8 Dad-dummad-Efraínʼgi-danikidi: Oseas Nun-e-machi.
Elisama-e-machidi, Nun. Degi, Nun-e-machidi, Josué.
Geb degine, Moisés, Josué-ebo Bab-Dummad-yarse nakwid gusad. Josuéʼde Moisés-bendakedid.
Geb degine, Josué dule-bukidar oimake-itoargu, Moisésʼga sogded: —Dulemar danar-bukwadgi urwe-nana an itodo.
Agine, Nun-machi-Josué, sapingwagwad-akar Moisés-bendakdiid, Moisésʼga sogded: —Dummad-Moisés, melle we-dulemar Bab-Dummad-Burbaba-sunmaked be imake.
Moisés dulemar-yar-arganaega-barmisgusadi, weyob nugmalad. Moisés, Nun-machi-Oseasʼgala nug ogwasad, Josuéʼye onugsasad.
Dad-dummad-Isacarʼgi-danikidi: Igal José-e-machi.
Dad-dummad-Benjamínʼgi-danikidi: Palti Rafú-e-machi.
Geb degidgine, Bab-Jehová Moisésʼga sogded: “Be-burgwed-ibagan bato omosad. Josuéʼse be gole, an bega igarmar-ukega dulemar-anbo-ambikued-neggi be an-edarbemalo.” Degisoggu, Moisés, Josuéʼbogwa Bab-Dummad-dulemarbo-ambikued-negse modapmarsunnad.
Geb degine, Bab-Jehová Nun-machi-Josuéʼga, weyob igar-ukded: “¡Nue salakar, gatik gandik-sao! ¡Mer galakuo! Be, Israel-dulemar an yar-ega-ukoye-sogsadse be odogoed. An-sunnad, an beba-gudii guoed.”
Moisés dulemar-bukwadse nadegusad, Nun-machi-Josué, eba nadgusmogad. We-namaked bela dulemarga sogsagusad.
Dakargu, Moisés Josué-e-nonogi e-argan mesisgussoggu, Nun-machi-Josué, nue binsaed-nikaa gusad. Degidbali, Bab-Jehová-Moisésʼga-igar-uksadba, Israel-dulemala, Josué-sogedba nanadii gusmalad.
Geb Josué-abin weyob sogsamalad: —Bela be anmarga igar-uksadba anmar ibsaoed. Bia be anmar-barmidoe, abali anmar naoed.
Deyobi, Bab-Jehová igar-uksadba imaksamalad. Josué, Efraín-yalaganba Timnat-Sera-neggwebur-siid abingasad. Ar Josué we-neggwebur na egichagusad. Degisoggu, gannar a-neggwebur sobsa gusad. Geb agi megisad.
