Números 14:9 - Kuna San Blas

⁹ Degisoggu, melle bemar Bab-Jehováʼba uayasuli gumalo. Melle Bab-Jehováʼgi yolemalo. Bemar dule-a-yargi-bukmalad melle dobgumarbalo, ar ade, we-dulemargi bemar baisursunna nakwemaloed. We-dulemardina dule-e-bendaked sated. Anmarbardina Bab-Jehová gudiid. Degisoggu, melle we-dulemar be dobgumar.”

Números 14:9 Iomraidhean Croise

Génesis 48:21

Geb degine, Israel Joséʼga sogded: —Nue be itogo. An burgoed. Ar degi-inigwele, Bab-Dummad bemarba gudii guoed. Bab-Dummad bemar-dadgan-yarse gannar bemar-sedoed.

2 Crónicas 13:12

Degisoggu, Bab-Jehová, anmar-idunadapid. Degine, dule-irwa-Bab-Dummadse-gormaladi, gar-trompeta-ogolega, bato guakwa-bukwad, adi, anmar bemargi-gwichiguegar. Degisoggu, Israel-dulemar, mer be-dadgan-e-Bab-Dummad-Jehováʼgi bila-onogedgi be binsamar. Ar ade, Bab-Jehováʼgi, be gwen nakosurmalad.”

2 Crónicas 15:2

Azarías, Rey-Asa-abinguega e-abin noded. Geb degi, Azarías, Asaʼga sogded: “Rey-Asa, be nue an-itogo. Bela Judá-dulemar, degi, Benjamín-dulemar, nue an-itomarmogo: Bemar, Bab-Jehováʼba be nue nanamalale, Bab-Jehová bemarba-gudii guoed. Ar bemar, Bab-Jehová-amiele, Bab-Jehová be-amimarmogoed. Ar be Bab-Jehováʼgi bangumalardi, Bab-Jehová bemargi bangumarmogoed.

2 Crónicas 20:17

Bemardi, melle ese be achamalo. Bogi be ambikumalo. Be dakmaloed, ani, Bab-Jehová, igi an bemar-bendakoe. Judá-dulemar, degi, Jerusalén-dulemar, mer be dobgumalo, mer galakumalo. Banedse amar-abin be namalo, ar ade, ani, Bab-Jehová, an bemarba gudioed.’ ”

2 Crónicas 32:8

A-rey, dule-we-napaneggined-ganguedba danikoed. Anmardi, anmar-Bab-Dummad-Jehová-e-gangued anmar-bendakoed.” Degi, dulemar, Judá-rey-Ezequías-itosmargua, gannaledmalad.

Nehemías 4:14

Geb degidgine, neg nue an daksagua, an gwichiguded. Geb agi, dummaganga, sorda-idumaladga, degi, bela dulemarga an sogded: “Melle anmar-isdarmalad-abin gwayemalo. Nue insamalo, Bab-Dummad, dule-dummadid, bela-gangued-nika-maid. Be-gwenadgan-ular, be-masmala-ular, be-bunamala-ular, be-omegan-ular, degi, be-negyaur-ular be bila-onomalo.”

Salmo 106:24

Deginbali, napneg-nued-ega-uklesadi, isdar-daksamarbalid. Bab-Dummad-ega-ibmar-imakoye-sogsadgi, bengusmarbalid.

Salmo 121:5

Bab-Jehová be-edarbedid, Bab-Jehová be-dikarba gudiguad.

Salmo 14:4

¿Ar dule-isganamar na ibmar-isgana-imakdimalad, nue wismalansursi? Ar nue wismalanad. Emide, igi dulemar madu-gunmala, deyob an-dulemar ese dolediid. We-dule-isganamar, gwen bipisaagwar Bab-Jehováʼse gordisurmarbalid.

Salmo 46:11

Bab-Jehová-Bela-Gangued-Nikad anmarba gudiid, Jacob-e-Bab-Dummad an-dukuedga gued.

Salmo 46:7

Bab-Jehová-Bela-Gangued-Nikad anmarba gudiid, Jacob-e-Bab-Dummad an-dukuedga gued.

Salmo 46:8

¡Dagmala! Bab-Jehová-e-ibmar-imaksad be dakdamala. We-napneggi-ibmar-dakledisulid-imaksad be dakdamala.

Salmo 74:14

Be ibdula-dummad-diakined Leviatánʼye-nugad-e-nono ubigwar be imaksad. Ibdurgan-negsulidganba-gudimalad Leviatán-e-san-gunmalaga be imaksad.

Salmo 91:1

Dule, Bab-Dummad-Bur-Biriginedgi-dukued-amiedi, Bab-Dummad-Bela-Gangued-Nika-Maid e-edarbedga guoed.

