Números 15:4 - Kuna San Blas

⁴ ” ’Ar dule Bab-Jehováʼga ibmar-ukbiele, napi-ibmar-baid ega ukega sedabaloed, nibiratar-mergu madubur-bur-nued sedagoed. A-madubur be omukuoed. Geb olivo-e-gwallu bute-warbo eba be oburoed.

Números 15:4 Iomraidhean Croise

Esdras 7:17

A-manigi, ibmar-durgan be baksuli gudager: Moli-bebe-nikad-sapingana, sibad-wawaad-machergan, sibad-wawaad-sapingana. De-ukinbali, Bab-Dummadga-ibmar-uklebaloed be bakbalo: Ibmar-gwagmar, vinoʼmar. Geb degi, Jerusalén-neggweburgi bemar-Bab-Dummadse-goled-neggi Bab-Dummadga ibmar-ogumakar-ukleged-aila-siidgine, bemar we-ibmarmar Bab-Dummadga-ogumakar ukoed.

Éxodo 29:40

Deginbali, we-sibad-wawaad-gebe-oburgwilegoedba be we-ibmar ukoed: Madubur-bur-nued, nibiratar, olivo-gwallu, bute-wargwen eba be oburoed. Degine, anga be egi vino, bute-wargwen-mergu eobaloed.

Isaías 66:20

Dulemar be-gwenadgan-yar-baid-baidgi-gudidimalad, an-yala-islidikid-Jerusalénʼse, anga ibmar-uklegedyobi seledagega imakmaloed: Abala, molimargi be-gwenadgan-sedamaloed. Bamaladdi, moli-ur-napagined-bila-onomaladgi, e-gabmaladgi, moli-uaya-senigwadmargi, degi, moli-yargan-muremaladgi sedamaloed. ”Ar igi-Israel-dulemar anse-goled-negse bormo-swilidikidgi anga ibmar-gwag-ukleged sedanidamala, deyobi, be-gwenadgan-sedamaloed. Ani Bab-Jehová deyob soged.

Ezequiel 46:14

Amba deyobi, bane-bane wakudaryalaba, weyob be ukoed: Ibmar-gwagmar-orosgi-dakleged, wilubsaed-efa-gwagwen-nergwa-mimilegoedgi (6), gwensak be ukoed. Degi, olivo-gwallu, wilubsaed-hin-gwagwen-sogbaa-mimilegoedgi, gwensak be ukbaloed. We-olivo-gwallu, madubur-nisakwaa-imakega egi be eogoed. Bab-Jehováʼga we-ibmar-ukleged, degisadegu ukledii guoed.

Levítico 1:13

Dule-ibmar-uknaid, sibad-wawaad-e-samurmar, degi, e-malimar, diigi enukoed. Geb dule-irwa-Bab-Dummadse-goled ibmar-ogumakar-ukleged-aila-birgi bela ogumakoed. We, ibmar-ogumakar-uklegedid, Bab-Jehováʼga soogi-ogumakar ibmar-ukleged yeer-yapannedid.”

Levítico 14:10

”Geb dule-nugusad ibabaabakgine (8) we-ibmarmar-ukleged senonikoed: Sibad-wawaad-ome-senigwad-swilidikid boni-nikasulid, warbo, sibad-wawaad-ome-birgagwen-nikad-swilidikid boni-nikasulid, wargwen, degi, ibmar-gwag-uklegedga madubur-nued nibirambe-gakatar (15) olivo-gwalluba-omukuar sedabaloed, deginbali, olivo-gwallu bute-abala ukbaloed.

Levítico 2:1

Bab-Jehová Moisésʼga sogdebalid: “Israel-dulemarga be soge: ‘Dule-gwensak anga ibmar-gwag-gulleged ukele, e-madubur-bur-nued sedagoed. A-madubur-birgine, olivo-gwallu, degi, ina-wawadikid eogoed.

Levítico 2:15

A-birgine, olivo-gwallu, degi, ina-wawadikid be eogoed. We, ibmar-gwag-gulleged-uklegedid.

