Números 15:3 - Kuna San Blas

³ agi, bemar Bab-Jehováʼga moli-bebe-nikaddibe, igi, sibad-wawaaddibe, ogumakar-ukye binsaarmalale, na be ukoed. Igi-barsundibe, ar na be Bab-Jehováʼga-sogsadba, we-ibmar-an-ukedseye, a-ular, na be ukbidibe, na be ukoed. Igi-barsundibe, be-itolegedba Bab-Jehováʼga-ibmar-ukbiedba-ukbidibe, na be ukoed. Igi-barsundibe, iba-itoakwaa-onolegedgi na be ibmar-ukbiedba-ukbidibe, na be ukoed. We-ibmar-ogumaklegar-uklegedde Bab-Jehová, yeer-yapanne itodaed.

Números 15:3 Iomraidhean Croise

Génesis 8:21

Ibmar-ogumakaled-yeer-yapanned Bab-Jehováʼse-mosgu, Bab-Jehová sogded: “We-napneg dulemar-isgued-ular, bar an ukabsaosulid. Ar dulemar gusgu na sapingwagwad-akar e-gwagegi unnila isguedginbi binsadimalad. Degine, an emi-imaksadyob, muusailaba bela ibmar-dula-gudidiid bar an ogilogosulid.

Esdras 7:17

A-manigi, ibmar-durgan be baksuli gudager: Moli-bebe-nikad-sapingana, sibad-wawaad-machergan, sibad-wawaad-sapingana. De-ukinbali, Bab-Dummadga-ibmar-uklebaloed be bakbalo: Ibmar-gwagmar, vinoʼmar. Geb degi, Jerusalén-neggweburgi bemar-Bab-Dummadse-goled-neggi Bab-Dummadga ibmar-ogumakar-ukleged-aila-siidgine, bemar we-ibmarmar Bab-Dummadga-ogumakar ukoed.

Salmo 54:6

Bab-Dummad, an bebina-sogedba ibmar-nued an bega ukoed. Bab-Jehová, an be-nug odummogoed, ar deyob-imaked ibnuedid.

Éxodo 29:18

Geb a-sorbali, sibad-wawaad-machered ibmar-ogumakar-ukleged-aila-birgi bela be ogumakoed. We-ibmar-ogumakar-anga-ukleged, an yeer-yapan itogoed. We anga soogi ogumakar uklenaid.

Éxodo 29:25

”Geb a-sorbali, Aarón e-argangi-madumar-ganikid bega ukoed. Geb ibmar-ogumakar-ukleged-ailagi be ogumakoed, anga-ibmar-ogumakar-uklesad-ebo mesa be ogumakoed, adi, an nued-yapan itogegar. Ar wede, anga soogi-ogumakar-uklegaledid.

Éxodo 29:41

Geb sedogi, sibad-wawaad-baid be oburgwebaloed. Wakdar-imaksadyob be imakbaloed. We-ibmar-soogi-ogumakar-ukleged an yeer-yapan itodaedid.

Levítico 10:13

Neg-islidikidgi be gunmaloed. Ar we-ibmar Bab-Jehováʼga-soogi-ogumakar-uklegedid, bega, degi, be-masmalaga uklesad. Ar weyobi anga igar uklesad.

Levítico 27:2

“Israel-dulemarga be sunmake, amarga be sogo: ‘Dule Bab-Jehováʼga sogsadibe, dule-gwensak-anar an mani bennukoye, we-dule-onogega, weyob imakoed:

Levítico 7:16

” ’Ar Bab-Jehováʼga-ibmar-ogumakar-uklenaidi, dule ibmar-imakedseye sogsagusad-ular uklenadibe, igi Bab-Jehováʼga na ibmar-ukbiedba uklenadibe, adi, a-ibagi a-san gullegoed. Ar san-obichardi, sunna bangi gullebaloed.