Éxodo 14:13

Moisésʼdi Israel-dulemar-abin sogded: —Melle be dobgumar. Gandik be imakmar. Bab-Jehová bemar-bendakega-ibmar-imakoed be nue dakmar. Ar ade, emi bemar Egipto-dulemar-dakedi, bipisaale gwen bar-dakosurmalad.

Éxodo 33:16

Ar be anmarba dagsulile, ¿ar igi-degite anmar wisguosunna, be anga ibmar-sogsadi nue-napiraye? ”Ar be anmarba gudiirdi, adi, anmar magar daklemaloed, anmardi emaryobsurye, dulemar-bamaladbo akarsailaye.”

Isaías 1:2

¡Nibneggi-bukmalad, an-itomalo! ¡Napneggi-bukmalad, an-itomalo! Bab-Jehová weyob soged: “Ani an an-mimmigan akwisad, an na odummosad, degi-inigwele, angi gwisgudmalad.

Isaías 32:2

Dummagan-neggwebur-semaladi, burwa-irwa dulemar-odukueyobi, dulemarga gumaloed. Burwa-dummagan-noed-irwa dulemar-odukueyobi, ega gumaloed. Neg-dinnagwadba dian-maidaeyobi, ega gumaloed. Nega-dulesulidganba akwa-dummad-negsichi-imaksidaeyobi, ega gumaloed.

Isaías 41:10

Melle be gwayo. An beba gudiguad. Melle be suli-suli-itogo. Ani an be-Bab-Dummadid. An be-ogannogoed, an be-bendakoed, an-sakwa-gandikid-nuedsikidgi an be-ganikioed.

Isaías 41:14

Bab-Jehová soged: “Bemar-Israel-dulemar ichee-gue-inigwele, melle be gwayemalo. Bemar-Jacob-wagan-gandik-gusur-inigwele, melle be gwayemalo. Ar an-sunnagwad an be-bendakoed. Ani an Israel-dulemar-e-Bab-Dummad-Isligwaled gued. Ar an be-Bendakedid.

Isaías 63:10

Degi-inigwele, Israel-dulemar Bab-Jehováʼba ibsassurmalad, E-Burba-Isligwaled-wile-itogega imaksamalad. A-ulale, Bab-Jehová Israel-dulemar-e-isdaradga gunonikid, Bab-Dummad e-sunnad egi bila-onosad.

Jeremías 1:19

We-dulemar bela begi gwisgunanai gumaloed, degi-inigwele, begi obinosurmalad. Ar ani an, be-bendakega beba gudii guoed. Ani an Bab-Jehová-guedgi, we-ibmar an bega soged.”

Jeremías 42:11

Bab-Jehová soged: “Bemar Babilonia-rey-dobgudimalad, melle be dobgumalo. Ar ani an bemar-bendakega bemarba gudiid, degi, Babilonia-rey-e-ganguedgi bemar-ollorsaega an gudiid.

Jeremías 48:45

”Gwenna-gwenna nue-yegus Hesbónʼse modapmaloed. Ar Rey-Sehón-neggwebur-Hesbónʼgi, bela soo gwichiguoed. Soo bela Moab-yarsik-gwagmai, Moab-dulemar-san-dummarba-samalad obelogoed.

Daniel 9:5

Anmar nue-isgusad, anmar ibmar-isgana imaksad, anmar sunnasur-gudigusad, degi, anmar uayasuli-gudigusbalid. Anmar Be-Igar-Mamaidgi, degi, Be-Igar-Uksadgi bangusad.

Daniel 9:9

Ar anmar beba uayasuli-gusmala-inigwele, bedi, anmar-Bab-Dummad-Jehová, amba dule-wile dakmaid, degi, dulega isgued elibalid.

Números 13:30

Geb degine, Caleb Moisés-asabin dulemar-bar-sunmakega imaksasulid, geb sogded: —Anmar we-yarse ubonae. Anmargadga anmar we-yar-imaknae. Ar an wisid, anmar we-dulemar-bukwadgi nakwemaloed.

Números 17:6

Degidgine, Moisés Israel-dulemarga sunmaksagu, dadgan-dummagan-warambe-gakabogwad-e-dummagan-iliba gaapoled senonimalad. Degisoggu, gaapoled warambe-gakabo (12) senonimarsundo. We-gaapoledmar-wargwenad, Aarón-gaapoled gued.

Números 20:2

A-yargi, dii satesoggu, dulemar bela Moisésʼgi, degi, Aarónʼgi gwisguarmalad.

