Números 14:5 - Kuna San Blas

⁵ Moisés, Aarón-ebogwa Israel-dulemar-bukidar-bukwad-asabin dulluu napase e-nono imakdemalad.

Números 14:5 Iomraidhean Croise

Génesis 17:3

Geb degine, Abram Bab-Dummad-asabin napase e-bebe-ebulegedse dulluu imaksad. Bab-Dummaddi ega sogdebalid:

1 Reyes 18:39

Israel-dulemar deyob daksagu, napase dulluu imaksamalad, sogdemalad: “¡Bab-Jehová, Bab-Dummad-napiragwadid! ¡Bab-Jehová, Bab-Dummad-napiragwadid!”

1 Crónicas 21:16

David atakdegua, Bab-Jehová-e-baliwitur niba nai dakalid, degi, es-gani Jerusalén-neggwebursik-oyonai dakalid. Geb David, degi, girmar-dummaganmala bukib-itoged-mor-yoi napase dulluu imaksamalad.

Ezequiel 9:8

Ar wemar dulemar-ogilonanaigua, andi wargwen besad, geb an wagar-napase-dulluu imaksad. Agine an ise-gandikidba Babse goted: “¡Bab-Dummad-Jehováʼye! ¿Bela-bela Jerusalén-dulemargi be gwichiguoe? ¿Bela be Israel-dulemar-ogilogoe?”

Daniel 10:9

Geb degine, dule anga sunmake an itoalid. Dule anga sunmaknai an itoargua, an negoeded, geb napagi asgunar an aimukuded.

Levítico 9:24

Degidgine, Bab-Jehová soo barmialid. Geb ibmar-ogumakar-ukleged-aila-birgi ibdurgan-gummakega-bukwad, degi, ibdurgan-gwallumar-bukwad bela soose gummaksad. Ar deyob daksamargua, bela Israel-dulemar weligwaledba oimakdemalad. Geb Bab-Jehová-nug-odummogega napase e-wagar dulluu imaksamalad.

Números 14:6

Nun-machi-Josué, degi, Jefone-machi-Caleb, amala neg-argaapmaladba arbigusmarmogad. Amar mor siir-siir imakdemalad, oyogega, emarde nue-nunmak itomarye.

Números 16:22

Moisés Aarón-ebogwa na e-wagar napase dulluu imakdemalad, geb sogdemalad: —Bab-Dummad, ar bee be, bela dulemarga san-burba-dulad-ukmaid. ¿Unnila dule-wargwenbi begi isgusad-ular, bela dulemar sabsur be odurdakode? Sulirgebed.

Números 16:4

Moisés we-dulemar-degii-ega-sognanaid itosgua, amar-asabin dulluu imakded.

Números 16:45

“¡We-dulemar-abargi bemar bangumar, adi, we-dulemar yoga-obeloar an imakegar!” Degidgine, Moisés Aarón-ebo napase dulluu na e-nono imakdemalad.

Números 17:10

Agine, Bab-Jehová Moisésʼga sogdebalid: “Gannar Aarón-gaapoled an-bemarbo-Igar-Mesisad-Uluse be mesna, adi, dulemar-anba-dasurmaladga wilubga guegar. Adi, a-dulemar melle begi bar urwemalagar. Ar urwemalale, we-dulemar burgwemaloed.”

Números 20:6

Moisés, Aarón-ebogwa, dule-bukidar-bukwad-abargi nodmalad, Bab-Dummad-dulemarbo-ambikued-neg-e-yawagakse nadmalad. Agine e-wagar napase dulluu imaksamalad. Geb Bab-Jehová-e-gangued-yeerdakleged ese magarononikid.

Mateo 26:39

Jesús sikwas nadgu, napagi asgun megdapid. Geb Bab-Dummadse-gotegu, sogded: “Baba, an-idu igar-buled naid, sunna be anga osulogena gadin. We-igar, ina-gagbid-gobedyob beedse an egi wilegoed. Degi-inigwele, melle be an-sogedba be imako. Unnila be-sogedbarbi be imako.”

Josué 5:14

Machered, Josué-abin sogded: —¡Suli, an dulemar-sordasuli! Andi an Bab-Jehová-e-sordamar-e-Dummadid. Geb Josué dule-asabin napase dulluu e-wagar imaksad, a-dulese egichided: —An-Dummad, be-maiga, ¿ibi igar be ukdanisunna?

Josué 7:10

Bab-Jehová, Josué-abin sogded: —¡Be gwichigue! ¿Ar ibiga be asgunar napagi mellemai?

Apocalipsis 4:10

We-ibdulamar deyob-sogdemalale, girmar-selegan-dulagwen-gakabakegwadi (24), Bab-Dummad-na-e-ologanagi-siid-asabinni yog-yokorgi sindigar sigiddamalad. Degine, e-ologurgin, Bab-Dummad-ologana-asabin urbiddamalad, gandikidgi sogdedamalad:

Apocalipsis 5:14

Ibdula-walabakegwad sogbukmalad: “Deyob gusun.” Girmar-selegan-dulagwen-gakabakegwaddina (24), yokorgi sindigar sigidmalad. Dule-degisadegu-dula-maid-e-nug odummodmarsunnad.

Apocalipsis 7:11

Baliwiturmar belagwapa ologan-ebilis, girmar-selegan-ebilis, degine, ibdula-walabakegwad-ebilis, gwichimalad. Amar Bab-Dummad-na-e-ologanagi-siid-asabin, dulluu napase imakdemalad, Bab-Dummadse gotemalad, e-nug ogannodmalad,