eliegala, Bab-Dummadga-ibmar-uklegoed bakega, degi, bela ibmarmar Bab-Dummadse-goled-neggi-ebulemalad, bakegarbar.

Ezequiel 42:13

Dule anga sogsad: “Dad-nakwed-argan-sapiledsik, degi, dad-nakwed-argan-nuedsik, gwardumar neg-imba-senigwad-naid-asabin-bukwadi, gwardumar-islidikidid. Agi, dule-irwa-Babse-gormalad Bab-Jehováʼga-ibmar-ukega ese-asabin-nonidamaladi, bur ibmar-ukleged-islidikid gunmaloed. Agi, orosgwaggi-dakleged-ibmar-ukleged, isgued-ular-ibmar-ukleged, degi, dule-baidgi-nosad-ular ibmar-ukleged urbemaloed, ar ade, we-gwardu, neg-islidikidid.

Ezequiel 46:11

Ibamar-onolegedgi, degi, ibamar-soglesadgi, ibmar-ukleged, weyob ukmaloed: Moli-bebe-nikad-sapingwagwad-iliba, degi, sibad-wawaad-machered-iliba, ibmar-gwagmar-orosgi-dakleged, wilubsaed-efa-gwagwen uklegoed. Sibad-wawaadmar-bipigana-ilibardi, e-ibmar-gwagmar-orosgi-dakleged, ukbiedba uklegoed. Ibmar-gwagmar-orosgi-dakleged, wilubsaed-efa-iliba, olivo-gwallu, wilubsaed-hin-gwagwen uklegoed.

Ezequiel 46:15

Degisoggu, bane-bane wakudaryalaba, degisadegu sibad-wawaad-bipigwad-ogumakar uklegoed, deginbali, ibmar-gwagmar-orosgi-dakleged, degi, olivo-gwallu uklebaloed.

Ezequiel 46:5

Sibad-wawaad-machered-iliba, ibmar-gwagmar-orosgi-dakleged, wilubsaed-efa-gwagwen uklegoed. Sibad-wawaadmar-bipigana-ilibardi, e-ibmar-gwagmar-orosgi-dakleged ukbiedba ukoed. Wilubsaed-efa-ilibali, olivo-gwallu, wilubsaed-hin-gwagwen uklegoed.

Ezequiel 46:7

Moli-bebe-nikad-sapingwagwad-iliba, degi, sibad-wawaad-machered-iliba ibmar-gwagmar-orosgi-dakleged, wilubsaed-efa-gwagwen ukoed. Ar sibad-wawaadmar-bipigana-ilibardi, na e-ibmar-gwagmar-orosgi-dakleged, ukbiedba ukoed. Ibmar-gwagmar-orosgi-dakleged wilubsaed-efa-iliba, olivo-gwallu, wilubsaed-hin-gwagwen ukoed.

Joel 1:9

Bab-Jehováʼse-goled-neggi ibmar-gwag-orosgi-dakleged-ukleged bar uklesulid, degi, vinoʼmar bar uklesurbalid. Dule-irwa-Bab-Dummadse-gormalad Bab-Jehováʼga-arbamaladi, bomarmogad.

Joel 2:14

Abakale, Bab-Dummad binsaed gwakalile, igi-barsaye sokalile, deyobi, anmargi ise-nued binsaoed. Ibmar-gwag-ukleged, degi, vinoʼmar, Bab-Dummad-Jehováʼgadga guoed.

Levítico 14:10

”Geb dule-nugusad ibabaabakgine (8) we-ibmarmar-ukleged senonikoed: Sibad-wawaad-ome-senigwad-swilidikid boni-nikasulid, warbo, sibad-wawaad-ome-birgagwen-nikad-swilidikid boni-nikasulid, wargwen, degi, ibmar-gwag-uklegedga madubur-nued nibirambe-gakatar (15) olivo-gwalluba-omukuar sedabaloed, deginbali, olivo-gwallu bute-abala ukbaloed.

Levítico 6:14

Bab-Jehová Moisésʼga sunmakdebalid, ega sogded: “Aarónʼga, degi, e-masmalaga be sogoed: ‘Bab-Jehováʼga ibmar-gwag-uklegoed-e-igar weyob mai-guoye: Bemar ibmar-ogumakar-ukleged-aila-asabin Bab-Jehováʼga ibmar-gwag ukoed.

Levítico 7:37

Deginbali, Bab-Jehováʼga-ibmar-ogumakar-uklegedsik, Bab-Jehováʼga-ibmar-gwag uklegedsik, isgued-ular ibmar-ogumakar-uklegedsik, weyob igar megisad. Deginbali, dule-baidgi-nosar ibmar-uklegedsik, dule-irwa-Bab-Dummadse-golega nugsalenair ibmar-uklegedsik, degi, gwenatigwar-guega ibmar-uklegedsik, weyob igar megisad.

Números 15:10

Degine, vino galón-negabala egi eolegoed. We-ibmarmar ogumakar-uklegoed, ar Bab-Jehová yeer-yapanne itodaed.

Números 15:8

” ’Dule Bab-Jehováʼga ibmar-ukbiele, sunna uked: Moli-bebe-nikad sapingwagwa bela-ogumakardibe, igi abala-ogumakar Bab-Jehováʼga be ukodibe, igi na be ibmar-ukbiedba be ukodibe, igi gwenatigwar-guega ukodibe.

Números 28:12

Degine, moli-bebe-nikad-iliba, madubur-nued nibirambe-gakatar (15) olivo-gwalluba-omukuar be anga ukoed. Sibad-wawaad-macheredgindi madubur-nued nibirambe (10) olivo-gwalluba-omukuar be anga ukoed.

Números 28:14

E-vino-egi-eolegoed be ukbaloed: Moli-bebe-nikamalad-iliba, bute-warbo. Sibad-wawaad-machered-iliba, bute-wargwen-abala. Degi, sibad-wawaad-birgagwen-nikad-iliba, bute-wargwen. Weyobi birgagi nii-iliba ibmar-ogumakar be anga ukoed.

Números 29:6

Nii-irba gusgu ibmar-ogumakar-ukleged-ukine, eba-ibmar-gwag-gusgu-ukleged-ukine, degi, vino-egi-eolegega-ukleged-ukine, wemar Bab-Jehováʼga be ukoed. Gusgu-igar-uklesadba be imakoed. Bela we-ibmar-uklemalad soogi-ogumakar Bab-Jehováʼga be ukoed. Wede Bab-Jehová yeer-yapanne itodaed.’ ”

1 Samuel 1:24

Ana, Samuel-mam-oiar-imaksagua, Elcanaʼbo Silo-neggweburse Bab-Jehováʼse-goled-negse Samuel-sesmalad. Ana, moli-bebe-nikad-machered-birgapaa-nikad sesad. Deginbali, madubur nibir-dulagwen-gakabo (22) sesbalid, buglugi vino-sesbalid. Deunni, Samuel amba bipigwad.