Números 24:8

”Ar Bab-Dummad Egipto-yargi onosad. Israel-dulemar-e-ganguedi, moli-bebe-nikad-sapurbalidyobid. Israel-dulemar e-isdarmaladgi nakoed, e-isdarmalad-e-garmar bela bibisgoed. Degine, e-sigumargi e-isdarmalad-naibi-saoed.

Mateo 1:23

“Emi be dake, yagwa-wargwen gurgin-nika guoed, goe nikunonikoed. Emanuelʼye onugsaoed.” Isaías 7:14 Emanuel sogleged, “Bab-Dummad anmarba gudiiye.”

Romanos 8:31

Degite, we-ibmar-soglesadgi, ¿igi-an bar sogmalosunna? Ar Bab-Dummad anmarba naile, ¿doa anmargi gwisguosunna? Dule anmargi gwisgued, sate.

Deuteronomio 1:21

Be dake, bemar-Bab-Dummad-Jehová bemarga we-yala uksamalad. Ar bemar-dadgan-e-Bab-Dummad-Jehová, bemarga sogsa gusad: ‘Bemar we-yalase be dognamar, be sunamar. Melle dobgumar, melle galakumar.’

Deuteronomio 1:26

Moisés Israel-dulemarga sogdebalid: “Degite, bemar, yapa a-yarse naegusmalad. Deyobi, bemar, bemar-Bab-Dummad-Jehová-sogedba gwen ibmar imaksasurmalad.

Deuteronomio 1:29

”Geb agine, an bemarga sogsamalad: ‘Mer be gwayemar, we-dulemar mer be dobgumalo.

Deuteronomio 31:6

Degisoggu, ¡be gangumar! ¡Mer galakumar! Ar ade, be-Bab-Dummad-Jehová bemar-idunadapsoggu, melle be we-dulemar dobgumalo, melle ese be gwayemalo. Bab-Jehová walagwen bemar-metosulid, bemargi banguosulid.”

Deuteronomio 31:8

Bab-Jehová-sunnad be-idunadapi guoed, beba gudigu guoed, walagwen be-metosulid, begi banguosulid. Degisoggu, melle be dobguo, melle be galakuo.”

Deuteronomio 32:42

An-sigumar ablisbi gunonikoed, an-es-suid san-immi-immi imakoed. Dule-naibigusmalad-e-ablis ariogoed, dule-galesmalad-e-ablis milegoed, dule-isdarmalad-e-dummagan-e-nono anse egwallegoed.’

Deuteronomio 7:18

”Melle be we-dulemar dobguo. Nue be ebinsamalo, igi be-Bab-Dummad-Jehová, Faraón-imaksa, degine, igi bela Egipto-dulemar-imaksabali.

Deuteronomio 7:21

A-dulemar-abin, melle be gwayo, ar ade, be-Bab-Dummad-Jehová bemar-abargi gudiid. Be-Bab-Dummad, dule-dummadid, dulemar bela a-Bab-Dummad-dobdamalad.

Deuteronomio 9:7

Moisés Israel-dulemarga sogdebalid: “Bemar ebinsamalo, melle iemalo, igi bemar nega-dulesulidganba be-Bab-Dummad-Jehová be oulusgusmala. Bemar Egipto-yargi-noalid-akale, emi-ibadse bemar-senonikidse, bemar, Bab-Jehováʼgi gwisgudanigumalad.

Filipenses 1:27

Degisoggu, unnila Cristo-gayaburba-nued-soglemaidba be damarsun. Ar an bemarse ataknaddibe, an bemarse nadsurdibe, unnila an itobied, bemarde na wargwennayobi danakwaa gudimarye, degi, Bab-Dummad-gayaburba-barsogega na danakwaa arbananaimarye.

Josué 1:5

Be-dula-gudiidgi, dule bipisaale begi nakosulid. Ar an igi-Moisésʼba gudigusa, deyobi, an beba gudii gumogoed. An be-metosulid, walagwen an be-obegosurbalid.”

Josué 14:12

Degisoggu, a-ibagi, Bab-Jehová anga yar-ukoye-sogsagusadi, be anga uksunna. Josué, be nue-wisid, a-iba-akale, dule-masdummagan-Anac-wagan a-yargi bukwamalad. E-neggweburmala dummaganad, nue-ise-sakdigar bukwa nanabalid. Degi-inigwele, ar igi Bab-Jehová na ise-sogar sogsagusa, deyobi Bab-Jehová-an-bendakoedbali, an we-dulemar a-yargine onioed.”

Jueces 1:22

José-wagan Betel-neggweburgi bila-ononade gusmalad. Bab-Jehováʼdi, José-waganba nue-gudiid.