Números 13:2 - Kuna San Blas

² “Canaán-yar Israel-dulemarga an ukesokarsoggu, dulemar a-yar arganaega be barmide. Israel-dadgan-warambe-gakabogwad-irba (12), sapin-dummagan-war-wargwen be barmidoed.”

Números 13:2 Iomraidhean Croise

Éxodo 18:25

A-ular, Moisés Israel-dulemar-bur-nabir-ibmar-imakmalad susad. Amar, dulemar-miligwenad-e-dummadga (1,000) onugsasad, baigan, dulemar-dulataled-e-dummadga (100) onugsasad, baigan, dulemar-dulabo-gakambegwad-e-dummadga (50) onugsasad, degine, baigandi, dulemar-e-ambegwad-e-dummadga (10) onugsasmogad.

Números 1:4

Bemar-bendakega bemar-dadgan-warambe-gakabogwad-war-wargwengi, neguyagi-dummadga-gudiid be suoed.”

Números 11:16

Geb degine, Bab-Jehová Moisésʼga sogded: “Israel-girmar-dummagan dulapaa-gakambe (70) be anga onmako. Be girmar-dummaganga-gudidiid-wisidi, degi, dule-dummaganga-mamaid-wisbalidi be sedago. A-girmar-dummagan dulemar-anbo-ambikued-negse be sedago. Agi, be an-edarbemaloed.

Números 13:16

Moisés dulemar-yar-arganaega-barmisgusadi, weyob nugmalad. Moisés, Nun-machi-Oseasʼgala nug ogwasad, Josuéʼye onugsasad.

Números 13:3

Geb degine, Moisés Bab-Jehová-ega-sogsadba nega-dulesulidgan-Paránʼye-nugad-akar dulemar-barmisad. We-dulemarde, bela Israel-dulemar-abargi dule-dummagan gumalad.

Números 32:8

Be-babgan deyob imaksamarmogad, deun an Cades-Barnea-akar we-yar-argadagega barmiargu.

Números 34:18

Deginbali, dadgan-warambe-gakabogwad-iliba (12) e-dummaganga-gudimalad war-wargwen be subaloed. Amala bemarga yar mimimarmogoed.

Deuteronomio 1:15

”Degisoggu, bemar-dadgan-warambe-gakabogwad-abargi (12), an dule-nue-binsaed-nikamalad, degi, dule-ibmar-nue-wismalad sunonikid. Wemar, bemar-dummaganga an onugsasad: Dule-miliba-mergued-e-dummadga (1,000), dule-dulatar-mergued-e-dummadga (100), dule-dulabo-gakambe-mergued-e-dummadga (50), degine, dulemar-e-ambe-mergued-e-dummadga (10). Deginbali, dadgan-danar-danar-bukwad-e-dummaganga an onug-imaksabalid.”

Deuteronomio 9:23

”Geb Bab-Jehová Cades-Barnea-akale bemar-barmisgua, bemarga sogsa gusad: ‘Be namar, yar-an-bemarga-uknaid be sunamar.’ Degite, bemar, be-Bab-Dummad-Jehová bemarga-ibmar-sognaidba be ibmar-imaksasurmalad, be bengusmalad, gwen be itossurmalad.

Josué 3:12

Degisoggu, emigindi, dadgan-warambe-gakabogwad (12) war-wargwengi, bemar machergan warambe-gakabo (12) amimar.