Números 28:27

A-ibagi, ibmar-ogumakar yeer-yapanne-itogega be anga ukoed. Wemar be anga ukoed: Moli-bebe-nikad-sapingana, walabo. Sibad-wawaad-machered, wargwen. Degi, sibad-wawaad-sapingwagwad-birgagwen-nikamalad, walagugle (7)

Números 29:8

Bab-Jehováʼga ibmar-yeer-yapanned-ukegale, we-ibdurgan be ukoed: Moli-bebe-nikad-sapingwagwad, wargwen, sibad-wawaad-machered, wargwen. Degi, sibad-wawaad-sapingwagwad-birgagwen-nikamalad, walagugle (7). We-ibdurgan bonisulid Bab-Jehováʼga be ukoed.

Números 6:15

Deginbali, Nazareo-dule ibmar-gwag-Bab-Jehováʼga-ukleged, degine, e-gobed-ega-uklebalid, sedabaloed. Deginbali, garba-bipigi madu-inasulid, sedabaloed. We-madude, madu-ologana madubur-nuedgi olivo-gwalluba-omukualedid, degine, madu-matargana olivo-gwallugi-magaledid. We-ibmarmar, we-Nazareo-dule sedagoed.

Mateo 3:17

Geb degi nibneg-akar gayaburba gollalid, sogded: “We, An-Machi-sabed-sunnad gued, weba weligwar an itoged.”

2 Corintios 2:15

Ar anmala, abonolesmalad-abargi, degi, dule-yoggus-gudimalad-abargi, Bab-Dummadga Cristo-ina-wawadikid-ukeyobi gued.

2 Corintios 2:16

Ar anmar, Cristoʼgi-bensurmaladga ina-wawadikid-burba-dula-ukedyob gued. Dule-Cristoʼgi-benmaladgardi, anmar ina-isgana-yapanned-emar-oburgwedyob gued. Ar Cristo-Jesúsʼgi-sunmakega, ¿doa degite, unniguar gudii guosunna? Anmardi unnido.

Efesios 5:2

Degi, sabguedgi be nanamar, ar igi Cristo anmar-sabgusmoga, degine, ise-wawadik Bab-Dummadga ibmar-ogumakar-uklegedyob anmar-ular na e-san uksamoga, ayob be nanamar.

Deuteronomio 12:11

An bemarga bela-ibmar-sogsad, be-Bab-Dummad-Jehová e-nug-nasikega-neg-sunonikoedgi be uknonimaloed: Bab-Dummadga-ibmar-ogumakar-ukleged be ukoed, ibmar-ambegine gwensak be ukoed (10%), be-Bab-Dummadga be-itolegedgi ibmar-ukoye-sogsad be ukoed, Bab-Jehováʼga ibmar-bur-nued-ukedseye be ise-sogar-sogsadi, a-neggi be uknonikoed.

Deuteronomio 12:17

”Deginbali, be-neggweburmargi Bab-Dummadga be-ibmar-ambegi gwensak-uked (10%), be gunnosulid: Ibmar-gwag, olivo-gwallu, be-moli-bebe-nikamalad-gebegwalulesmalad, sibad-wawaadmar-gebegwalulesmalad, sibadmar-gebegwalulesmalad, degi, olivo be gobosulid. We-ibmarmar be-neggweburmargi be gunnosulid. Degine, be ise-sogar-ibmar-ukoye-sogsad, degi, be-itolegedba Bab-Jehováʼga-ibmar-ukoye-sogsad, be gunnosurbalid.

Deuteronomio 12:6

Bemar a-negse be-Bab-Jehováʼga ibmar-ogumakar-ukleged be uknaoed, be-Bab-Dummadga-ibmar-ukleged be uknaoed, ibmar ambegi-gwensak-ukleged (10%) be uknaoed, Bab-Dummadga-ibmar-ukoye be ise-sogar-sogsad be sedoed. Na be-itolegedba be ibmar-ukbiedba-ukoed be sedoed. Be-moli-bebe-nikamalad-gebegwalulesad, degine, be-sibad-wawaadmar-gebegwalulesad be-Bab-Dummadga be uknaoed.

Filipenses 4:18

Ar an ibmar-abeged bato an bela abindaksad, degi, obinegwa an ibmar nikbalid. Ar bemar Epafroditoʼba anga ibmar barmiarmarsoggu, emigindi, bato an unniguar ibmar niksunnad. We-ibmar be anga barmiarmaladi, ina-wawadikid-ogumakar-uklegedyob gusad. We-ibmar, Bab-Dummad, nue-yeer-itoge abingasad.