Levítico 23:13

Deginbali, madubur-bur-nued nibirbake olivo-gwalluba-omukuar, be ukbaloed. We-ibmar-ogumakar-ukleged Bab-Jehová yeer-yapanne itodaed. Degine, vino bute-gwagwen eba eolegoed.

Levítico 3:7

Ar sibad-wawaad-sapingwagwad ukele, Bab-Jehováʼga uknaidgi

Levítico 6:14

Bab-Jehová Moisésʼga sunmakdebalid, ega sogded: “Aarónʼga, degi, e-masmalaga be sogoed: ‘Bab-Jehováʼga ibmar-gwag-uklegoed-e-igar weyob mai-guoye: Bemar ibmar-ogumakar-ukleged-aila-asabin Bab-Jehováʼga ibmar-gwag ukoed.

Malaquías 1:11

Bab-Jehová-Bela-Gangued-Nikadi weyob sogbalid: “Dad-nakwiardaed-akale, dad-argwanedsega, bela dulemar-yar-baid-baidgi-bukwamalad-abargi, an-nug dummarbaa gued. Bela yar-baid-baidgine an-nugga ina-wawadikid ukmalad, degi, an-nugga ibmar-ukleged-swilidikid ukmarbalid. Ar bela dulemar-yar-baid-baidgi-bukwamalad-abargi, an-nug dummarbaa gued.”

Números 28:12

Degine, moli-bebe-nikad-iliba, madubur-nued nibirambe-gakatar (15) olivo-gwalluba-omukuar be anga ukoed. Sibad-wawaad-macheredgindi madubur-nued nibirambe (10) olivo-gwalluba-omukuar be anga ukoed.

Números 28:4

Wakdar, we-sibad-wawaad-wargwen be oburgoed. Sedodi, baid be oburgwebaloed.

Números 29:6

Nii-irba gusgu ibmar-ogumakar-ukleged-ukine, eba-ibmar-gwag-gusgu-ukleged-ukine, degi, vino-egi-eolegega-ukleged-ukine, wemar Bab-Jehováʼga be ukoed. Gusgu-igar-uklesadba be imakoed. Bela we-ibmar-uklemalad soogi-ogumakar Bab-Jehováʼga be ukoed. Wede Bab-Jehová yeer-yapanne itodaed.’ ”

Números 7:13

Naasón Bab-Jehováʼga-ibmar-uksadi, wemalad: Mani-bate-gwagwen, dulanergwa-gakambe-aidikued (130) senonikid. E-aidikuedi, Bab-Dummadse-goled-neggi mani-aidikued-ebislegedyobid. Degine, mani-nog-dummad, dulapaa-gakambe-aidikued (70) senonibalid. E-aidikuedi, Bab-Dummadse-goled-neggi mani-aidikued-ebislegedyobid. A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid.

Romanos 15:16

Ar Judíoʼsurmaladga-sunmakegala Jesucristoʼga-arbaega an nugsalesad. Degisoggu, Bab-Gayaburba-Nuedgi an sunmakdisunnad, adi, Judíoʼsurmalad Bab-Dummadga-ibmar-nued-uklegedyob gumalaga, Bab-Burba-Isligwaledba swilidik gumalagar.

Hebreos 13:16

Melle ibmar-nued-saed be iemalo. Na be muchub-muchub bendakmalo. Ar ade, weyob ibmar-imaklegedi, Bab-Dummad-yeer-ito imaked, ega ibmar-ogumakar-uklegeyobi itodaed.

Jueces 9:9

Olivo-sapi abin-sogded: ‘An sapimar-e-dummadga-guega, ¿olivo-gwallu-an-ukdiid bergusunnode, adi, sapimar-baiganba dummarbaa guegar? Adi sulirgebed. Ar ade, an-olivo-gwallugi bab-dummagan-nug-odummolediid, degi, an-olivo-gwallugi dulemar-nug-odummoledibalid.’